الزياره الثانيه

طبعا عرفتوا من الأعلانات اللي احنا علقناها على المدرجات
أن احنا رايحيين معهد ناصر نزور الفلسطينين اللي هناك

وبالفعل تمت الزياره بحمد الله يوم الثلاثاء
وكنا 36 الحمد لله
والجرحى الفلسطينين كانوا مبسوطين بينا
وقالولنا كفايه دخلتكم علينا
ودعولنا
ولما سألنا عايزين مننا حاجه ؟كانوا بيقوللنا انهم مش عايزين غير اننا ندعي للمجاهدين في غزه

يا رتكو كنتوا معانا ...كان احساس حلو أوي (إدخال السرور على قلب مسلم)

هنبقى نقولكو التفاصيل وغالبا هننزل تغطيه عن الزيارات في العدد المميز للمجله

الزيارة بجد كانت هااااااااااااااااااااااااااايلة جدا

والناس اللى كانت معانا اتبسطت جدا كمان الفلسطنين كانوا فرحانين بينا جدا ولقينا عندهم ناس كتيييييييييييييير جدا من المصريين لان بلدنا فيها خير دايما
وكانوا بيتكلموا معانا عن اخوانهم المجاهدين فى غزة وطلبوا مننا ان احنا ندعيلهم ان ربنا ينصرهم وكانوا بيعاملونا باحترام وحب جدا وبجد لو كنتوا معانا كنتم هتحسوا انكم اعطتلهم امل ان لسة فى ناس واقفة معاهم ومسانداهم حتى لو بمشاعرك بس

كفاية عليكم كده عشان التفاصيل هتكون فى العدد المميز

ياجمااااااااااااااعة
بجد انا عايز اشترك معاكم في العدد المميز ده باي طريقة شوفولكوا حل
ماليش دعوة

اتفقنا ؟
وياريت كمان اعرف نتو هاتنزلوها امتي
وكمان انا مش بقيت عضو فعال معاكم ولا اييييييييييييييييه؟

طبعا بقيت عضو فعااااااااااااااال جدا والعدد المميز هينزل فى اول الترم التانى ان شاء الله
بس لسة فى عدد هينزل مع بداية الراوند التالت يعنى بعد اسبوعين حضر حاجة تعمل عمود كدة وابعتها على ايميل الأسرة واحنا ان شاء الله هنحاول ننزلها
bokraahla7@gmail.com

بجد فرحتيني والله
طيب قلولي عايزين ايه اعمله شوفوا يعني
اطلبوا اتمنوا
يلااااااااااااااااااا

والله وفي الحقيقة
انا ما قراتش حاجة الا العدد اللي فات اللي نزلتوه في راوند الشرعي يوم الاتنين او الثلاثاء
وبجد دي اول مرة اعرف اصلا ان في اسرة اسمها بكرة احلي
ومش هاكدب عليكم انا كنت عايز اشترك في اي اسرة بس طبعا تكون كويسة وفعالة
ولما شوفت العدد بتاعكم قلت اخد فكرة عنكم
وبصراحة كده وعلي بلاطة العدد كويس بس برضه فيه لسه حاجات ناقصة يعني فيه لسه قصور بسيط
ده طبعا مش كل حاجة لان فيه حاجات بجد جامدة وده اصلا اللي خلاني انضم ليكم
بس انا قلت اشترك معاكم ونحاول مع بعض نقفل النواقص او القصور في بعض المواضيع
(ده طبعا لاني كنت مع الحزب العاطل (اللي هو مش بيشارك في اي حاجة خالص اكتر من الفرجة)
وطبعا بعرف ايه اللي بيتجاوب معاهم واللي مش بيحوق فيهم
طبعا محدش يزعل من كلامي انا بجد عجبتني اسرتكم حتي من غير اعرف اي حد فيها واظن ان ده واضح
وبالنسبة الي الموضوعات الدينية دي سيبيها عليا وانا هاقدم ليكم كذا موضوع وانت تختاروا احسنها وتنزلوها
اتفقنا؟

لأ طبعا مفيش زعل ولا حاجة احنا مقدرين صراحتك جدا
وياريت تقول على النواقص دى عشان نبقى احسن وربنا يقدرك وتقدر تكون عضو فعال معانا لأن مجهوداتك طبعا واضحة على المنتدى وان شاء الله تبقى واضحة فى انشطة الأسرة كمان فى الترم التانى وابقى ابعت مواضيعك الدينية على الإيميل على الإيميل
ولو عايز تعرف حاجة عننا هتلاقى العدد التعريفى بتاعنا على الموقع اقرأه عشان تبقى داخل وانت مقتنع

ربنا يبارك فيكم بجد حاجه تفرح وانا لسه جديد ونفسى اشارك معاكم فى اى حاجه ولو فيه اى زيارات تانيه لاى جهه خيريه ياريت اعرف امتى علشان نفسى اروح والى الامام دائما