اسئلة محيرانى

هل ليه احنا بقينا ملطشة الكل؟؟
حصلت اسرائيل تقول هنهد الاقصى كده فى وشنا؟ واحنا نقول اكيد بتهزر
هل ليه ملناش قيمة رغم اننا اكثر منهم فى الموارد البشرية والقدرات العقلية وحتى الخلفية الحضارية؟؟
احنا احسن من اوربا وامريكا وستين اسرائيل
ايه الحل؟؟
نقعد جنب الحيط ونعيط؟؟
نطلق فى مظاهرة وخلاص كده هننصر فلسطين
هل المقاطعة هى الحل؟؟
طب نقاطع مين وازاى ولامتى وازاى اعرف هاقاطع مين من غير ما اكون باخد بالشبهة وبسسسسسس
بس خلاص

معلش ان كلامى كله احباط بس بجد مخنوووووووووووووق
خصوصا لما شفت رسالة فكرتنى بعزة العرب
ايام ما كان ليهم قيمة
معلش لو زودت تعبكم
سلام
https://2img.net/r/ihimizer/img443/2167/98145561.jpg

لسه شايفه الموضوع دلوقتي

الحل للمهزلة والذل اللي احنا فيه......في رأيي
على مستوى الشعب ....محتاجين نغير انفسنا للأحسن .....على رأي طارق سويدان دايما ....بيبقى واحد بس هو اللي بيقود الناس يعني لو واحد اصلح من حاله وكان لديه مقومات القيادة ممكن يقوم بشبه ثورة ويغير الدنيا ....احنا محتاجين واحد صالح عنده مبادرة ودول موجودين بس يمكن ناقصاهم المبادرة والثقة

بس عقبال ما الواحد ده يتخذ القرار لازم كل واحد يتقن العمل بتاعه أو الموهبة بتاعته ويستخدمها لصلاح الأمه وبرضه لو كل مجال في واحد كويس متقن ممكن يلم الناس حواليه وينشأ جيل رائع

المبادرة ثم المباردة ثم المبادرة
قيمة بفتقدها في هذا العصر

أما عن المقاطعة ..... ليس لها قيمة فعالة طول ما هي بشكل عشوائي كما هو حادث الآن ..أنا معاها لو هي كانت بشكل منظم مدروس ....أفضل صور التنظيم لو قائد الدولة وحكومته هو اللي عملها ......ربنا يفتحها في وشهم وينور بصيرتهم
لكن في الوضع الحالي يبقى
اللي مالوش كبير بيشتريله كبير
يعني ممكن حد تاني يقوم بدور القائد الشعبي للمقاطعة ....لكن المقاطاعات العشوائية الفردية بحس انها بتأذي القوى البشرية العربية اللي بتشتغل في شركات بيبسي أو أي شركة اجنبية ....هم اللي هيتشردوا ...و أصحاب الشركات ممكن جدا يروحوا يفتحوها في حته تانيه.........لكن لو الدولة هي اللي نظمتها المفروض تنشأ مصانع بديلة للي هيتخرب بيتها علشان العمال ماتتشردش ....

اجمالا للحلول
المبادرة
التغير الفردي للأفضل
المقاطعة المنظمة
+ الدعاء المستمر + ثورة ..........محتاجين بثور على نفسنا ثم على الوضع اللي احنا فيه ....مش مظاهرة لأ ثورة زي ثورة 19 حاجه تهز الدنيا وتفوق الحكومات اللي صدت ودي برضه مش عايزة غير شخص مبادر ومنظم

اللهم أصلح لنا شئننا كله ولا تكلنا إلى أنفسنا طرفة عين