الزيارة الأولى

السلام عليكم

ياجماعة......

أول زياره هنعملها إن شاء الله هتكون لقسم الأورام في القصر العيني (قريب جدا من قسم الرمد)

يوم الخميس القادم (1-1-2009) التجمع أمام الcommunity الساعة 12ونصف
اللي عايز يجي .....يتصل بينا علشان نعرف العدد اللي هيجي الزياره و اللي على اساسه
هنجيب الهدايا للناس (فيه اطفال وفيه كبار)

واللي عايز يجي يوم الأربعاء اللي قبل الخميس(امام العالميه الساعه 12ونصف)
علشان يشاركنا الرأي ونشوف هنجيب إيه؟ ده يبقى كويس
وإلا فلتعتمدوا على ذوقنا


الاتصال بينا من خلال اعضاء الأسرة أو رقم التليفون الموجود في المجله أو الe-mail:bokraahla7@gmail.com
وجزاكم الله خيرا


أه على فكره زمرده هي اللي ماسكه اللجنه الاجتماعيه ... بس هي مشغولة شويه...كانت هتقولكو هي الكلام ده بس الظروف بقى
مين عارف يمكن نلاقيها داخله علينا دلوقتي

أه جتلي فكره


قبل ما نروح الزياره ان شاء الله......ماتيجو نفكر ف نوايا
كل واحد يقول نيه

موافقين؟
خلاص ماشي

هبتدي انا
نيتي (إن الله في عون العبد ما دام العبد في عون أخيه)


يلا الدور عليكو

تمت بحمد الله أول زياره

وكانت موفقه إلى حد كبير
على الرغم من أننا لم نجد سوى 3 أطفال
لكن ....
الناس الكبار كانوا كتير (احنا جنا عارفين عددهم قبل مانروحلهم)ولما وزعنا عليهم الحاجه واتكلمنا مع كل حد شويه
كانوا بيبقوا فرحانين أوي وبيدعولنا
كانت حاجه حلوة أوي

أما ال3 أطفال ف شويه مننا قعدوا قرولهم قصه وشويه لعبوا بالبلالين و لعبنا كوتشينا
يعني
عملنا جو في الأوضة....الحمد لله

إن شاء الله بقى الزيارات الجايه تبقى أحلى
ويبقى معانا ناس أكتر(كنا 16 الحمد لله )

الزياره التانيه بقى مفاجأه......
ان شاء الله هتكون الأسبوع ده ....زمرده بقي هتبقى تقولكو عليها

سلام