عودة المشاغب ترو

سلامو عليكو
ترو المشاغب عاد من جديد المرة دى مش عاوز احط قصايد كفايه فضايح
انا عاوز اسأل سؤال لكل الشعراء اللى فى المنتدى
ليه حضرتك بتكتب او تكتبى شعر؟
وليه بردو بتنشره او تنشريه فى المنتدى
يا ريت اى حد من اهل الكهف يصحى يرد وينام تانى

أحم أحم ... وعليكم السلام
صباح الخير ... بعد نوم و غياب طويييييييييييييييل جيت تانى اهوه
طيب يا ترو هو سؤال مهم وهعتبر نفسى واحدة من الناس اللى موجه ليهم السؤال وده بعد أذنك طبعا
>>> ليه بكتب شعر >> عشان ببقى زعلانة عادتا والمشاعر الحزينة اللى جوايا ببقى عايزة افرغها فعادتا بتطلع فى قصة قلب مجروح ساعات يكون قلبى وساعات لا أو فى وصف محاولات للنجاح بس طبعا بتبوء بالفشل أو فى مناجاة لله -عز و جل -.... ومش بس الحزن ممكن الفرح كمان بس صراحتا الدافع الأقوى هو الحزن .......

>>>ليه بنشره على المنتدى >> يمكن ما عندناش أحبال >>> لا بجد السؤال ده عايزة اعرف مغزاه >> بس عن نفسى أنا ببقى عايزة اشارك معاكو فى المنتدى و بصراحة ولا بلاش عشان ماحدش يزعل ... المهم أن هدفى المشاركة ولما شوفت تعليقاتكم حسيت انى بتعلم وبستفيد .. بس كده

اولا بجد الف شكر لزمردة ولاسد الاقصى على الاستقبال الحلو ده
ناقص يجيبولى مزيكة حسب الله
وطبعا زمرده من الشعراء اللى اقصدهم وكمان اسد انا كنت حاسس انه بيكتب شعر ومخبى ولو مش مصدق بص على القصيدة بتاع اعضاء المنتدى هتلاقينى حطك مع الشعراء
انا شكلى كده مكشوف عنى الحجاب
وبعدين انتو الاتنين هربتو من الرد
انا طبعا ليا هدف هتعرفوه لما تجاوبو ولازم الصراحة يا ست زمردة ومحدش هيزعل وحلوة حكايه الاحبال دى

سلامة نظرك يا ترو .......
أنا رديت خلاص ولا الإجابة مش عجباك .....................

انا نظرى 6\6 طبعا بالنظارة
انا كنت اقصد انكهربتى من الرد على السؤال التانى المهم
مطلوب اجابات واضحة وصريحة من غير لف ولا دوران واكيد مفيش حد هيزعل المهم انك تكتبى الحقيقة
ويا ريت تصحى معاكى اى حد تانى من اهل الكهف عشان خلاص ال300 سنة فاتت

بص انا هاقول كل حاجة فى الاخر
لما ارد انا ع الاسئلة دى بس عموما كان فيه كام حاجة مزعلانى ورجعت لما نفسيتى اتحسنت وجالى خبر حلو عن واحد صاحبى
اكيد طبعا انت لسه مفهمتش حاجة وهو المطلوب
انا كده رديت
سلاااااااااااام

حمد لله على عودتك د.ترو

أنا لسه خارجه من الكهف دلوقتي
خرجت منه على هنا على طول

أما عن الأسئلة :
انا بكتب شعر لأني بجد فيه متعة كبيرة جدا ....ان الواحد يخرج المشاعر اللي جواه أو الأفكار في صورة كلام مكتوب
بحس اني فرحانة أوي لما ربنا بيقدرني واعمل كده
اوقات الامتحانات بيكتر الموضوع ده أوي....ممكن نقول اني ببقى مشحونة أوي فبخرج الشحنة في الكتابة
بس بكتب من غير سابق معاد ...يعني زي ما قال د.فيرنج....
وعادة اسم الموضوع سواء كان شعر أو قصة قصيرة..بيجي في دماغي وبعدين المضمون....زي ابحث عن شئ لا اعرفه كده
وساعات العكس


