بكره أحلى

إلى العلم والأخلاق نسعى .......... يلا نخلي بكره أحلى
 
الرئيسيةمكتبة الصورس .و .جبحـثقائمة الاعضاءالمجموعاتالتسجيلدخول

شاطر | 
 

 من غير صوت

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Snow_white
Admin


عدد المساهمات : 764
تاريخ التسجيل : 01/09/2008
العمر : 27

مُساهمةموضوع: من غير صوت   الخميس سبتمبر 30, 2010 2:07 am


آخر حاجه فاكرها بكايا
أيوة بكايا
وسط الزحمة

لما صرخت بصوتي العالي
وقلت كلام
عمره ماكان يخطر على بالي
قلت انا ومراتي وعيالي
نفسنا نآكل ...نلبس

نسكن ..نحلم

دي الاحلام نامت ف خيالي

نفسي اعيش وبلادي دي جنة

فيها الناس عارفة اللي عليها

فلاح ووزير وبنا..

.ويكون ليها شنة ورنه

نفسي أعيش وبلادي دي جنة

نفسي اتعلم نفسي اتكلم

واما اكون موجوع اتألم



ايوة صرخت
بس الصرخة من غير صوت
صرخة عدت من شفايفي لابسة
فستان السكوت
صرخة زفتها بعنيا من قصاد كل البيوت



لما دموعي نزلت تجري ف نهر النيل
نزلت تجري عليه وتقوله
يرضيك ابقى ف بلدي مهان؟؟
ولما بيبقى الحق معايا اجري ولا اجدعها جبان؟؟

اصلي نسيت ان انا انسان

أيوة يا نيل ابنك بقى ف بلاده ذليل

واللي رايح واللي جاي فاكر ان كرامته سبيل

علموني ازاي اطاطي.....علموني اهز راسي

وان سكوتي هو خلاصي

علموني اهز راسي

......

كلمة لأ محشورة ف زوري

دايما تخرج من غير صوت

نفسي اقولها قبل ما موت



آخر حاجه فاكرها الضحكة
أيوة الضحكة
ضحكة طفلة ف عمر ولادي
كانت ماشية هناك بتنادي
على عصفور طاير ف بلادي
شاورتله بدراعها وضحكت

ضحكة عدت بين ايديها
نسمة دافية قصاد عينيها
نسمة شايله ضفاير
شعرها حواليها
أيوة ضحكت

بس الضحكة



من غير صوت
[b]

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bokra-ahla.ahlamontada.net
true man
عضو ممتاز
عضو ممتاز


عدد المساهمات : 316
تاريخ التسجيل : 26/02/2009
العمر : 28

مُساهمةموضوع: روعة وشاعرة مبدعة ومنتدى مهجور   الأحد أكتوبر 10, 2010 12:29 pm

السلام عليكم
ياااااااااااااااااااااااااااااه سنو الراس الكبيرة
وكمان قصيدة روعة
بصراحة انا كنت معدى لقيت الحاجات الحلوة دى
قلت لازم اقولك بجد
روعة
متستغربيش كده مش روعة قوى بنسبة 90فى المية بس Razz
هابتدى باللى حاسه بجد
نفسي اتعلم نفسي اتكلم

واما اكون موجوع اتألم
حلوة قوى
وكل اللى قبلها روعة بس
فلاح ووزير وبنا..
محتاجة شوية تظبيط عشان الوزن

أيوة يا نيل ابنك بقى ف بلاده ذليل
واللي رايح واللي جاي فاكر ان كرامته سبيل
حلوة قوى قوى قوى
وده كمان روعة
كلمة لأ محشورة ف زوري
دايما تخرج من غير صوت
نفسي اقولها قبل ما موت
والنهاية روعة بجد

معلش انا اختصرت فى الشكر-مش بخل والله-لان ايدى وجعانى شوية
بجد روعة يا سنو وايت
ويارب الصحكة تكون بصوت قريب يا رب ومتقلبش بصويت king

اقدر اقول وانا مرتاح ان دينى احلى حاجة قريتها ليكى
وكنت باستاذن حضرتك انى انشرها على الفتيس بوك باسم حضرتك طبعا

لو موافقة ياريت تعرفينى
انشرها باسم حضرتك ولا سنو وايت
ده لو وافقتى يعنى Basketball

_________________
احب مكارم الاخلاق جهدى واكره ان اعيب وان اعابا
واصفح عن سباب الناس حلما وشر الناس من يهوى السبابا
ومن هاب الرجال تهيبوه ومن حقر الرجال فلن يهابا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Snow_white
Admin


عدد المساهمات : 764
تاريخ التسجيل : 01/09/2008
العمر : 27

مُساهمةموضوع: رد: من غير صوت   الإثنين أكتوبر 11, 2010 2:14 am

شكرا جزيلا
جزاك الله خيرا
Very Happy

والغريب ف الموضوع ان فيه أجزاء من اللي عجبت حضرتك كنت حساها ابيات زائده وكنت بفكر أشيلها بس اظاهر اني هسيبها بقى

زي نفسي اتكلم .........لحد أتألم

وان اكتر الاجزاء اللي عجبتني لما كتبتها حضرتك ماجبتش سيرتها....

