خلينا نشوف مواهبك

شوفتوا هنعمل ايه ؟؟؟؟؟؟؟؟
بجد ياجماعة مش هزار!!!!!!!!!!!
هنعمل معارض فنية! عندكو حق يعنى ايه؟؟؟؟؟؟؟؟
المعرض الأول:
ده معرض فوتوغرافيا يعنى اللى بيحب يصور بكاميرا موبايل او ديجيتال هيطبع الصور دى ويجيبها واحنا هنحطها فى المعرض وهنختار احسن صورة وهيكون لها جايزة معانا؟
: المعرض التانى:
ده معرض متخصص لغزة طبعا الأحداث اللى حصلت وبتحصل صحيت مواهب ناس كتير فى القصة والشعر وممكن كمان رسومات عن السلام والحرب ........
فهنجمع الحاجات دى ونحطها ونختار احسنها
المعرضين دول هيكونوا فى اول الترم التانى ان شاء الله وطبعا امامنا الإجازة اللى عايز يصور او يكتب عيشوا حياتكوا يعنى وابعتوها على ايميل الأسرة
وان شاء الله هنزل الحاجات دى كلها بعد المسابقة على المنتدى ان شاء الله
شدوا حيلكوا وورونا ابداعتكوا

طيب والله كويس
الواحد يلحق يفكر في حاجة كده بسرعة
بس هتعملوا مسابقة علي المنتدي ازاي يعني وامتي؟؟؟؟؟؟؟؟؟؟؟
وبجد فاكرة هايلة ربنا معانا

هى المسابقة الأصلية مش هتكون على المنتدى المعرض هيتعمل فى الكلية عشان الطلبة كلها تشوفوه
وهيكون فى لجنة فنية من الأسرة هى اللى بتختار المواضيع الكسبانة وعدين نبقى ننزل كله على المنتدى
واللى مش عايز يجيب الإبداعات بتاعتوا لينا ويحطها هو على المنتدى بس اهلا وسهلا برده
عموما شدوا حيلكم وربنا معاكم

فكرة حلوة اوى يا فتوتة
ونرجو ان يبقى فيه حيادية فى اختيار الكسبانين


بس يا ترى الجوايز عبارة عن ايه

يا شباب حد صور حاجه وناوي يشارك بيها في المعرض (دعوة للتأمل)...ولا كبرتوا

طمنوني الله يطمنكوا
أنا خايفه ليكون المعرض ده علشاني أنا وأوفيليا بس

جربوا تدور حواليكو على مناظر حلوه ...آه هتتعبوا شويه ....بس مش هتتعبوا أوي يعني
أسأل مجرب
آه اللي هيصور بموبيل أو كاميرا ديجيتل هيحمل الصور على فلاشه أو أي حاجه ويوديها تتطبع عند مصوراتي
حاجه بسيطه خالص

متفكروش كتير في الجايزه الله يكرمكو

الأسبوع الأول من الترم التاني هنستلم فيه الاعمال سواءلمعرض غزه أو لمعرض الفوتوغرافيا

طبعا هتسألوني إزاي ؟

سلموها لأي من أعضاء الأسره (اللي بيوزعوا المجله) ولو ماعرفتوش توصلوا لحد لقدر الله
يبقى هتتصلوا بالرقم اللي هيكون موجود ف العدد القادم

ربنا معاكو