سلامو عليكم
هاقول رايى بس بلاش ضرب لو سمحتم
انا ارشح عمر موسى لرئاسة الجمهورية
اولا لانه راجل محترم من ايام ما كان وزير خارجية وقصته مع المصرى فى السعودية احسن دليل على كده راجل بجد مش ابو الزفت اللى ماسك دلوقتى.يعنى بقالى 7تلاف سنة فى مجال السياسة وعارف البلد ونظامها والحرامية كلهم واحد واحد باسمه واسم امه
وعارف ازاى يتعامل فى ملف لسطين واسرائيل وايران بحكم عمله فى جامعة الدول العربية باختصار لقطة
لو مفيش عمرو موسى يبقى حسنى وامرى لله بس طبعا الاب مش الابن مش ناقصين قرف لانه راجل حكيم واحسن الوحش صحيح عامل مش شايف اى مشاكل بس هو ارحم من غيره.اما الابن فلا وخلاص مش عاز اشرف فى المعتقل انا مرتاح كده
اما الدكتور البرادعى طبعا راجل محترم جدا وديبلوماسى رائع من ايام شغله فى الخارجية فى السبعينات مرورا بتدريسه للسياسة فى امريكا لحد ما مسك الوكالة وطلع منها بالسلامة بس فيه عيب مهم للاسف هو واحد على السياسة النضيفة وملوش فى شغل التلت ورقات ولا يعرف بيوقراطية مصر ولا عنده خلق يتصرف لما غالى الضلالى يقولى مكنش انعذر مفيش فلوس اجيبلك منين
بس هيبقى مثالى لو رجع مصر وفهم الوضع كويس وبعد6سنين اترشح بعد ما يعرف كل البلاوى لان فيه فرق بين ما تعيش الوضع وبين ما تقرا عنه فى الجرايد
اما مجدى الجلاد فهو صحفى مش سياسى وممارسش سياسة خالص ومعنديش استعداد يجرب فينا
وحمدين الصباحى زى كل المعارضة بق ع الاضى مفيش سياسات ولا حلول بديلة
اما مصطفى بكرى باحبه جدا جدا جدا وهو راجل بجد بس عيبه انه عصبى وخصوصا لما العرق الصعيدى يبان
وممكن لو بيكلم حد واستعبط عليه يفتح دماغه بروسية ولا حاجة
وانا مش مع تحديد الرئاسة بمدتين بس لان ده كلام فارغ ومفيش عندنا لا دليل شرعى عليه ولا كفاءات تنفع الا بقا لو خلينا عم محمد بتاع العيش وبعديه الحاج عويس بتاع القصب
اما التعديلات صحيح هو بتقول يا جمال يا بلاش بس مينفعش نفتحها ع البحرى برضو لان ده رئيس جمهورية مش عمدة كفر الغاب
بس برضو احب اقول
كما تكونوا يولى عليكم.وسئل الامام على لم عهدك عهد فتنة وعهد عثمان عهد نعمة؟فقال لانه ولى على مثلى وانا وليت على مثلك
فالرئيس كالحجاج ان ولى على اصحاب الحجاج وكالفاروق اذا ولى امر من مثل اصحاب الفاروق