.ايوة صرخت
بس الصرخة من غير صوت
صرخة عدت من شفايفي لابسة
فستان السكوت
صرخة زفتها بعنيا من قصاد كل البيوت

ودي حاجه فرحتني على فكرة لأني كنت فاكرة انها مافهاش حاجه عدلة غير الحته دي
::::::::::::::::::::::::::::::::::::::::::::::::::::
انا كنت حطيتها على جروب مواهب مدفونة ف القصر العيني وعملت فيها تعديل
كنت بحاول من خلاله أظبط الترابط ف القصيدة عشان حسيتها فيها شوية مطبات
فهي بعد التعديل

آخر حاجه فاكرها بكايا
أيوة بكايا
وسط الزحمة

لما صرخت بصوتي العالي
وقلت كلام
عمره ماكان يخطر على بالي
قلت انا ومراتي وعيالي
نفسنا نآكل ...نلبس
نسكن ..نحلم
دي الاحلام نامت ف خيالي

نفسي اتعلم نفسي اتكلم
واما اكون موجوع اتألم

نفسي اعيش وبلادي دي جنة
فيها الناس عاملة اللي عليها
فلاح ووزير وبنا..
.ويكون ليها شنة ورنه
نفسي أعيش وبلادي دي جنة
لما صرخت بصوتي العالي وقلت كلام متعبي ف آنة

ايوة صرخت
بس الصرخة من غير صوت
صرخة عدت من شفايفي
لابسة فستان السكوت
صرخة زفتها بعنيا من قصاد كل البيوت

لما دموعي نزلت تجري ف نهر النيل
نزلت تجري عليه وتقوله
يرضيك ابقى ف بلدي مهان؟؟
ولما بيبقى الحق معايا اجري ولا اجدعها جبان؟؟
اصلي نسيت ان انا انسان

أيوة يا نيل ابنك بقى ف بلاده ذليل
واللي رايح واللي جاي فاكر ان كرامته سبيل
علموني إزاي اطاطي.....علموني اهز راسي
وان سكوتي هو خلاصي
علموني اهز راسي
كلمة لأ محشورة ف زوري

دايما تخرج من غير صوت
نفسي اقولها قبل ما موت

آخر حاجه فاكرها الضحكة
أيوة الضحكة
ضحكة طفلة ف عمر ولادي
كانت ماشية هناك بتنادي
على عصفور طاير ف بلادي
شاورتله بدراعها وضحكت

ضحكة عدت بين ايديها
نسمة دافية قصاد عينيها
نسمة شايله ضفاير
شعرها حواليها

أيوة ضحكت
بس الضحكة


من غير صوت
[b]

يارب تكون مازالت عند حسن ظنكم
مبسوطة جدا بجد انها عجبت حضرتك
وممكن تنشرها مافيش مشكلة باسمي الاصلي لأن ماحدش عارف سنو وايت وكمان لاقيت ناس تانيين ف بعض المنتديات ليهم نفس الاسم
وجزاكم الله خيرا bounce bounce bounce

_________________


عدل سابقا من قبل Snow_white في السبت أكتوبر 16, 2010 8:24 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bokra-ahla.ahlamontada.net
asd alaqsa
عضو ممتاز
عضو ممتاز


عدد المساهمات : 314
تاريخ التسجيل : 23/12/2008

مُساهمةموضوع: رد: من غير صوت   السبت أكتوبر 16, 2010 6:42 pm

ربنا يكرمك يا دكتورة


جميلة جدا
بسم الله ما شاء


ليه مش تحطيها على الفيس بوك وكده ؟


انا الحاجة الوحيدة اللى وقفتى وانا بقراها

الالف والاام بتاعت كلمة السكوت حسيت انها تقيلة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Snow_white
Admin


عدد المساهمات : 764
تاريخ التسجيل : 01/09/2008
العمر : 27

مُساهمةموضوع: رد: من غير صوت   الأربعاء نوفمبر 24, 2010 1:57 am

جزاك الله خيرا د. أسد
Very Happy

والله انا ساعات كتير بنشر عالفيس بوك بس مش عالجروب بتاعنا عالجروبات الادبية و الشعرية والحاجات دي
ماعرفش ليه مش بنشرها على جروبنا....ممكن علشان بحس انه ساعتها هيبقى كأنه بقى جروبي انا .... لكن لو حد نشر غيري ده هيشجعني اني احس الامر عادي Basketball

بس ممكن اجرب و احط حاجه عالجروب

بالنسبة للالف واللام من عندي هنا مش عملين مشكلة بالعكس دي كمان اكتر جزئية بحسها طالعه مظبوطه جرب تقراها بطريقة تانبه هتفرق على فكرة sunny

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bokra-ahla.ahlamontada.net
 
من غير صوت
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
بكره أحلى :: يلا نخلي بكره أحلى :: منتدى بكره أحلى................................... :: اللجنة الفنية-
انتقل الى: