من هو الرجل؟

سؤالا دار فى فكرى أريد أستطلاع رأيكم فيه من هو الرجل الذى يستحق أن يعامل مثل سى السيد؟

يمكن ناس تقول مافيش راجل يستحق المعاملة الملكية دى لكن من وجهة نظرى لأ فى رجاله يستحقوا هذة المعاملة وأول من أستبعده هو "سى السيد" شخصيا لأنه لا يستحق كل هذا العطاء من أمينة تلك المرأة الحنون.

أنا مش هتكلم عن مواصفات أو مبادئ هذا الرجل حتى أسمع ارائكم فيه.

هو أنا الصراحة مش عارفة أنت قصدك إيه بسي السيد
بس لو كان قصدك انه رجل يفضل يشخط ويزعء ويرفض الحوار وكل طلباته أوامر
ويعامل مرآتة على إنها الخدامة اللي جابوهاله...............فطبعا ما فيش حد يستحق ذلك
ودي حاجه ماترضيش ربنا

لكن لو معنى معاملة سي السيد :الطاعة وتوفير الراحة والسكينه بدون إهانة منه ..هذا لامانع فيه بل واجب
...... بشرط ألا يكون ديكتاتور و يشركنها معه في الرأي ويبادلها المودة والرحمة ومش أناني حتى
تستطيع المرأة الاستمرار في العطاء.... وعلى هذا اخترت الاختيار الأول

موضوع جميل يازمرده............................... انا من رايى ان لسه فى الرجل اللى يستحق معامله سى السيد (اقصد معاملتى انا له كسى السيدوليس معامله سى السيد لى كما جاء بالسينما ) لان معامله سى السيد للمراه فى الصوره التى جسدها لنا التليفزيون لا تمت للرجوله بشىء ......................................وصفات هذا الرجل هى 1-ان يكون حنون القلب 2-ان يكون طيب القلب 3 -ان يعاملنى ككونى انسانه وليسه اله او اداه لتنفيذ اوامره 4-ان يكونرجلا بمعنى ومضمون الكلمه 5-ان يخاف على اكثر من خوفى على نفسى 6-وقبل كل هذا ان يتقى الله فى اعتقد ان رجلا بهذه المواصفات قليلا جدا عليه ان يتعامل معامله سى السيد ولا ايه يازمرده!!!!!!

ايه الكلام الجميل ده يا ست هبة .................. رغم ان الانسان اللى فيه كل المواصفات دى يستحق ان

تخدميه بعنيك الا انى برده مش قادرة اتخيل نفسى امينة بكل ما كانت فيه

ولكن ما اضمنه انى لو وجدت رجل بمواصفاتك فساعامله معاملة ممتازة بس مش لدرجة سى السيد

يعنى .......لأنه لو راجل بجد لن يتعامل بالطريقة دى اصلا ولكنه سيحتوينى وتكون المعاملة قائمة على

الحب والحترام فانا لست مع انه( لايوجد كرامة بين المحبين ) لأن النسان المحترم اصلا محترم مع كل الناس

سواء فى حب او لأ ولا ايه؟؟؟؟؟؟؟؟؟؟؟؟؟
وبعدين يا زمردة هانم فين ردك ولا انت بتدبسينا وتخلعى

أولا يا snow أنا كنت أقصد بمعاملة سى السيد هو كم العطاء المهول الذى كان يحصل عليه من أمينة وليس أخلاق هذا الرجل لأنه من وجهة نظرى غريب الأطوار فكيف فى بيته راجل رخم وحمش ومش متعاون وبره البيت راجل مسخرة تحت كعب الست زبيدة وغيرها.

أما بالنسبة لى فمن رأى أن نعامل الرجل مثل سى السيد مع بعض التحفظات وهى الآتى:
1-لازم ياخذ رأينا ونأخذ رأيه لأن ده هيزود من حبه فى قلوبنا.
2-يتعاون معانا فى كل شئ يعنى مافيش حاجة اسمها الست أتخلقت للمطبخ والراجل للشغل وده مش معناه أننا منعملش حاجة ونصرف نحن على البيت لأ بس معناه أننا نحط أدينا فى أيد بعض يعنى نبقى كيان و روح واحدة يعنى نشارك بعض فى كل حاجة.
3-لو الشخت والنتر ده عمال على بطال يبقى لا وألف لا؛ أما اذا كان بسبب خنقة أو حاجة جامدة مزعلاه يبقى نستحمله لأن أكيد ممكن نمر بنفس اللحظات من الضيق.

مواصفات الرجل هو أنه :1-متدين بس باعتدال.(ان حبها صانها وان كرها ما يهنها)
2-حنين ويتعامل كويس من غير اهانة.
3-بيعرف يعبر عن مشاعره بالقول أو بالفعل ويستحسن بالأثنين.
4-بيقدر رأيها ويحترمه مهما كان.


أعتقد أن راجل بالمواصفات دى وزيادة عليهم بيحبها هيستحق أن المرأة تحبه وتصونه وتخدمه برموش عنيها.

وعلى كل اللى محفزنى ناحية طاعة الزوج أو حسن معاملته هو حديث للنبى (صلى الله عليه وسلم) ما معناه أن المرأة اذا صلت فرضها وصامت شهرها وحفظت فرجه كان لها أن تختار من أى باب من أبواب الجنة تريد الدخول.

أنا بصراحه كلمة سى السيد دى بتعصبنى شويه

لأن ده نموذج خاطىء رسمته السينما المصريه لواقع كان موجود لفتره من الزمن .

أنا مثلا مش متخيله نفسى مع رجل زى سى السيد بتاع امينه

بصراحه من تانى يوم ممكن أخنقه

لكن لو رجل يستحق فطبعا لو ربنا قدرنى على العطاء الغير محدود بتاع أمينه ده ، هعمله بإذن الله .

لأنه رجل وغالبا اليومين دول الرجال نادرون !

شكرا يا عم على الموضوع عاوزين نشوف حاجات كده تانى بقى