حدث بالفعل.....1)مواقف مزعجة:((

السلام عليكم ورحمة الله
يعني وانا وسط ازعاجات الباطنة قلت أفتخ الموضوع ده
بس مش علشان نزعج بعضينا....مش ناقصة هي

الموضوع بيتلخص ان كل حد بيمر ف حياته مواقف بتضايقه وبتزعجه وممكن تكون بتجرحه كمان
قد يكون بشكل يومي أو اسبوع او شهري
أي حاجه


فهنا بقى نحكي ونفضفض من غير ذكر اسماء ومن غير مانجرح حد ... بهدف اننا نعتبر ونحاول مانعلمش كده مع حد وممكن كمان لحسن الحظ صاحب الموقف اللي ضايقك ده يعرف من هنا انك اتضايقت فمايعملوش تاني

كل ماحد يحصله موقف او هو نفسه يعمل موقف أو شاف موقف يضايق أدامه ممكن يجي يقوله باللون الأحمر
::::::::::::::::::::::::::::::::::::

هبدأ بنفسي :
الموقف اتكرر معايا كتير.... وارجو اني ماكنش عملته ف حد >>>ولو كنت عملته في حد _بما اني ساعات ببقى شخصية مزعجة _ارجو انه يسامحني
الموقف هو :
هو ان حد يتفق معاك على حاجه ...خروجه ..مقابلة..عمل ما هتعملوه مع بعض ...وبعد ماتجهز نفسك على كده وبدون أي سبب وجيه تلاقي اللي يقولك معلش مش هينفع النهارده
ده لو اتصل
كتير كمان بعرف بالصدفة أو الاعتذار بيجيني بعد ما المعاد يعدي
بجد بتبقى حاجه تجنن وتضايق وبتسببلي ازعاج

حد اتعرض للموقف ده قبل كده .....وماذا تفعلفي مثل هذا الموقف؟؟؟
هو اللي انا بعمله اني بدبدب ف الارض وحاليا بحاول اقلل من جرعة النرفزة والطاخ طوخ بوم اللي ساعات بتنتج من مثل هذه الواقف
وبحاول اعرف اللي قصدادي بعد مااهدى بطريقة ما

حاولى تفكرى فى اعذار للاشخاص التانين

علشان تسترحى

وقولى






قدر الله وما شاء فعل

هههههههههههههههههههههههههههههههه
بصراحة شكل حضرتك وانتى بتبدببى ومتضايقة يخلى الحجر يضحك
انا عن نفسى اتعرضت للموقف ده مرتين او تلاتة بس طول عمرى
والنتيجة انى الاول باتصل بالشخص اطمن انه كويس ومش تعبان وبعد كده باخرب بيته
وبصراحة محدش من اصحابى او حتى اى حد يعرفنى يعمل معايا كده لانهم عارفين انى باعتبرها قلة احترام وممكن انهى علاقتى بالشخص بسبب حاجة زى دى
مش فاكر اى موقف ممكن يضايقنى
بس فعلا باتنرفز لما اشوف حد بيفتى وعالم فيها ابو العريف وهو مش فاهم اى حاجة وبيتحرق دمى لو مينفعش انى اعلق على كده -راجل كبير ...معرفوش.....دكتور فى الكلية غير كده صعب اتضايق اصلا

@ فطوطة
لا انتي غالبا بتبقي من ضحايا الموقف مثلي ............هو انا بتكلمش عالمواعيد المظبوطة ولا اللي مش مظبوطة ده موضوع تاني ........ يعني لو اتفقتي مع حد على مقابلة الساعة 10 وجالك 10 ونص معلش هنقول مواصلات والذي منه وبتعدي
بس لو جالك 10 اليوم اللي بعدها
متهيئلي انك فاهمة اللي المواقف الا قصدي عليها بدليل انك ضحكتي

أ::::::::::::::::::::::::::::::::
@ د:أسد
بارك الله فيك
الحمد لله الواحد في كثير من التصرفات بيدور على أعذار وبيلاقي وبيصبر نفسه بيها ....بس غالبا ف مثل الموقف السابق مابيبقاش فيه فرصة لافتراض اعذار لأني بسمع الأسباب المذهلة من أفواه أصحابها.......ولا داعي لذكر الأسباب

::::::::::::::::::::::::::::::::::::
@ د: ترو
يا سلاااااااااام
ياريت الواحد يبقى عنده الحزم اللي يخلي أصحابه يفكروا ألف مرة قبل ما يعملو كده
بس الحق يقال .....ساعات بحمد ربنا انهم مستحملني لحد دلوقتي
فالطيب أحسن

ربنا يرزقنا جميعا حسن الخلق
::::::::::::::::::::
الحمد لله مش فاكرة مواقف ازعجتني الأيام اللي فاتت......