بكره أحلى

إلى العلم والأخلاق نسعى .......... يلا نخلي بكره أحلى
 
الرئيسيةمكتبة الصورس .و .جبحـثقائمة الاعضاءالمجموعاتالتسجيلدخول

شاطر | 
 

 الحلقة الرابعة "مع د/ فطوطة "

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
asd alaqsa
عضو ممتاز
عضو ممتاز


عدد المساهمات : 314
تاريخ التسجيل : 23/12/2008

مُساهمةموضوع: الحلقة الرابعة "مع د/ فطوطة "   الخميس أبريل 01, 2010 12:04 am

لنا موعد من وراء الغياب

وها نحن نستنجز الموعد


نحيكم باجمل التحيا واحلاها

واعذبها وابهاها


السلام عليكم ورحمة من الله وبركاته

بعد حديث د/سنو

ود/فيرنج

ود/ترو مان

نلتقيكم

اليوم مع نوعية جديدة من الاحاديث


نفتح قلبها ونطل منه على شخصها

نبحر فى افكارها

ونعرف فى كل القضايا رايها


" انها د/ فطوطة "

فاليكم

المايك


اتفضلوا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
asd alaqsa
عضو ممتاز
عضو ممتاز


عدد المساهمات : 314
تاريخ التسجيل : 23/12/2008

مُساهمةموضوع: رد: الحلقة الرابعة "مع د/ فطوطة "   الجمعة أبريل 02, 2010 3:27 am

نبدا بالبطاقة لحد ما الاعضاء يجوا ينورنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
true man
عضو ممتاز
عضو ممتاز


عدد المساهمات : 316
تاريخ التسجيل : 26/02/2009
العمر : 28

مُساهمةموضوع: رد: الحلقة الرابعة "مع د/ فطوطة "   الجمعة أبريل 02, 2010 6:08 am

د.فطوطة يا مرحبا يا مرحبا cheers
طبعا دى فرصة لا تعوض journey to the center of fatota Razz
انا اول السائلين وهابتدى بحاجة بسيطة كده لحد ما حضرتك تدخلى
1ايه اكتر 3عيوب فى شخصيتك
3امنية كان نفسك تحققيها بس خلاص صعب
4لو قاعدة فى مكان وسمعت حد بيتكلم كلام غلط ومعلوماته متناقضة سواء فى حاجة دينية او طبية هتتصرف ازاى؟-هتخاف تقول ولا هتقولى على الملأ ولا هتكلميه من غير ما تحرجيه
4شخصيةامراةمعاصرة تعتبريه مثلك الاعلى
5لو مكنتش دكتورة كنت هتبقى ايه ؟وليه
هل تعتبر نفسك مثقفة؟؟؟
هل تغيرت شخصيتك منذ دخولك الكلية
دى طبعا اصطمبة باسخن بيها لحد ما ربنا يسهل وتنهال الاسئلة

_________________
احب مكارم الاخلاق جهدى واكره ان اعيب وان اعابا
واصفح عن سباب الناس حلما وشر الناس من يهوى السبابا
ومن هاب الرجال تهيبوه ومن حقر الرجال فلن يهابا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
fatota
Admin


عدد المساهمات : 481
تاريخ التسجيل : 05/09/2008
العمر : 28

مُساهمةموضوع: رد: الحلقة الرابعة "مع د/ فطوطة "   السبت أبريل 03, 2010 4:11 am

اولا ربنا يكرمك د/اسد على التقديمة دى flower

نبتدى الشغل بقى

البطاقة.......
نهى عبد المجيد.........21 سنة.........انسة..........طالبة بكلية الطب منذ زمن بعيد ولزمن بعيد قادم(خمس سنين ولسة كمان تلاتة ربنا يتولانى)

