المساهمات : 205 تاريخ التسجيل : 24/01/2009 العمر : 35
موضوع: يا ترى لو رجع بيك الزمن؟ الخميس مارس 05, 2009 8:45 pm
سؤال تم طرحه فى الكلية؟
كنت قاعد مع اصحابى فى الكلية فوقف واحد منهم وقال
ياترى لو رجع بيكوا الزمن كنتوا دخلتوا كلية الطب؟
نظرنا لبعض وسكتنا عن الكلام لمدة دقيقة
وقعدنا نفكر هوصحيح لو رجع بينا الزمن كنا دخلنا كلية الطب؟
وللاسف ياجماعة 50% قالوا لا كنا دخلنا كلية تانية
وانا دلوقت بسالكوا نفس السؤال بس خليكوا صادقين مع انفسكم
لو رجع بيكوا الزمن كنتوا دخلتوا كلية الطب lol!: ]
firing_dragon عضو ممتاز
المساهمات : 661 تاريخ التسجيل : 07/01/2009 العمر : 35
موضوع: رد: يا ترى لو رجع بيك الزمن؟ الجمعة مارس 06, 2009 2:29 am
ان كان 50 % قالوا لا فانا من ال 50 % التانية اللي بيقولوا اكيد
لسبب بسيط ان انا بصراحة بحب الكلية برضه رغم اللي فيها ودايما كان والدي يقولي ( لكل شئ ثمين ، وضريبة الفلاح دائما غالية ) وانا بصراحة مقتنع تماما ( وبصراحة يا جماعة احنا مدلعين ) مش بهزر لان الواحد لما يبص علي الكتب القديمة او حتي الامتحانات القديمة بيقول ان عمر ما كان هيفلح مع الحاجات دي الفرق اللي بينا وبينهم ان الدنيا علي ايامهم كانت حلوة وظريفة ومن غير مشقة وذهنهم صافي
ده انا مرة كنت بكلم دكتور ( كبير عنده كده بتاع 70 سنة ) قالي ان علي ايامه كانت المشرحة الدور السفلي (المقبرة) كانت حمام سباحة ، وكان فيه ملعب تنس وكله تمام انا طبعا تنحت قدامه وسالته كان فيه وقت لده كله قالي طبعا كان علي ايمه الناس عايزه بجد تتعلم
وكفاية كده بقي
Snow_white Admin
المساهمات : 764 تاريخ التسجيل : 01/09/2008 العمر : 35
موضوع: رد: يا ترى لو رجع بيك الزمن؟ السبت مارس 07, 2009 6:59 am
احنا برده سألنا بعض السؤال ده أينعم أنا عمري مافكرت أدخل طب وكان نفسي أدخل علوم....أو إعلام وأطلع صحفيه....وساعات كمان بقول زراعة يعني في كليات كتير دخله دماغي
بس أنا حاسه ان الخيره فيما إختاره الله أنا بحب الكليه أوي وبالذات إن أصحابي تقريبا كلهم معايا في الكليه ونفسي أطلع دكتوره شاطره....علشان أقدر أفيد الناس وربنا يخليني سبب في شفاءهم مافيش أحسن من كده يا رب نقدر
يعني من الآخر أنا مش ندمانه
zaraazad عضو
المساهمات : 10 تاريخ التسجيل : 26/02/2009
موضوع: رد: يا ترى لو رجع بيك الزمن؟ السبت مارس 07, 2009 3:24 pm
والله يا دوك قلبت المواجع علي الواحد الاغلب علي الطلبة انهماو انهن دخلوا بسبب المجموع الكبير انا مثلا كان نفسي قوي في سياسة واقتصاداو السن ولحد دلوقتي لازال في النفس شيء يس بعد سنة اولي وفي اخر سنة تانية الواحد حب الكلية بجد وخصوصآ بعد دخول المستشفي لذلك انا شايف اني لو رجع الزمان والواحد لقي حد يفهمه كويس كان هيبقي الاختيار للكلية
fatota Admin
المساهمات : 481 تاريخ التسجيل : 05/09/2008 العمر : 35
موضوع: رد: يا ترى لو رجع بيك الزمن؟ الأحد مارس 08, 2009 1:26 am
انا عن نفسى كنت عايزة ادخل الكلية من وان فى ثانوى (ايام الشباب يعنى)
والحمد لله ربنا وفقنى ودخلتها
وبعيا عن اللى انا شايفاه فيها
بس عندى امل فى المستقبل وفى الشغل لأن هو ده الحلم الأساسى انى اشتغل دكتورة واقدر اساعد الناس
الخميس مارس 05, 2009 8:45 pm
