المساهمات : 661 تاريخ التسجيل : 07/01/2009 العمر : 35
موضوع: من....المصري اليوم....رائعة الخميس يناير 07, 2010 5:22 am
امتحان نص السنة
كتب على سلامة ٦/ ١/ ٢٠١٠
اختار الجواب الصحيح من وجهة نظرك واحسم أمرك بدون غش وكدب وتزوير.. ■ الفساد فى مصر وصل إلى: - الركب - منطقة أسفل القفا - أبعد كتير من المناخير.. ■ مجلس الشعب عبارة عن: - قبة تحتها مفيش - قبة تحتها كراسى - قبة تحتها دكان عصير ■ مين اللى وضع المادة ٧٦: - بكر الترزى - ميكانيكى دستور مشهور ف عابدين - عمل مشترك بين ميكى وسمير ■ كيف يتم اختيار عضو مجلس الشعب؟ - عن طريق الاتصال بـ ٠٩٠٠ - اللى يجمع أكبر عدد من أكياس البطاطس - اللى قضى الخدمة العسكرية ف البلكونة واتعلم ينط من ع المواسير.. ■ المؤهلات المطلوبة لشغل وظيفة وزير: - دمه خفيف وعنده رؤية مش واضحة - عنده لاب توب وموبايل بكاميرا - عنده ١٧ بدلة ماركات و١٦ كرافتة حرير.. ■ كيف يتم إقالة الوزير؟ - يبعتوله رسالة ع الموبايل - يقولوله روح اتطعم - إزالة كشك الحراسة اللى قدام بيته مع سحب الغفير.. ■ الهجوم على البرادعى يعتبر: - أكل عيش - قلة أدب - التطور الطبيعى لأصوات الحمير.. ■ مصر بتعمل إيه بفلوس الضرايب؟ - بترفع مستوى معيشة النصابين - بتشرب بانجو وتلعب قمار - بتدفع أتعاب المحامى وغرامات التأخير.. ■ أزمة مباراة الجزائر فين؟ - عند بتاع الطرشى اللى ف القلعة - فى قهوة المعلم سعد رزة - فى قلب اللحاف القديم اللى نايم تحت السرير.. ■ العملية التعليمية فى مصر: - تساعد على ارتفاع معدل البطالة - تساعد على انتشار أمراض القلب - تساهم بشكل ملموس ف التهاب البواسير.. ■ إحنا بنبنى الكبارى عشان: - مصر تنام تحتها - المواطن يرتاح عند نزلة الكوبرى - ننقل الأزمة من ٦ أكتوبر لميدان التحرير.. ■ السؤال الأخير: أكتب فى سطرين أو كلمتين أو ما تيسر.. عن معنى كلمة جهة سيادية ولو ف وسط الطريق القلم نزف أو اتكسر.. إوعى تبطل غُنا
fatota Admin
المساهمات : 481 تاريخ التسجيل : 05/09/2008 العمر : 35
موضوع: رد: من....المصري اليوم....رائعة الخميس يناير 07, 2010 5:48 am
انا طبعا طبعا من قراء المصرى اليوم اليومين وبصراحة مش كل حاجة بيكتبها على سلامة بحبها مع ان فى اصحابى بيحبوه .....بس انا مش اوى
بس دى حلوة وظريفة جدااااااااا هههههههههه ربنا يكرمك يا دكتور ...........ضحكتنى والله
ولو ف وسط الطريق القلم نزف أو اتكسر.. إوعى تبطل غُنا
Snow_white Admin
المساهمات : 764 تاريخ التسجيل : 01/09/2008 العمر : 35
موضوع: رد: من....المصري اليوم....رائعة السبت يناير 16, 2010 5:02 pm
فظيعة .......مالهاش حل ...الرجل ده انا بحبه أوي أصلا عمل مشترك بين ميكى وسمير المؤهلات المطلوبة لشغل وظيفة وزير: - دمه خفيف وعنده رؤية مش واضحة
جهة سيادية يعني ان كانلك عند الكلب حاجه قوله يا سيدي أو الجهه الشماليه الشرقيه من سيدي بشر أو الكورنر اللي هناك ده الله اعلم بقى :::::::::::::::::::::::::::::::::: بس ضحكتني شكرا
الخميس يناير 07, 2010 5:22 am