أما ليه بنشرة عالمنتدى
علشان اسمع رأي الناس فيه...واستفيد منه
وساعات كتير ببقى عايزة أوصل احساسي وافكاري للناس اللي بتقرا...وببقى سعيده جدا لو وصل
ولما نشرت لاقيت التعليقات مفيده ومشجعة جدا مما خلاني انشر تاني وتالت

اتيت الى هنا فى هذا الليل البهيم لاسجل اعترافى وكلى ثقة بانى لن افضح لان كلامى لن يقرأه احد ولا حتى انا
لماذا تكتب الشعر؟
الجواب لا ادرى اشعر بتلك الدفقات تستحثنى لاطلق سراحها فافعل علها تتركنى وتمضى فى سلام لكن للاسف تلك الطماعة تساومنى على راحتى مرة اخرى وتقول الكاذبة اطلق اخواتى ولن نزعجك بعد اليوم وهكذا تمضى العجلة ويتكرر الموقف ودوما انا الاحمق الذى يستجيب لتلك الرغبات ولا يتعلم رغم تكرار الحادة على مر السنين
انا اكتب لاتأكد اننى لا زلت على قيد الحياة اشعارى هى انفاسى اخشى ان اتوقف عن كتابة الشعر -او ما اسميه كذبا شعرا-فتتوقف انفاسى
وربما اكتب لشىء اخر لا اعلمه لست ادرى المهم انى اكتب
السؤال الاصعب لماذا تنشره ما دمت تعتقده عورة وترى نفسك متشاعر ولست شاعرا؟
لا ادرى تحديدا ربما لانتزع الاعجاب لشخصى ..لا لا اظن لانىى كنت حرصى ان اخفى جيدا اسمى ورسمى وامحو اثرى لئلا اعرف..قد انشره لانتزع له الاعجاب لبظل شعرى فى كبريائه ويساومنى دوما على الخروج ولا يقنع يوما بالسجن داخل صدرى او بين وريقاتى الضائعة
احيانا انشر شعرى لاعاقب نفسى اذا كانت بيننا فجوة فابحث عن اشعارى لاعير نفسى بها وافضح نفسى لتعود الى خاسئة حسرى
اه يا نفسى حديثك لا يفهم لكن لم انشر اه تذكرت قد انشر شعرى لاحفظه من الضياع وكم تكون سعادتى عندما يبدى احدهم اعجابه بابياتى دون ان يدرى انى كاتبها حينها ارفرف بغير جناح

قبل ان امضى هناك سر اهمس به الى الا احد الذى لايسمعنى كل كتاباتى اعتبرها مسوده احتفظ بها الى ان اتعلم كيف يقال الشعر فاقوم اليها اصلح فاسدها واتعاهدها حتى تعلو واعلو معها لدنيا الاحلام وافاق المشاعر وموعدى مع نفسى بعد عشرين عاما فاما ان اكون شاعرا حقا وطبيبا بارعا واما ان اترك ما لا اجيده سواء اكان الشعر ام الطب ام كليهما
اترككم الان ايها الا احد واحاول مرةاخرى ان انام
ملحوظة اخيرة قولوها قولوا انى مجنون فهذا يسعدنى لان الابداع لحظة جنون فى تفكير العاقل

خير اللهم اجعله خير

هو الكلام مهندم وحلو جدا.......
بس اللي قبله كان كلام حضرتك برده!!!!!!!!!

قلت ارد
علشان حضرتك تعرف بس اننا عايشين لسه........ومن باب الرخامة برده

انا برضه قلت اما ارد خير اللهم اجعله خير.........
وبرضه من باب الرخامة...........الرخامة اوي ........زي ما سنو قالت..........هو فيه ايييييييييييييه؟؟؟؟؟؟

بس والله حلو كلامك........