المساهمات : 661 تاريخ التسجيل : 07/01/2009 العمر : 35
موضوع: ليييييييييييييييييييه؟؟؟؟؟؟ السبت يوليو 17, 2010 5:08 am
السلام عليكم ورحمة الله وبركاته...............
ده سؤال لكل الاعضاء..............
ليه بتخش ع النت.؟
....واد ايه بتقعد عليه ؟ وايه اللي بيخليك تقعد كتير-لو بتقعد كتير فعلا-؟ وهل انت مبسوط بده؟ يعني مستفاد ولا بتضيع وقت وخلاص؟ وايه اكتر حاجة في النت بتشدك ؟
دول 6 اسئلة وعايز 6 اجابات بس بصراحة ومباشرة...(انا اصلي عايز اعرف ليه الناس فعلا بتقعد كتير اوي ع النت مع اني بمل منه بسرعة)
true man عضو ممتاز
المساهمات : 316 تاريخ التسجيل : 26/02/2009 العمر : 36
موضوع: رد: ليييييييييييييييييييه؟؟؟؟؟؟ السبت يوليو 17, 2010 2:17 pm
اول حاجة وعليكم السلام ورحمة الله وبركاته ليك وحشة يا عم التنين الحجرى
انا عن نفسى باخش على النت عشان الفيس بوك ليا اصدقاء واعداء اعتز جدا بهم ونقاشات تشعرنى بذاتى باقعد حوالى 4 ساعات يوميا واحيانا مفيش ممكن تزيد شوية لو عندى مناظرة
مش استفادة كاملة ولا تضييع وقت يعنى بافيد واستفيد واضيع وقت برضو اكتر حاجة بتشدنى الفيس بوك لانه عالم افتراضى متكامل يتيح لى حرية السفر عبر البلدان والافكار جعلنى اكثر اقتناعا برأيى واستعدادا لسماع الاخر دون ان تفارق البسمة وجهى تعرفت على سياسات العالم كما يراها اهلها صادقت المصرى والعربى والانجليزى والفرنسى والجاميكى بل الاسرائيلى نفسه وسمعت منهم عن حكوماتهم كما لم اسمع من افضل المحللين السياسين وصادقت الملحد والمسلم والنصرانى والبهائى الملتزم منهم والكاره للدين والقيم الشخص العادى واصحاب الرتب الدينية
بصراحة هو عالم اكثر من رائع خاصة مع اعتبارا الكائنات المؤنثة مجرد يوزر فتصبح نانى كعبد الجبار لا فرق بينهما لدى
علمنى كيف افصح عن افكارى واكسبنى ثقة بنفسى كنت فقدت اغلبها عند دخولى كلية المجانين فى البداية كنت مدمنا له لكنى استطعت تنظيم وقتى حاليا وترتيب اولوياتى معلش طولت بس انت اللى طلبت
Snow_white Admin
المساهمات : 764 تاريخ التسجيل : 01/09/2008 العمر : 35
موضوع: رد: ليييييييييييييييييييه؟؟؟؟؟؟ السبت يوليو 17, 2010 11:35 pm
علشان بحس انه عالم بتاعي انا ....وبتفرج من خلاله على عالم الناس التانية هو بيكسب خبرات حياتيه ومهارات مختلفه زي التعامل مع الناس اللي تعرفها وماتعرفهاش وطريقة تفكيرهم وعليه كل حاجه الواحد ممكن يتخيلها ....من الأخباروالكتب و الشعر والأدب للنكت والفوازير بس ساعات برضو بيبقى في اسباب تانية للدخول ممكن يبقى هروب ....ممكن يبقى تضييع وقت ....ممكن يبقى تعود....ممكن تبقى حالة ضيق وتوهم ان النت هو الحل
بقعد كل يوم ممكن 4 ساعات وممكن ساعه واحده ونادرا بحكم المكان ممكن مادخلش خالص لما بقعد فترة كبيرة اكتر من ساعتين ساعات بتضايق جدا وبحس انني فشلت اكتر حاجه بتشدني فيه؟؟؟؟ مممممممم التعامل مع ناس مختلفة وتبادل الأراء سواء عالفيس او المنتديات ثم الجروبات الشعرية و الصفحات اللي بتخص شخصيات معينه زي صفحة د.مصطفى محمود عالفيس
بس مشكلته الوحيده بالنسبالي انه بيسرق وقت كتير فبيجي على حاجات تانيه...........هي يمكن حلها مش مستحيل زي ما قال د.ترو تنظيم الوقت........ أكيد اللي هينجح ف تنظيم وقته مش هيواجه المشكلة دي
firing_dragon عضو ممتاز
المساهمات : 661 تاريخ التسجيل : 07/01/2009 العمر : 35
موضوع: رد: ليييييييييييييييييييه؟؟؟؟؟؟ الأحد يوليو 18, 2010 5:37 am
ردود معبرة فعلا والغريب انكم بتقعدوا زي بعض...(مع اني اعرف ان د/ترو بتيجي عليه ايام بيبات ع النت وايام مش بيشوف لونه حتي)..يمكن تكون اخدت المتوسط
علي العموم ماحدش قالي...........انت بكده مبسوط؟؟؟؟؟؟
fatota Admin
المساهمات : 481 تاريخ التسجيل : 05/09/2008 العمر : 35
موضوع: رد: ليييييييييييييييييييه؟؟؟؟؟؟ الخميس يوليو 22, 2010 5:50 am
ليه بتخش ع النت.؟ عشان لو عايزة ادور على حاجة وبقرأ المصرى اليوم على النت فى الأجازة والفيس بوك بيحسسنى انى بسوف ناس كتير واطمن عليهم
واد ايه بتقعد عليه فى العادى مش كتير لأنى بزهق بسرعة ومش بحب قعدته اوى ...............بشوف الدنيا ماشية ازاى واخرج
وايه اللي بيخليك تقعد كتير-لو بتقعد كتير فعلا-؟ لو هحط حاجات عى الجروب او المنتدى مثلا او برد على حاجة معينة او كدة يعنى
وهل انت مبسوط بده؟ اه بصراحة لأنى بحس بانتعاش حتى لو قعد وقت صغير وكمان بكون عرفت اى حاجة من اخبار او حتى شفت اصحابى كاتبين حاجة عبانى
يعني مستفاد ولا بتضيع وقت وخلاص؟ كدة وكدة يعنى بس الإستفادة بصراحة مبتكونش كبيرة بس احنا لازم نتواصل ع الناس فى الدنيا ..........لكن بصراحة مش بحس ان النت غير فىا حاجة جامدة او كدة ولكن ممكن اكون باخد منه دفعات ايمانية ساعات واقرا موضوع كويس يعجبنى او اتذكر حكمة او كدة لكن مش ثقافة واستفادة ولا حاجة
وايه اكتر حاجة في النت بتشدك ؟ا نى بشوف الدنيا ماشية ازاى واصحابى زى ما قلت وبعض الإستفادة والتذكير بالله وحكم الحياة
السبت يوليو 17, 2010 5:08 am
