عناوين حلقات ملتقي يوم الجمعة

تسمحولي اقص الشريط
Very Happy

من هنا بإذن الله
Very Happy

سنبدأ ملتقى يوم الجمعه ..............لمن لايعلم الموضوع في الموضوعات الدينيه بعنوان جتلي فكره

اللي هيختار الموضوع يكتب عنوانه هنا (زي مااتفقنا يكتبه يوم الخميس)

علشان الباقي يلحقوا يحضروا كلام حلو مفيد في الموضوع....
يلا بقى
اشوفكو على خير في الملتقى الساعه 10 بالليل في أول جمعه 23 -1-2009

جزاكم الله خير
ونفعنا وإياكم بهذا اللقاء flower

الحاضر يعلم الغايب

عُلم وجاري التنفيذ
........>>>>>>>>

طب تيه رايكم
لو كان اختيار الموضوع اللي هنتكلم فيه بالتصويت؟
يعني ممكن كذا واحد يقدموا موضوعات مقترحة
وكل واحد يشوف هو هيحب يتكلم في ايه اكتر ويصوتله
وبالتالي يكون الموضوع اللي هنتكلم فيه اختياري مش اجباري والكل في نفس الوقت موافق عليه؟؟؟
ولا اييييييييييييييييييييه؟

هي نظريه....بس هي الفكره
في السباق أو المبادره (ننمي عندنا روح المبادره)
مش فكرة انه يبقى اجباري ولا حاجة

مش عارفه الصراحه أقولك إيه؟
متهيألي نجرب المره دي بالمبادره ونشوف رد فعل الناس هيبقى إيه؟؟؟؟؟؟؟؟؟؟
ونبقى نتجنب أي سلبيات هتحصل (بعد الشر) المرات الجاية

وكمان علشان نعمل تصويت لازم نبقى عدد محترم........وده لحد دلوقتي مش حاصل
آه فطوطه كمان النت بتاعها باظ وشكلها مش هتكون معانا ف أول جمعه Crying or Very sad

نجرب كده وخلاص....ونشوف هيحصل إيه!!
يا رب كل خير

هيه هيه
أنا سبقت....
إيه رأيكم يكون أول موضوع نتكلم فيه هو (أركان الإسلام).......مش كلها علشان كده الموضوع هيوسع مننا ومش هنعرف نلمه

يعني نتكلم في أول ركنين:
شهادة أن لا إله إلا الله وأن محمدا رسول الله
وإقامة الصلاة

نتكلم في أعماق الموضوع وجوانبه
نتكلم في الصلاه واركنها وسننها وفضلها( أصلي الصراحة عندي كتاب ف الموضوع ده حاسه انه مفيد وكان نفسي أقراه من زمان
فقلت اهي فرصة )
يعني لوكل واحد دور في الموضوع ده هيلاقي كلام كتير وأحاديث وآيات قرآنيه
أهوه نذكر بعض ونستفيد من بعض بإذن الله

مش هوصيكو ...
ما تسيبونش اكلم نفسي يوم الجمعة
flower

يارب يكون كلامنا كلام من القلب وتحفنا الملائكه يا رب العالمين

http://www.4shared.com/file/81919341/5222ee4d/__online.html

جميل جدا الموضوع يا سنو
ربنا يسهل ونسعي في معرفة اشياء جديدة وخفية علينا
اهم حاجة نتكلم عن الموضوع بشمولية
ووضوح
وبجد ياريت يا جماعة اللي عنده معلومات جديدة بجد في الموضوع يقولها
عشان كلنا نتعلم
بارك الله فيك يا سنو

عضو المساهمات : 15 تاريخ التسجيل : 10/01/2009

اوكى يا قمر
جارى البحث
جزاك الله خير
وان شاء الله يبقى ملتقى رائع زى فكرته

بسم الله الرحمن الرحيم
نبدا على بركة الله
حى على العمل
هذا اوان الجد
اين انتم

السلام عليكم
يلا يا سنو ابتدي الكلام
ولا هتستنوا ولا ايه؟
يلا نبتدي في الكلام بس في موضوع جديد(صفحة جديدة)

عن أبي عـبد الرحمن عبد الله بن عـمر
بـن الخطاب (قـال: سمعت رسول الله ( يقـول: {بـني الإسـلام على خـمـس: شـهـادة أن
لا إلـه إلا الله وأن محمد رسول الله، وإقامة الصلاة، وإيـتـاء الـزكـاة، وحـج
البيت، وصـوم رمضان }. [رواه البخاري:8، ومسلم:16]

يا جماعه ياللي هنا
أنا بتكلم بس ف موضوع جديد(الملتقى الأول)

السلام عليكم....

