الجزء الأول في القرآن الكريم

الصراحة مالتقش طريقة تانية لتنظيم المأدبة غير اني اعمل اجزاء ...وجه في بالي السور بس قلت المصحف فيه 114 سورة فمش معقول هنفتح 114 موضوع بس ممكن 30
بس لو حد جه فباله تقسيمه افضل...يلحقنا بيها
المهم

من أكتر الآيات اللي حسيتها وتأملتها

قل ان كانت لكم الدار الآخرة عند الله خالصة من دون الناس فتمنوا الموت إن كنتم صادقين#ولن يتمنوه أبدا بما قدمت أيديهم والله عليم بالظالمين#الآية 94 و95 من سورة البقرة
ممكن فعلا يجي اليوم اللي الواحد يبقى عايز يموت ....لأن الموت هيكون بالنسبة له لقاء للرحمن الرحيم
يااااااااه ده حب كبير .........ممكن؟؟؟؟؟

احكيلوا على حاجه ف مرة قريبة يعني كنت ماشية مع واحده صاحبتي وقلتلها انا عايزة اموت كفاية عليا كده بقى...يعني كانت حالتي النفسية مش مستقرة ساعتها.....المهم عدت الأيام وحصلتلي حاجه ممكن ابقى احكيها قريب لأنها تجربة لا تنسى بالنسبالي
الحاجه دي حسيستني اني خلاص هموت ...وان ده أخر يوم ليا ف الدنيا...كان احساس مرعب ....وكنت خايفة جدا ولكن ربنا نجاني والحمد لله.....الشاهد :افتكرت بعد كده اليوم بتاع صاحبتي واللي قلتوهولها وكأن الله اراد ان يثبت لي اني مازلت أضعف من إني اتمنى الموت ..(عايزة تموتي ..طب اتفضلي..)فأظهرت عجزي واللا رضا

الآية التانية
(بلى من أسلم وجهه لله وهو محسن فله أجره عند ربه ولا خوف عليهم ولا هم يحزنون)الآية 112
عجبني جدا ختام الآية وطمأنة الله لعباده المؤمنين المحسنين

وفيه آية عايزة ادور على معناها بس الصراحة لسه مادورتش
يا أيها الذين آمنوا لا تقولوا راعنا وقولوا انظرنا......الآية 104

وللحديث بقية بإذن الله
....طبعا مش هوصيكو لو كنت قريت ف الجزء الاول يبقى خير وبركه.....الموضوع مفتوح
لو قريت ف جزء تاني.....يبقى افتح موضوع تاني

بارك الله فيكي..........لا التقسيمة دي حلوة جدا..........

اما بالنسبة للي قراته..........
فانا برضه هاتكلم علي الجزء الاول من القران الكريم........اللي هو كله من سورة البقرة.....من اعظم سور القران
اهم معلومتين عايز اذكر بيها.....ان سورة البقرة وال عمران ياتيان يوم القيامة يشفعان لصاحبهما.....يعني ياريت يا جماعة نحفظهما.........
ياااااااااااااارب اللهم امين....
اما الجزء الللي قراته وبيشدني اوي لانه فيه معلومة جديدة اول مرة اعرفها....هي قصة اهل البقرة نفسها.........

اللي لسه اول مرة اعرفه عنها من قريب ان ليه ربنا قالهم يذبحوا بقرة.....طب ليه مش خروف او جمل او اي حاجة تانية.....

ج/ لان ربنا اراد ان يختبر قلوبهم ....مش بس في قصة الذبح لا كمان عشان هما كانوا بيعبدوا البقرة فاراد ان يختبر نقاء قلوبهم من شرك الله ....ومن عبادتهم القديمة.....
عشان كده هما كانوا بيماطلوا في ذبحا......وكل شوية بيسالوا عن صفة فيها...
ولو هما كانوا ذبحوا اي بقرة كان الموضوع خلص علي طول.....

بس يارب اكون افدتكم .....ويلا مستنين ردود باقي الاعضاء..........