التسامح...........الإنطلاقة الثانية

الخلق اللى عايزين نطبقه الأسبوع ده هو التسااااااااااامح
ياترى كام واحد مننا هيقدر يسامح واحد صاحبه عمل فيه موقف مش تمام وهو اللى يصالحة (خيركم من بدأ بالسلام )
يلا قولولى رأيكم فى الخلق ده وعايزين نشوف كام واحد هيتحلى بالشجاعة ويسامح اصحبه الأسبوع ده !!!!!!!!!
والورقة هتتعلق بكرة فى الساحة بتاعة الكلية للى عاوز يشارك فيها او يشارك على المنتدى

وانا هكون اول واحدة شجاعة مش عشان هسامح اصحابى لأن محدش فيهم زعلنى الفترة اللى فاتت(تقريبا يعنى )
ولكن لأنى هطلب منهم يسامحونى لو كنت ضايقتهم او اتعصبت عليهم شوية يعنى لأنى برده مش فاكرة اوى بس مش هستبعدها لأنى اصلا عصبية شوية صغيرين كده!!!
يعنى نداء عاجل يا جماعة تحلوا بالشجاعة وسامحونى ماااااااشى

تسمحيلي يا فطوطة اسامحك علي كل شي (عارف ان مفيش حاجة لسه)
بس احتياطي وللزمن
وياريت الكل يسامح الكل علي اي شي
وانا اكون التاني في التسامح
وبجد مفيش شعور احسن من شعور السماح والرضا

وانا كمان بقول بصوت عاليييييييييييييييييي
إني

والله العظيم ثلاثة مسامحه كل من اساء اللي ومسامحه الناس كلها
ويارب إذا كنت ضايقت حد قبل كده يسامحني
...........................


ربنا يسامحنا كلنا
اللهم إنك عفوا تحب العفو فاعفو عنا

وَسَارِعُوا إِلَى مَغْفِرَةٍ مِنْ رَبِّكُمْ وَجَنَّةٍ عَرْضُهَا السَّمَاوَاتُ وَالأَرْضُ أُعِدَّتْ لِلْمُتَّقِينَ *
الَّذِينَ يُنْفِقُونَ فِي السَّرَّاءِ وَالضَّرَّاءِ وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللَّهُ يُحِبُّ الْمُحْسِنِينَ *

قال صلى الله عليه وسلم: لا يحل لمسلم أن يهجر أخاه فوق ثلاث ليال،يلتقيان ،فيصد هذا ،ويصد هذا،وخيرهما الذي يبدأ بالسلام.

[كان النبي صلى الله عليه وسلم يصوم الاثنين والخميس فقيل: يا رسول الله إنك تصوم الاثنين والخميس؟ فقال: إن يوم الاثنين والخميس يغفر الله فيهما لكل مسلم إلا مهتجرين فيقول: دعوهما حتى يصطلحا]

يلا أهو أسبوع التسامح بقاله 4 أسابيع مش أسبوع واحد
أوعوا يكون لسه في حد زعلان من التاني
(إنما المؤمنون أخوة)
لو حد لسه زعلان يلحق يسامح التاني قبل ما يسبقه

الإنطلاقه اللي جايه قربت ..... عايزين نعمل فيها شغل أكتر من كده همتكوا معانا