ياه رجعت بعد طول غياب كنت مشغولة أوى الفترة اللى فاتت... فللأسف مش لحقت أحضر حاجة....

فمعلش هفضل معاكم عشان أقرا وأستفيد ... ربنا يجزيكم عنى خير.....

كويس بس وماله الكل بيشارك بكل اللي يعرف مش يمكن نستفيد ويكون جديد

عضو المساهمات : 15 تاريخ التسجيل : 10/01/2009

ماشاء الله بجد الملتقى كانت روحه جميله جدا
على فكره انا كنت محضرا حاجات بسيطه
ودخلت بدرى بس للأسف مش لقيت حد
فياريت يا جماعه تحددو الميعاد من قبلها
وربنا يجازيكم خير عاللمه الحلوه دى

انا مش كنت موجودة ومش عارفة انتى دخلتى امتى بس كانوا محددين الساعة 10
ومن اللى سمعته انهم دخلوا تقريبا فى الميعاد ده
عموما متزعليش يا قمر وخيرها فى غيرها ونحاول نظبط الميعاد عشان نبقى موجودين كلنا

إيه يا جماعة أنتو نمتوا ولا إيه؟؟؟

النهارده الخميس

أنا برده اللي سبقت....يعني (2 ..صفر)
إيه رأيكو لو نتكلم عن الصحابة رضي الله عنهم

مش عارفة تحبوا نحدد حد وكلنا نحضر فيه ولا ...كل واحد يحضر في حد مختلف

أنا شخصيا مع الرأي الأول علشان نغطي جانب كبير من حياتهم ولذلك هختار عمر بن الخطاب رضي الله عنهلو موافقين قولوا ...لو عايزين كل واحد يحضر ف واحد برده قولوا

[b]

اه والله فعلا يا سنو
انا صليت المغرب ودخلت نمت ولسة صاحية دلوقتى Rolling Eyes

بس والله كان فى نيتى اكتب موضوع المرة دى بس مش مشكلة لأن انا وانت واحد ولا ايه؟؟؟؟؟؟؟؟؟؟ Very Happy

عموما انا موافقة جدااااااااااا على الموضوع عارفة ليه لأنى كنت اصلا هختار صحابى برده تخيلى بس بصراحة كنت هختار واحد مش مشهور عشان نعرف عنهم اكتر
وكمان لأن الكتب اللى عندى وضعتها فى مكتبة الإستعارة ومش فاضل غير( رجال حول الرسول ) لأن كان فبه منه كذا نسخة
عموما انا طبعا موافقة على الموضوع وهحضر ان شاء الله
بس خلينا فى حد واحد عشان نقدر نعرف عنى حاجات كتيرة والوقت يكفى اصلا
بس ياريت مفضلش انا وانت بس بكرة لأن واضح ان بقية الناس لسة ناااااااااااااااااااااايمين Evil or Very Mad

ربنا يستر

لا يا جماعة نايمين ازاي؟
انا قلت والله ان انتم هتكملوا الموضوع القديم بتاع اركان الاسلام (الصوم والزكاة ولحج)
فقلت عيب يعني افتح موضوع جديد وانتم لسه ما خلصتوش بس
لكن ده انا عندي شوية موضوعات كتيييييييييييييييييييرة جدا
علي العموم خيرها في غيرها وعلي فكرة انا بضم صوتي ل fatota
من حيث ان احنا نختار صحابي مش معروف ( مش مشهور يعني ) لان الموضوع هيكون اشوق وامتع والمنافسة فيه احلي
وعلي العموم مش مشكلة ان هحاول احضر حاجة برضه بس ياريت يا جماعة اللي يتكلم يجيب حاجة جديدة
(ومع اني من الناس الي بتفضل نتكلم علي حاجة واحدة عشان ما نشتتش بس وماله )
وان شاء الله هنتستني الجميع بكره

أناآسفة جدا يا جماعة والله
معلش الجمعات جيه كتييير

ابقوا اكتبوا الموضوع اللي انتو عايزينه...إن شاء الله المرة الجايه تبقوا تسبقوا

أنا كنت بفكر برده في إني اكتب عن صحابي مش معروف
بس رجعت في كلامي وقلت أكيد إحنا مش عارفين كل حاجة عن المعروفين

فقلت هم أولى اننا نبتدي بواحد فيهم...... واخترت عمر بن الخطاب...لأنه شخصيه مميزه بتجمع بين الحزم ورقة المشاعر في نفس الوقت..... وطبعا لأني بحبه جدا ...,بحبهم كلهم

عايزين نجيب عنه كلام مميز يليق به (رضي الله عنه)

جزاكم الله خيرا على هذه الفكرة الرائعة وان شاء الله تكتب فى ميزان حسانتكم
بالنسبة للحديث عن صحابة غير معروفين او مش مشهورين
افضل بكتييير عن الحديث عن صحابة معروفين وخاصة انه واحد من الخلفاء الراشدين
ولكن طالما اتفقتم ان الندوة تكون عن الفاروق رضى الله عنه
فده هيكون كويس اوى لان زى ما قلتم اكيد فى حاجات ما نعرفهاش عن سيدنا عمر رضى الله عنه شكرا

وباذن الله نلتقى على خير الساعة العاشرة مساء

الناس مش نايمة ولا حاجة وكمان هيدخل معانا عضو جديد وان شاء الله يكون مميز واضافة جديدة للمنتدى Very Happy

اهلا بحضرتك يا دكتور ونورتنا slam

واكيد فعلا هنلاقى حاجات كتيرررررررررررر مش نعرفها وبإذن الله نستفيد كلنا bounce

يا جمااااعة انا بكلم نفسي ولا اييييييه؟
يلا
الملتقي الثاني بدا

السلام عليكم

جزاكم الله خيرا كثيرا يا جماعة

حقيقى اسعدتونى Very Happy

سبقت المرة دى والا حد قال حاجة scratch

بفكر نتكلم عن الإخلاص

إيه رأيكم ؟

أوفا

احنا بنكتب اسم الوضوع يوم الخميس....
يعني السباق بيكون يوم الخميس
وبنتكلم فيه الجمعة

ده مش معناها اني رافضه الموضوع بالعكس ده حلو جدا
بس معلش بقى ....لزوم الرخامه
ابقي اكتبيه الخميس تاني يمكن تسبقي فعلا
احسن لو وافقت عالموضوع من دلوقتي باقي الأعضاء هيقولوا عالمنتدى ماشي بالوسطه

وده طبعا مايرضكيش
ترحيب

يا تحفة !

احم احم

انا بجد والله فاكره الموضوع طول الأسبوع مش كنت اعرف Embarassed

ماشى يا سنو نكتبه تانى بس ابقى فكرينى بقى إن شاء الله Very Happy

لحقققققققققت

النهاردة الخميس اهوه Very Happy

ايه ده انتي لحقتي يا اوفيليا برضه
علي العموم ماشي
يلا بسررررررررررررررررعة يا جماعة حضرو حاجة عن الاخلاص

(تعريفه؟---شروطه؟---قيمته؟---أمثلة من السلف؟---امثلة في عصرنا؟---هل انت مخلص؟---
موقف لك مع الاخلاص؟---مميزاته؟---ألخ ....)

بس ما تنسوووووووووووووش النهاردة بريد الخميس الكل يحاول يحل ويفكر يلاااا الساعة 10

انا عارف انه مش مكان للتحدث عن بريد الخميس

ولكن فعلا بسال عن سبب عدم مشاركة بقية الاعضاء والاهتمام ببريد الخميس بالمقارنة بملتقى الجمعة

طبعا باشكر الاعضاء اللى ساهموا معانا

والاعضاء اللى مشاركوش باطلب منهم المشاركة علشان كلنا نستفيد

انا بعتذر بشدة يا جماعة عن عدم قدرتي علي المشاركة معاكم النهاردة
وبوجه اعتذاري الكبير ل دophelia(لانها المسؤولة عن الملتقي النهاردة)
ده ظرف طارق ولكن ساشارك بعد كده ان شاء الله واتمني التوفيق في الملتقي كالعادة

أنا زعلانه .....وبشده
فين الملتقى الرابع؟؟؟؟؟

بقى كده أغيب 3 أيام ارجع ألاقي مفيش ملتقى
ارجو ان يكون فيه اسباب مقنعه
انا حاسه انه فيه اسباب.......مش كده...؟؟؟؟
ارجو ذلك
بكاء

انا كمان زعلااااااااااااااااااااااااااانة جداااااااااااااااااا ومكنتش راضية اتكلم Evil or Very Mad