د/ترو
وبعدين انت مستحلفلى ولا ايه..........احنا جامدين اوى على فكرة
ربنا يستر


1ايه اكتر 3عيوب فى شخصيتك
1-ده عيب قلته كتير قبل كدة وبتهيألى مصر كلها عرفته عموما كلاكيت عاااااااااااااااااااشر مرة
العصبية.........واللى اتخلصت من جزء كبيييييييييير منا عقبال الباقى
2-مش اجتماعية ........مبحبش اقعد مع ناس معرفهاش واقعد ارغى لمجرد الكلام زتضيع الوقت وكدة يعنى
3-مش بعرف اعبر عن مشاعرى بالكلام خاااااااااااالص وفى ناس بتكون محتاجة ده بس انا لما بحب حد بيعرف من تصرفاتى وخوفى عليه واشتياقى ليه وكدة

3امنية كان نفسك تحققيها بس خلاص صعب
هى ممكن تكون احلام صعبة بس مش خلاص انا لسة صغيرة وامامى فرصة اعمل اى حاجة انا عاوزاها اعتقد يعنى

4لو قاعدة فى مكان وسمعت حد بيتكلم كلام غلط ومعلوماته متناقضة سواء فى حاجة دينية او طبية هتتصرف ازاى؟-هتخاف تقول ولا هتقولى على الملأ ولا هتكلميه من غير ما تحرجيه
اعتقد على حسب طريقة كلام اللى بيتكلم........يعنى لو عصبى جدا ومش متقبل رأى اللى بيتناقشوا معاه خلاص
لكن لو حوار عادى وسمعت فيه حاجة ممكن اصلحها طبعا بطريقة لطيفة وانا عملتها قبل كدة

شخصيةامراةمعاصرة تعتبريه مثلك الاعلى
هو فى ستات على الساحة دلوقتى؟؟؟؟؟؟؟؟؟
عموما انا ماليش مثل اعلى بالمعنى المفهوم انا بحاول اطلع الحلو فى كل الناس واستفيد منه

5لو مكنتش دكتورة كنت هتبقى ايه ؟وليه
كنت ممكن اكون صحفية لأنى بحب الكتابة وبحترم العمل الصحفى فعلا لأن الصحفى لما بيكون جرئ وعنده ضمير يقدر يغير حاجات كتير حتى ولو انه يوصل صوت الناس للمسئولين(ده لو بيسمعوا اصلا)
يعنى بعتبرهم البوليس التانى فى مصر ولو مكنتش مهنة البحث عن المتاعب فعلا يبقى ملهاش لزمة

هل تعتبر نفسك مثقفة؟؟؟
بصراحة لأ.....مثقفة دى كلمة كبيرة اوى انا عموما بحب القراية واحب اعرف اخبار العالم حواليا وكدة لكن مش عارفة فى كل حاجة

هل تغيرت شخصيتك منذ دخولك الكلية
اه شوية حلوين كدة........ بدأت اكون اجتماعية شوية كدة بسبب احتكاكى بعدد كبير من الناس اللى معايا فى السكشن واللى فى سكاشن اصحابى وكدة يعنى فبقيت اقدر اتكلم مع الناس شوية
وكمان بقيت اقل عصبية شوية عشان التعامل مع المرضى محتاج صبر جامد فبقيت بستحمل واعرف امسك اعصابى مع ابتسامة لطيفة..........ده اللى جاى فى بالى

دى طبعا اصطمبة باسخن بيها لحد ما ربنا يسهل وتنهال الاسئلة
ااااااااااااااااااااااه ماشى عموما اهلا بيك وبكل الناس انا بيتى مفتوح دايما لأى حد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Snow_white
Admin


عدد المساهمات : 764
تاريخ التسجيل : 01/09/2008
العمر : 27

مُساهمةموضوع: رد: الحلقة الرابعة "مع د/ فطوطة "   السبت أبريل 03, 2010 5:11 am

استعنى عالشقى بالله
بصي يا فطوطة احنا أصحاب آه .........بس أنا في الحوارات دي ماعرفش أبويا Very Happy
1-


