بكره أحلى

إلى العلم والأخلاق نسعى .......... يلا نخلي بكره أحلى
 
الرئيسيةمكتبة الصورس .و .جبحـثقائمة الاعضاءالمجموعاتالتسجيلدخول

شاطر | 
 

 ساعات بحس ان انا مبسوط

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Snow_white
Admin


عدد المساهمات : 764
تاريخ التسجيل : 01/09/2008
العمر : 27

مُساهمةموضوع: ساعات بحس ان انا مبسوط   الثلاثاء يوليو 20, 2010 2:52 am


ساعات بحس إن انا مبسوط
وساعات بحس حوالين رقبتي
دراعات أخطبوط
وساعات بشوف الدنيا ورده....محبوسة ف تابوت

واقف أنا على قبرها ..نفسي أشيلها وأضمها
نفسي ماسيبهاش بتموت
جوه التابوت

ساعات بحس إن انا مبسوط
وساعات بحس حوالين رقبتي
دراعات أخطبوط
وساعات بتنزق مع ان الشوارع واسعة
وساعات ف أضيق حارة أعدي وأفوت

ساعات بشوف الشمس بعنيا..وما توجعنيش
ساعات أمسكها بإيديا وما تحرقنيش
وساعات بديها ضهري
علشان ما تعرفنيش
وأقولها سيبيني ...سيبيني ما تمسكنيش
سيبيني أموت مع ناس بتموت
وأقري عليا الفاتحه ونادي العنكبوت

ساعات بمد للكلب إيدي وأطبطب عليه
وأقوله يا سيدي
وساعات بقول للكلب لأ
مش انا اللي ادافع عن غير الحق
مش أنا اللي لسانه ف سنانه مربوط
مش انا اللي هعيش واموت في بطن الحوت

وساعات ببقى عامل زي القلم محطوط
محطوط على ورقة بيضه مستنيه الخطوط
وساعات النصر بيبقى حليفي
ياااااااااااااااااااه لما النصر بيبقى حليفي
واعمل كل حاجه بكيفي
ولا حد يقوللي إلبس شتوي
ولا حد يقوللي البس صيفي
ساعاتها بحس ان انا مبسوط
وف وسط الناس ارقع بالصوت
أنا مبسوط ...أنا مبسوط

ساعات بحس ان انا زعلان
وساعات بحس ان انا مبسوط
بيقولوا عليا راكبني الجنان
بس انا بقول
ان أنا
انسان




::::::::::::::::::::::::::::
رأيكو بصراحة.......فيه حته صغيرة كده مرشحة للتغيير فلو فيه حاجه ضايقتكو قولوا bounce [b]

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bokra-ahla.ahlamontada.net
zaraazad
عضو
عضو


عدد المساهمات : 10
تاريخ التسجيل : 26/02/2009

مُساهمةموضوع: رد: ساعات بحس ان انا مبسوط   الثلاثاء يوليو 20, 2010 6:20 am

بسم الله ما شاء الله
بجد كلام جميل والله

الي الامام دوما
وفقنا الله واياكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Snow_white
Admin


عدد المساهمات : 764
تاريخ التسجيل : 01/09/2008
العمر : 27

مُساهمةموضوع: رد: ساعات بحس ان انا مبسوط   الخميس يوليو 22, 2010 4:24 am

شكرا زاراد

ربنا يكرمك
مبسوطة انها عجبتك......الحمد لله bounce bounce bounce

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bokra-ahla.ahlamontada.net
firing_dragon
عضو ممتاز
عضو ممتاز


عدد المساهمات : 661
تاريخ التسجيل : 07/01/2009
العمر : 27

مُساهمةموضوع: رد: ساعات بحس ان انا مبسوط   الأحد يوليو 25, 2010 7:58 pm

انتي اللي قولتي رايي بصراحة وانا لا اعرف المجاملة.....
في مجملها ....مقبولة وعادية ولكن ليست كما عهدنا عليكي من اشعارك ونغمات التلحين بداخلها....
فهناك العديد من الكلمات الثقيلة التي اثقلت اللحن وايضا الشعر ...ولكن ان لم تكن د/سنو من كتبتها لقلت انها رائعة .....