انا كمان والله مكنتش موجودة خالص Crying or Very sad

وكنت فاكرة ان الباقى هيسد وقلت انت هترجعى من السفر بس لما دخلت النهاردة وملقتش حد دخل اصلا بقالكم كذا يوم قلت خلاص الناس رجعت عشان الكلية وكدة
ربنا يسهل المرة الجاية وان شاء الله نكون موجودين Very Happy

ما تزعليش يا سنو الجمعة القادمة كله هيكون موجود ان شاء الله شكرا

خلاص يا جماعة انا مش زعلانه
ربنا يسهل بقى الجمعه الجايه ...اللي هي بكره bounce

وعايزه أقولكو اني سبقت
cheers

ولأني بحب الشخصيات

فأنا محتاره بين 2 .... لأ خلاص مش محتاره ولا حاجه
إيه رأيكو في عمر بن عبد العزيز؟؟؟ Exclamation

أنا حاسه أن احنا مش عارفين تاريخه كويس وانجازاته ومواقفه الرائعه...

scratch

هاه قلتو ايه؟

طبعا موافقين يا ريس سنو
شخصية تاريخية واسلامية رائعة ويارب نتعلم منه حاجة ( اي حاجة ) لحسن احنا بقينا وحشين اوي
بس كنا عايزين نعرف مين الشخصية التانية اللي كنتي محتارة عشانها؟؟؟؟؟؟؟؟؟؟؟؟ scratch

ياااااااااه اول مرة اقترح حاجة للملتقى
عموما انا نفسى اتكلم عن ألإحسان
ياريت تقولولى رايكم انا قلت اختاره لأن الرسول قال فيما معناه انه خلق غريب فى ارض الإسلام
فقلت نحاول نتعرف عليه ونطبقه

نااااااااااااااء الى اصحاب القلوب الرحيمة
مش عايزة اكون لوجدى فى الملتقى وكمان سنو مش هتكون موجودة فمش عايزة اكلم نفسى لو سمجت
جزاكم الله خيرا

ايوه حد بينده
هو موضوع جميل وجديد
وان شاء الله نخرج مستفادين
ويااااااااااااااارب نحاول نتجمع كلنا
انا بيتهيالي ان كان معانا اعضاء مش عارف راحوا فين هما مش عايشين ( ولا ايه؟)

انا هاتاخر شوية بس هكون موجود بإذن الله

الاحسان موضوع جميل جدا بس انا عاوز اعرف ممكن اشارك الساعة كام وازاى

الميعاد◄ 22:00
الطريقة ◄موضوع الاحسان مثلا بتحضر عنه كل ما يمكن الوصول اليه من ايات واحاديث واثار (جمع اثر )وملح
ثم تتابع الملتقى باضافة مشاركات حسب تسلسل الموضوع والذى يحدد من يدير الملتقى (ترتيب العناصر)

نظرا لظروفى فى يوم الجمعة والتى تحتم على التغيب الساعة الاولى من الملتقىوبالتالى فان ذلك يحرمنى من فرصة اختيار موضوع الملتقى
ونظرالان العنصر النسائى هو المسيطر حتى اللحظة على اختيار الموضوع
لذا جاء ت تلك المشاركة على خلاف القانون المتبع (والذى ارجو من الله ان تتقبلوها فى جو من حسن الظن والتنافس البناء )

موضوعان

الاول : لانه يحبك .....
◄ الحب بصفة عامة... كيف تراه؟؟
◄أوثق عرى الايمان
◄ روائع الحب
◄ الضوابط
◄شعار الاسبوع
الثانى : بنحب نبينا .....
◄ محمد الحبيب
◄ مواجهة الهجمات التى تظهر بين حين وأخر ... كيف تكون ؟
◄ محمد وأمته
◄شعار الاسبوع

(الموضوع للاقتراح اذ رغبتم به فليكن ويتولى(أحدكم ) بدء وادارة ملتقى الموضوع بالكيفية التى يراها مناسبة)

الموضوعين حلوين جدا وبصراحة محتاااااااااااااارة

ماشى عموما هختار الموضوع الأول
وبما اننا مسيطرين هنديكوا فرصة المرة دى
بس لو محدش من الولاد تتطوع يبقى هنسيطر برده

احقوا نفسكوا بقى

هتنزل المره دي
.............................
والله هم الموضوعين حلوين ....بس انا برجح الأول برده
ولا حظ حضرتك ان محدش رد غير العنصر النسائي؟؟؟؟؟

على جميع الأخوه المشاركين في المنتدى ان يتكرموا بالرد
وإلا

والله العظيم

لحنا مسكينه bounce

ماسكين الملتقى يعني flower

فعلا العنصر النسائى هو المسيطر

وبعدين كفاية كدة عليكوا مع انكم متالقين دائما

ومن حقنا كاولاد ندير الملتقى ولو مرة واحدة

وانا نيابة عن الاولاد بختار الموضوع الثانى بنحب نبينا

هتقولوا ديكتاتور قولوا زى ما تقولوا بس ده قرار وارجو التاييد من العنصر الرجالى

وشكرا للدكتور اسد الاقصى lol!

حتى الان اختيار العنصر النسائى هو الاعلى بنسبة 1:2
تنتظهر بقية الاعضاء لحسم الاختيار (ديمقراطية )

وتحية لاخونا dr/NO وحمدا لله على سلامتك بعد هذا الغياب

شكرا يا دكتور اسد الاقصى

واتمنى انك متتاخرش علينا فى منتدى الجمعة

ليس بعد الان
وعلي فكرة يا جماعة انا كنت انا اللي بدات ملتقي قبل كده لما سنو اتاخرت
(هي صحيح ماكانتش فكرتي ) بس اللي حصل
وعلي العموم انا بختار الموضوع الثاني وليس تحيزا ولكن هذا اختياري
وبالتالي
بناء علي اجدد المعطيات
نحصل علي البيان التالي (اللي هو قرار -حد عنده اعتراض) :
اولا يقع هذا المنتدي تحت شطوة الشباب بعد احتلال (اخوي طبعا) دام لمدة 5 او 6 ( مش فاكر) ملتقيات
وعليه فان بالاغلبية الساحقة الشرعية ( وبقول شرعية _ حد عنده مانع) ان الموضوع الثاني هو اللي هنتكلم فيه
والا ويمين الله ( هانعيط كلنا) قصدي ......
المهم طبعا النتيجة النهائية 8 -0 لصالح الشباب ( مش كده) ماهو الجون ب 7 عندنا ( وماحدش يتكلم عشان انتم مالكوش في الكورة ودي اخر قوانين الكورة اللي ماحدش سمع عنها اصلا ولا اانا كمان)وشكرااااااااااا
واللي عايز يقول اقتراحه يقول ويتقضل يتكلم
اتكلم يا بن........
يا بن ال....
يا بن الشعب

ميرسى ليك يا فيرينج

بس احب اضيف ليك ان النتيجة 10 صفر

دى اخر قوانين الكورة لسة القانون متعدل امبارح

انت ما سمعتش عنه ولا ايه

وعلى فكرة يا فيرنج

عايزين ملتقى ده يكون حاجة تانية خالص

علشان ما يقولوش اننا فشلنا

لا حول ولاقوة الا بالله
إيه ده كله إيه ده كله

براحة على نفسكو شويه يا جماعه....مش كده

نحن معشر النساء هنتكرم ونتنازل لسيادتكم بقيادة الملتقى
خليها علينا المرة دي
...............................
بس الموضوع هو إيه؟.......

ونظرا للنتيجه المضروبه اللي انتو طلعتوها
فبرجح إن د.أسد يفض الإشتباك ويختار موضوع ولسه باقي الأعضاء كمان
بس ياريت الصوت اللي يجي يحسم الموقف
علشان كده مش عارفه هحضر في إيه
scratch

[b]مع احترامى التام للقوانين الرياضية المذكورة
ولكنى لست المسئول عن تنفيذها

النتيجة ختى الان 2:2 للموضوعين

ومن ثم نتظر حتى الساعة ال12:00 من مساء الخميس لحين ظهور بقية الاعضاء على صفحات المنتدى او تنازل ايا من الاعضاء المصوتين عن قراره

وان لم يحدث ذلك فهناك اليات أخرى سوف تتبع لتحديد الموضوع(مش هقول عليها دلوقتى )

[/b]

حتى الان (بخلاف هذه المشاركة)
هناك 48 مشاركة نصف من البنات والنصف الثانى من الاولاد غريبة
هناك موضوعين اختار الاولاد الموضوع الثانى
واختار البنات الموضوع الاول بنسب متساوية 2:2
ولهذا قررت ان اضم صوتى لصوت الاولاد وبالتنالى تصبح النتيجة 2:3 لصالح الموضوع الثانى (بنحب نبينا )
واعتقد ان هذا الموضوع له بعض النقاط التى تمنحه تميزا نسبيا فى هذا ىالتوقيت (المولد )