افتكرت حاجات كتييير
هقولكو دلوقتي على واحدة منهم
معظم المواقف حصلت في الامتحانات
يعني في يوم امتحان الفسيولوجي السنة اللي فاتت....كان فيه اسئلةmcq مايعلم بيها الا ربنا
الوقت سرقني وفاتت ساعة من ال1،5 وأنا فاضلي أكثر من نصف الاسئلة بكتير
فارتبكت جدا وما بقتش عارفة اعمل اية وإيديا نملت ومابقتش عارفة أحركها ..
وناديت عالمراقب وكان فاكرني بستهبل ...شويه وحاسيت ان دماغي نملت وبقت حالتي استغفر الله العظيم
كنت عمالة اكلم ربنا .واطلب منه العون ...وكنت حاسة إني هسقط في الورقه دي مع ان الاسئلة اللي بعد mcq كانت سهله وممكن احلها بس أنا خلاص ...مما جعلني أشعر بالالم
ما بقتش طبعا عارفة اركز أو أحل حاجة، جابولي دكتورة من ال community لتشد من أزري
قومتني علشان اغسل وشي ..وانا ماكنتش راضية وكنت خايفة لاتأخر وارجع الاقيهم أخذوا الورقه(كان فاضل 10 دقائق) وارجع الاقي الورقة التانية مستنياني
بس فوضت امري لله وقمت معاها وايديا كان شكلها غريب مش عارفة أفردها...
كانت دكتوره طيبة قوي كانت عمالة تشجعني وتقويني...حاسيت ان ربنا باعتهالي
فعلا أتأخرنا... بس حالتي بقت احسن....واستعوضت ربنا في الامتحان
بس كانت المفاجأة...لما رجعت اللجنة ولاقيتهم سيبينلي الورقة وأعطوني وقت إضافي من غير ماطلب
فاستعدت قوتي وحليت اللي ربنا قدرني عليه .. والمراقب كان ساعات يجي جنبي عايز يلم الورقة
وقالي دا كده هيأخذ من وقت الورقة التانية ...بس أنا صممت على الحل حتى آخر case ثم سلمت الورقة
وجاءت الورقة ال2 والله قد عافاني تماما وثبتني وبدأت أحل بهدوء وشوية والساعة وقفت (وكأن الله أراد أن يوقف لي الوقت كي لا ارتبك) وبالفعل لم ارتبك ......وخرجت من الامتحان والناس بتقول أن وقت الورقة ال2 كان مش كافي وكنت أنا بس اللي شايفاه كافي مع أني لأخذت الورقه بعد الجميع!!!
والساعة...الساعة مشيت تاني لوحدها بعدما نزلت من الامتحان
...وماكنتش مصدقة نفسي(ساعه أصيلة أوي)
وربنا أكرمني وجبت في المادة دي جيد جدا فاضله 3 درجات عالامتياز
وتذكرت وقتها(أمن يجيب المضطر إذا دعاه)........الحمد لله