لكن هذا ليس نقدا ولكن.....فقط طلب المزيد.....

_________________

نـتــواصــــــــل..... لأنـنـــا بالخـــير دومــــاً نــرتــــقـي




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
firing_dragon
عضو ممتاز
عضو ممتاز


عدد المساهمات : 661
تاريخ التسجيل : 07/01/2009
العمر : 27

مُساهمةموضوع: رد: ساعات بحس ان انا مبسوط   الأحد يوليو 25, 2010 7:59 pm

انتي اللي قولتي رايي بصراحة وانا لا اعرف المجاملة.....
في مجملها ....مقبولة وعادية ولكن ليست كما عهدنا عليكي من اشعارك ونغمات التلحين بداخلها....
فهناك العديد من الكلمات الثقيلة التي اثقلت اللحن وايضا الشعر ...ولكن ان لم تكن د/سنو من كتبتها لقلت انها رائعة .....

لكن هذا ليس نقدا ولكن.....فقط طلب المزيد.....

_________________

نـتــواصــــــــل..... لأنـنـــا بالخـــير دومــــاً نــرتــــقـي




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Snow_white
Admin


عدد المساهمات : 764
تاريخ التسجيل : 01/09/2008
العمر : 27

مُساهمةموضوع: رد: ساعات بحس ان انا مبسوط   الإثنين يوليو 26, 2010 2:49 am


أحب انا الصراحة... cheers

مش عارفه بس انا حسيتها عكس كده تماما انا حسيتها من أفضل ما كتبت وده مش رأيي لوحدي رأي ناس تانين اعرفهم
علشان فيها تركيبات جمل وتشبيهات مختلفه

يمكن تكون طريقة القراءة بتفرق من حد للتاني...........انا لما بقولها مش بحس انها فيها حاجه ثقيلة على لساني
فلو ممكن تدي مثال عالموضوع ده........يمكن افهم المشكلة

انا أصلا حطيتها هنا علشان عارفه انكو هتقولوا الصراحة واحساسكو بجد من غير مجاملات .......علشان كلنا نستفيد
جزاك الله خيرا


flower flower flower

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bokra-ahla.ahlamontada.net
firing_dragon
عضو ممتاز
عضو ممتاز


عدد المساهمات : 661
تاريخ التسجيل : 07/01/2009
العمر : 27

مُساهمةموضوع: رد: ساعات بحس ان انا مبسوط   الثلاثاء يوليو 27, 2010 6:00 am

بصرتحة انا مش بحب النقد وتطليع القطط الفاطسة زي مابيقولوا.....
وممكن برضه زي ما حضرتك ذكرتي ان القراءة تفرق....

انا كل اللي عاجبني في القصيدة هو الاحساس والمضمون...وده طبعا شئ مهم...بس مش عارف انا اتعودت من اشعارك علي اللغة السهلة مع بعض اللحن بل الكثير من اللحن....

اما بخصوص بعض الكلمات التي احسست انها ثقيلة.....(حوالين)(دراعــات)...
اما افضل مقطع من حيث كل شئ فهو....


اقتباس :
وساعات ببقى عامل زي القلم محطوط
محطوط على ورقة بيضه مستنيه الخطوط
وساعات النصر بيبقى حليفي
ياااااااااااااااااااه لما النصر بيبقى حليفي
واعمل كل حاجه بكيفي
ولا حد يقوللي إلبس شتوي
ولا حد يقوللي البس صيفي
ساعاتها بحس ان انا مبسوط
وف وسط الناس ارقع بالصوت
أنا مبسوط ...أنا مبسوط

والي الامام دوما........

_________________

نـتــواصــــــــل..... لأنـنـــا بالخـــير دومــــاً نــرتــــقـي




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ساعات بحس ان انا مبسوط
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
بكره أحلى :: يلا نخلي بكره أحلى :: منتدى بكره أحلى................................... :: اللجنة الفنية-
انتقل الى: