و خشيت أن أسدل جفوني في وجه السماء

ربنا يكرمك يا فطوطة
ا
سلامتك
تعبتي ليه بس ؟؟؟ده حتى الشوية اللي في الآخر فيهم أمل وقوة ومحاولة جادة للتعافي من الخوف

الحمد لله انها عجبتك

د.سنو وايت
القصيدة رائعة جدا وفيها معانى جميلة جدا وتفاؤل منعش
القصيدة كزهرة جاردينيا فى عتمة شعر اسبانى-على رأى الرقيع نزار-
بس بما ان ترو اتى فيجب ان يفتت الزهرة
فالى التفتيت
جئت انظر للسماء
هل ستمطر؟؟
أم أنه يوم الجفاء؟
هل ستمطر؟؟أم أدركت أن المطر رمز البكاء؟؟

فجلست فوق تراب الأرض ارسم
أشكال الرثاء
وسكبت دمع العين فوق الصخرة الصماء
قدماي ترتجف و يدايا تحتضن الثرى
تخشى العراء

هذا الجزء اكثر من رائع اذهلنى فعلا المبنى والمعنى ربنا يحميكى
ك(اشكال الرثاء يوم الجفاء تخشى العراء)
ولكنى لم افهم ادركت ان المطر رمز البكاء....اهى نوع من التشاؤم كنظرة مطران الى الافق لكنك سبقت بقول ان الجدب جفاءب
فكيف يكون البكاء ..لم افهم فهلا تفضلت بمزيد شرح
الصخرة الصماء ذكرتنى بالجالسين عليها قديما كانه لا يوجد غيرها رأيت مطران يسابق ناجى للوصول اليها


وخشيت أن أسدل جفوني في وجه السماء
فإذا رفعت الجفن وجدت الصبح قد صار مساء
وجدت نور الكون قد آتي بظلامه وأختفت من بعده
ملامح الأشياء
خشيت أن أسدل جفوني في وجه السماء
ودعوت ربي أن يكشف البلاء
فهل يا إلاهي من دواء؟؟

مقطع متوسط الجمال
واستوقفنى هنا
اسدل فى وجه السماء؟؟؟؟ اليس اسدال الجفن ارخاؤه يغلق العين ويمنع الرؤية فكيف يستقيم قولك اسدلت جفونى فى وجه السماء اقصد هل تأكدت من سلامة التعبير لغويا؟؟
اعجبنى كثيرا وصفك لقدوم الليل باختفاء ملامح الاشياء فهو فى غاية الدقة سواء طبقناه على ظلام الكون او ظلام النفس

فإذا تراب الأرض يخلع عباءة الصمت السوداء
ويجيبني: أراك قد صرت في بئر الخوف من السجناء
وما الخوف إلا شيمة الجبناء

أتخشى الموت يا ولدي ..والخوف والموت سواء؟؟
عهدتك قبل اليوم تحيا في السماء
فلما أراك اليوم تتنفس الصعداء؟؟

اعجبتنى عباءة الصمت
ولكن استوقتنى بعض الكلمات
ما الخوف الا شيمة الجبناء لا جديد فيها كانك تقولين الغش صفة الكداب ما الجديد؟؟ولم الحرص على التأكيد بالنفى والاستثناء كأن المخاطب منكر لقولك فاحتجت لتأكيده
بعد العيش فى السماء ذكرت تنفس الصعداء كأنها النقسض وهى فى الحقيقة تعبير عن الراحة بعد كرب فاين المقابلة؟؟

المقطع التالى جميل لولا مباشرة واسلوب وعظى لا يعرفه الشعر لذا لن اناقشه تفصيلا وانما ذكرته اجمالا


رفعت رأسي إلى السماء
وخلعت نعل الضعف ..نعل الخوف و الجبناء
وصرخة في الكون صرخة المسجون
يعلن البراء
فإذا بزرقة السماء قد صارت بيضاء
وسالت الأمطار تجري حتى صارت لي كساء
وإذا بالكون الحزين يبتسم في وجه السماء
هنا اعجبنى تعبير نعل الضعف فلك الف تحية عليه
ولكن اعتب عليك ما معنى يعلن البراء ؟؟
استحالة الزرقة بياضا لا يعتبر تعبيرا دقيقا عن انكشاف الكابة فلو استبدلتها باستحالة السواد الى الزرقة لكان حسنا
وحكاية تبسم الكون فى وجه السماء لا ادرى احسست بعض التكلف فى اضافة كلمة الوجه

ووقفت أنشد كلماتي وكأنني شاعر من الشعراء
إذا طال الليل يوما ... سوف ارسم الضياء
سوف أنشد لحني في وجه السماء
وإذا هرب مني الأمل....فأنا من وراءه عدّاء

خاتمة متفائلة ولكن هل قرأت قصيدة الشابى قريبا؟؟؟

تحية تليق بابداعك

عملت تعديلين


البيت بتاع زرقة السماء علشان مش مريح بالنسبالي
والبيت القبل الأخير لأني اقتنعت بتكلف كلمة وجه .....وانها فعلا مالهاش لازمه

:::::::::::::::::::::::::::::::

هو فين د: فيرنج بقاله يجي شهر مابيدخلش المنتدى......
ف الاول قلت يمكن الباطنة والامتحانات ...بس دلوقتي كده ...مش عوايده خالص
حد زعله يا جماعة؟ ....اعترفوا

لعل المانع خير

انا تانى برضو
على فكرة حضرت فهمتى موضوع الزهرة غلط قصدى ان القصيدة رائعة فى مجملها وده تعبير كان بيقولهولى صديق ليا لما يلاقينى باقرا كتاب وماسك القلم وعمال اعمل هوامش وارد على المؤلف..يعنى قصدى ان العيب فيا انا مش فى القصيدة لان احيانا بيقولو ان العيب قد يكون من مظاهر الجمال اذا انضمت له باقى عناصر الصورة
يعنى انا فتحت الماس لقيت ماس مش نحاس يا فندم
بالنسبة للبراء طب ما كل مسجون بيقول انه برئ وعلى رأى المثل قالوا للحرامى احلف قال جالك الفرج محدش بيعترف بتهمته وصرخة المسجون هنا مفيش فيه اى نوع من القوة والشجاعة بل على العكس تحمل معنى اليأس لان محدش بيعبره
بالنسبة لزرقة السماء انا زعلان ان حضرتك حذفتيها
بس على فكرة السحاب الابيض مفيش فيه مطر الغيم الاسود هو اللى فيه مطر انما الرباب الابيض ده دليل ان الحالة مقشفرة
بالنسبة للبكاء بصراحة مقتنعتش بس مش عاوز اغلس اكتر من كده لتحدفينى باى حاجة فى ايدك
اسدل جفونى معرفتش اوصل المعنى امبارح لانى كنت نايم ع الكى بورد
بصى يا ستى اسدال الجفن ارخاؤه وفيه نوع من الرومانسية والدلال ينافى قولك فى وجه السماء الموحى بالشدة والرفض
يعنى ممكن تبقى اغمضت او اغلقت بس كده
انا قصدى انها حاجة مسلم بيها ولا يوجد منكر لها ليها استخدمتى النفى والاستثناء للتاكيد ده اولا وبعدين كده كانك بتقولى فى البحر ماء..يعنى لو كانت الخوف يقتل الاحياء او اى حاجة تانية يعنى كانت تبقى مقبولة
يتنفس الصعداء مش تعبير عن الكسل زى ما حضرتك فاهمة ده تعبير عن الراحة بعد تعب لان الصعداء النفس العميق ومعروف ان القلق الضجر تتابع انفاسه
وفى النهاية برضو باحييكى على ذوقك فى القراءة ومعلش لو كنت غلست عليكى زويادة بس حضرتك متعودة بقا
اه قبل ما انسى
التنين الحجرى محدش زعله بس هو عندة اتاك من الزهق من النت وبدأ يذاكر عقبال عندكم جميعا

@د: ترو

جزاك الله خيرا مرة تانيه .....اختلاف الرأي بيثري الحوار ....فخلينا كده مختلفين
@ د: فيرنج
ربنا يكرمك بجد الحمد لله انها طلعت كده

...أما عن تخشى العراء.....فالحكاية ومافيها إن ال case اللي قدامنا دي واحد خايف وقلقان جه يدور عالمطر أو الفرج مشيت مع الجزء الأول في القصيدة من غير ما أقول هو خايف من ايه؟ بصراحة إلى أن جاء دور تراب الأرض اللي اخترته لأن احنا منه فاعتقدت انه اكتر حاجه فهمانا فهو قام سأل لوحده....اتخشى الموت يا ولدي ..والخوف والموت سواء؟؟
فبدأت الرؤية تتضح ...وان الحالة حالة من العجز الناتج عن الخوف من الموت فلو عملنا فلاش باك بقى هنلاقي اني كنت بقول كلمة العراء (رمز للموت) وحسيت ان دي أكتر حاجه ممكن تخوف يدايا التي تحضن الثرى

:::::::::::::::::::::::::::::
لعلي فهمت من مطلع هذا الجزء تعبيرا بالغ التعقيد والقوة...فاحسست ان شخصا لم يري النور منذ امد وهو يريد ان يفتح عينيه في انتظار المطر ولكنه قبل ان يخشي سقوط المطر خشي من الظلام الذي يعرفه جيدا وكاد ينسي ملامح وصفات كل ما يعرفه

فهمت ماقصدت الى حد كبير....فهو خاف يقفل يعينه وعايزها تفضل فتوحه وباصه للسما وخايف لما يقفلها يجي يفتحها يلاقي الدنيا اتغيرت من حواليه والصبح يبقى مساء وهكذا
::::::::::::::::::::::::
ردا على المقطع ال3
المقطع الاول هنا مبهم فما المقصود من (عهدتك قبل اليوم تحيا في السماء) هل تقصدين ان اجداده كانوا ابطال لم يخشوا الموت وراحوا الي السماء خالدين وهو بذلك من نسلهم؟؟؟ ام ماذا؟؟؟؟؟؟؟؟؟

لأ قصدت انه مش عوايده حالة الضعف دي والتخاذل طول عمره طموحه في السما بتتكلم عليه هو

المقطع الثاني ....يقال له من اصول اصطفاف الحكم في الشعر- صحيح انك لم تات بحكمة جديدة - ولكني اعتقد انها من ابداعك وليس تقليد وبالطبع اضفت للمعني قوة وثقة وتاكيد
أشكرك

::::::::::::::::::::::::::::::::::

أما عن يعلن البراء ....ليه ماتجيش بمعنى ....يعلن انه بيتبرأ من السجن ده اللي كان حابس نفسه فيه؟؟؟

هو انا نشرت القصيدة دي في حته تانيه وغيرت يعلن البراء..ب يخرج للفضاء
عساني أصل إلى ماهو أفضل منهما



جزاك الله خيرااااااااااااااااا