نفس سؤال د: ترو.....بس مع تعديل بسيط.......هل تغيرتجانب في شخصيتك منذ دخولك للكلية بشكل أسوء؟؟
يعني انتي ذكرتي جانبين ايجابين فهل هناك جوانب سلبيه اكتسبتيها؟؟

2- أكتر آية في القرآن أثرت فيكي؟؟؟ وأكثر حكمة بتحبيها؟؟

3- شخصية قابلتيها في حياتك ولن تنسيها ؟؟؟

4- موقف ندمتي بعد ماعملتيه...؟؟؟......ده اقتباس من سؤال .....السؤال بيلف يلف ويرجع لصاحبه king

5- إذا جاء وقت فراغك...واذا شعرتي بالملل...فماذا تفعلين؟؟؟

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bokra-ahla.ahlamontada.net
asd alaqsa
عضو ممتاز
عضو ممتاز


عدد المساهمات : 314
تاريخ التسجيل : 23/12/2008

مُساهمةموضوع: رد: الحلقة الرابعة "مع د/ فطوطة "   السبت أبريل 03, 2010 6:40 am

ما هى اهم اهدف العام الحالى
ايه الاهداف اللى انتى حققتيهاالسنةالى فاتت
ما يمثل منتدى بكرةاحلى بالنسبة لكى
من اين جأءت فكرته
هل لكى نشاط بمنتديات اخرى
ما اخر اخبار اسرة "بكرة احلى "
كيف ترى النشاط فى الكليه
ايه الاسرة اى لفت انتباهك الى النشاط وانتى فى سنة اولى والان
هل ارتكبتم اخطاء فى فترة تواجد الاسرة ؟اسبابها وماهى ان وجدت
ماذا يحتاج منتدى بكرة احلى
ما نشاطكم الحالى


فاصل مع بقية الاعضاء واعود من جديد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
fatota
Admin


عدد المساهمات : 481
تاريخ التسجيل : 05/09/2008
العمر : 28

مُساهمةموضوع: رد: الحلقة الرابعة "مع د/ فطوطة "   السبت أبريل 03, 2010 7:10 am

كدة يا سنو بعد عشرة 8سنين
براحتك برده انا عارفة انك مهما حاولتى تعملى فانتى طيبة

يعني انتي ذكرتي جانبين ايجابين فهل هناك جوانب سلبيه اكتسبتيها؟
لأ.......مفيش حاجة بسبب الكلية يعنى

2- أكتر آية في القرآن أثرت فيكي؟؟؟ وأكثر حكمة بتحبيها؟؟
اكتر اية اثرت فيا كعمل يعنى.........(اتأمرون الناس بالبر وتنسون انفسكم وانت تتلون الكتاب افلا تعقلون)
وفى اية اثرت فى كتأثير نفسى وبحبها اوى.........(حتى اذا ضاقت عليهم الأرض بما رحبت وضاقت عليهم انفسهم وظنوا ان لاملجأ من الله الا اليه ثم تاب عليهم ليتوبوا ان الله هو التواب الرحيم)
والحكمة..........لن تستطيع ان تصل للسماء مادمت تنظر اليها فقط ولكن اسعى لها ولن يستطيع احد ان يوقفك

هفكر بقى فى بقية الأسئلة وارد عليكى ان شاء الله..........
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
true man
عضو ممتاز
عضو ممتاز


عدد المساهمات : 316
تاريخ التسجيل : 26/02/2009
العمر : 28

مُساهمةموضوع: رد: الحلقة الرابعة "مع د/ فطوطة "   السبت أبريل 03, 2010 12:16 pm

د.فطوطة الجامدة قوى حضرتك بقا اللى جبتيه لنفسك Very Happy
وبعدين حضرتك هتبتدى عصبية من الاول انا مسمعتش ولا مرة من العشرة دول والله
affraid
على فكرة اسلوب حضرتك فى الاجابة عجبى بصراحة بس ليه جاوبتى السهل وهربتى وقلتى افكر
عموما شويه اسئلة لحد ما ترجعى
اذا كنت مع مجموعة من اصدقائك هل تعتبرى نفسك اذكى الجميع؟
كيف ترين نفسك؟وكيف يراك اصدقاؤك؟كيف يراك الاخرون؟
نقطة تحول فى شخصيتك متى وماذا حدث؟
ومن اسئلتك اسأل
شخص خسرته وندمت لأنك كنت السبب؟
اكتر ما تحب فى اقرب اصدقائك
كده خلاص مؤقتا عشان مكترش عليكى والبقية تأتى لما حضرتك ترجعى
وعلى فكرة مش هاجرى لانى مش خايف اتضرب
Razz هاسيب لحضرتك 14 ساعة بحالهم للرد

_________________
احب مكارم الاخلاق جهدى واكره ان اعيب وان اعابا
واصفح عن سباب الناس حلما وشر الناس من يهوى السبابا
ومن هاب الرجال تهيبوه ومن حقر الرجال فلن يهابا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
firing_dragon
عضو ممتاز
عضو ممتاز


عدد المساهمات : 661
تاريخ التسجيل : 07/01/2009
العمر : 27

مُساهمةموضوع: رد: الحلقة الرابعة "مع د/ فطوطة "   الأحد أبريل 04, 2010 6:35 am

..........(( د/ فطوطة))........وما ادراك ما فطوطة.....ههههههههه

(نفس عميق ) يامعين يارب....

اولا...


في اي صنف تصنفين نفسك ....؟؟؟
من حيث الفكر/
1- حكيمة ، اخطاؤك معدودة...وتدركين ان لكل خطوة حساب.
2-ذكية بما يكفي للتعامل مع الناس ومواقفهم؟
3-عبقرية ،ولكن يتملكني الخطأ كثيرا بدون قصد او عمد.
4-اعتيادية ،ولكن لا يشتكي من الا القليل لندرة ذلاتي.

من حيث الدين/
1- شديدة الالتزام ، ولا زلت اسعي للمزيد دون ارغام.
2-ملتزمة واري في نفسي القليل من تقصير واسعي للتحسين.
3-ملتزمة واعترف اني مقصرة ولكن بحالة جيدة حاليا.
4-اعلم الدين ولكن نصيبي منه لا يزال مبتدأاً

من حيث الاخلاق /
1- اعلم من انا واحرص علي نفسي كحرصي علي حياتي.
2-انا شخص حسن الخلق ولكن اخفق احيانا مع من حولي.
3- انا جيدة الخلق وارفض التحاور مع من يخطئ في.
4- انا خلقي جيد وبه خلل ولكن اسعي للتحسن ولكن مايزال امامي المزيد.

من حيث العلم/
1- سريعة العلم والبديهة وكثيرة الاطلاع وارفض ان يعلم شخص شئ لا اعلمه؟
2-سريعة التعلم ولكن كثيرة التجادل والتحاور في ما أعلمه فقط.
3- جيدة التعلم واجادل في ما اعلمه وايضا ربما فيما لا اعلمه.
4- اسير بخطي ثابته ومنهجية وربما هذا ما يبطئني في العلم بعض الشئ.


من حيث الجهد/
1- لاينافسني احد اعلمه في الجهد.
2-دؤوب لا يعيقني احد او شئ كان؟
3-كثيرة الكد والاجتهاد واعلم ان امامي الكثير؟
4-مجتهدة ولكن قدر طاقتي واعلم انه قليل.



ونكتفي بهذه التساؤلات حتي اشعار اخر..........(وياريت الاجابة تبقي حاجة واحدة بس مش كذا حاجة
)

_________________

نـتــواصــــــــل..... لأنـنـــا بالخـــير دومــــاً نــرتــــقـي




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
fatota
Admin


عدد المساهمات : 481
تاريخ التسجيل : 05/09/2008
العمر : 28

مُساهمةموضوع: رد: الحلقة الرابعة "مع د/ فطوطة "   الأحد أبريل 04, 2010 6:38 pm

ياااااااااااااااامعين
نكمل بقية الإجابات

- شخصية قابلتيها في حياتك ولن تنسيها ؟؟؟
مستر الكيميا اللى كان بيدينى فى سنة تانية
شخصية محترمة جدا واتعلمت منه حاجات كتير فقد كان يصر على ان نفهم والا نحفظ عموما فى الحياة ويقولنا متبقوش (صمامة بالكهربا)
وكان يحترم مواعيده جداااااااااا يعنى الدرس 6 بالدقيقة يكون موجود ولو هيتأخر ربع ساعة يتصل يقول غير ناس تانية كانت بتتأخر بالساعة ولازم تلاقبنا موجودين برده؟؟؟؟؟؟؟؟؟
وكان عنده ضمير بطريقة غريبة كانت الحصة 3 ساعات لو خلصنا بدرى 10 دقايق يكتب فى الكشكول من ورا (لهم عشر دقايق عن يوم كذا)
كان يحترم المجموعات اللى عنده جدا ولا يعاملهم على انهم مجرد فلوس وبتجيله .......كان ينصحنا ويعلمنا حاجات عن الحياة ويحتفل بينا فى اخر حصة فى السنة ويجيبلنا تورتة وكان ده لكل مجوعة على حدة
ياااااااااااااااااااااااااه فين الأيام دى ..........ربنا يجازيه خير بما علمنى

- موقف ندمتي بعد ماعملتيه...؟؟؟......ده اقتباس من سؤال .....السؤال بيلف يلف ويرجع لصاحبه
ايه ده اللى هنعمله فى الناس هييطلع علينا ولا ايه يا سنو
عموما الموقف اللى انا فاكراه دلوقتى مش عايزة اقوله ........لو افتكرت حاجة تانية هبقى اقولها

إذا جاء وقت فراغك...واذا شعرتي بالملل...فماذا تفعلين؟؟؟
وقت فراغى.........بحب اقعد مع نفسى كدة او اقرا اى حاجة كدة او اقعد على النت
وقت الملل .........بقوم اجرى اقعد مع بابا وماما اواتفرج على التلفزيون
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
fatota
Admin


عدد المساهمات : 481
تاريخ التسجيل : 05/09/2008
العمر : 28

مُساهمةموضوع: رد: الحلقة الرابعة "مع د/ فطوطة "   الأحد أبريل 04, 2010 7:22 pm

اسئلة د/اسد
ودى اسئلة محتجة نفس عميييييييييييييييق ...........نبتدى


ما هى اهم اهدف العام الحالى؟
-كانت الأسرة من اهم الأهداف عموما من ساعة مااتعملت لغاية لما وقفوها
-انى اعرف اتعلم كلينيكال كويس السنة دى فى الراوندات لأنى السنة اللى فاتت كنت شاطرة فى الرمد لأنى حبيته بس الأنف والأذن مكنتش فارقة معايا خااااالص
فكنت مقررة انى اتعلم حتى لو مش عجبتنى على قد ميعرفونا فى الراوند
زى البااااااااااااااااطنة مثلا
-ازود نسبة وتنوع الكتب اللى هقراها السنة دى
-حاجة نفسى اعملها وهتكون اول مرة انى انزل استقبال او حاجة كدة فى الأجازة بس ربنا يستر لأنى نوتها قبل كدة ومعملتهاش

ايه الاهداف اللى انتى حققتيهاالسنةالى فاتت؟
-طبعااااااااااااااااا الأسرة والحمد لله لأننا كنا بنرتب لها من تالتة
-قدرت اتغلب على عدم اجتماعيتى وانا بوزع المجلة لأنى كنت ببقى قلقانة كل مرة من التعامل مع الناس بس كنت افضل اشجع نفسى وكمان اتعرفت على ناس كتير من التوزيع ده
-اقعد مع بابا وماما فترة اكبر
-فى ناس كانت واخدة عنى فكرة معينة وقدرت اغيرها بتصرفاتى والحمد لله لسة مأثرة عليهم لغاية دلوقتى

ما يمثل منتدى بكرةاحلى بالنسبة لكى؟
لما بيكون شغال والناس بتدخل فيه زى دلوقتى كدة بيكون ملجأى فى ايام المذاكرة وبحس انى باخد منه طاقة وبتعلم منه حاجات كتير
وهو الإبن الأول للأسرة البكرى يعنى فدايما قريب من قلبى واول حاجة بدخل عليها على النت

من اين جأءت فكرته؟
سنو......كانت بتفكر فيه وكلمت واحدة صاحبتها لقيتها عاملة واحد بالصدفة فسألتها ازاى وهى اللى عملته جزاها الله خيرا

هل لكى نشاط بمنتديات اخرى؟
لأ..........

ما اخر اخبار اسرة "بكرة احلى "؟
فى الكلية متوقفة ولم نصل لشئ مع دكتورة نادية الفقى
لكن بنحاول نشغل المنتدى والجروب والفان بادج وكنا عاملين ايفينت تصوير عمل صدى كويس جداااااااااا والحمد لله

كيف ترى النشاط فى الكليه؟
لا ارى ..........لأنه مفيش اصلا او انا نظر ضعيييييييييييييييييييف

ايه الاسرة اى لفت انتباهك الى النشاط وانتى فى سنة اولى والان؟
وانا فى اولى كانت اسرة الإرتقاء بصراحة كان فيها بنات كويسين جدااااااااااااا وكانوا بيساعدونا ويعملوا لنا دروس ورحلات وكدة يعنى لغاية لما قفلوا المسجد كانوا هما كبروا وخرجوا بقى باطنة ونسا وكدة يعنى ومعدناش بنشوفهم

الآن لغاية اول السنة كنا احنا بس اللى شغالين ومعرفش بصراحة حد تانى غير رسالة

هل ارتكبتم اخطاء فى فترة تواجد الاسرة ؟اسبابها وماهى ان وجدت؟
اعتقد انه خطأ الدعاية لكل نشاطتنا غير المجلة لأننا كنا عاملين صدى كويس جداااااااااااااااا والحمد لله والناس كانت بتسأل علينا باستمرار
بس لما كنا نعمل زيارة او معرض او مكتبة استعارة مكناش بنهتم بالدعاية بالشكل اللى ينبه الطلاب للنشاطات دى
وكان ممكن يكون فى بجانب الدعاية تنظيم اكتر كمان

السبب ...........نقص الموارد البشرية جداااااااااااااااا يعنى كان هم المجلة والموافقات والتنظيم وحتى توزيع المجلة على اتنين تلاتة بسسسسسسسسسسس فده كان بيعاكسنا فوق ما تتخيلوا
فمكناش بنعرف نركز فى كل النشاطات التانية او ننظمها بالشكل الكافى لأننا كدة كنا هنموت
وده غير المصاريف اللى بنصرفها على الأسرة يعنى المجلة اسبوعيا من جيبنا والزيارات والمعارض وكدة يعنى فمكنش ينفع نكلف اكتر من كدة


ماذا يحتاج منتدى بكرة احلى ؟
سؤال جمييييييييييييييل ...........المنتدى محتاجكوا يارجالة
يعنى اعتقد لو العدد كبير والناس بتدخل بانتظام هيكون حاجة كويسة فعلا
لأن بصراحة انا شايفة ان بيبقى فيه مواضيع كويسة جدا
بس الواحد ساعات بيصاب باحباط لما يكون مفيش حد بيدخل فمش هندخل نحط مواضيع لنفسنا
والناس بتكسل تدخل هنا لأن الفيس اسهل .........يعنى الواحد زهقان يدخل يرزع status وتلاقى مصر كلها بترد عليه

يعنى من الآخر انا شايفة اننا خمسة لو دخلنا كلنا بيكون فرح اصلا ..........ومع ذلك عاملين شغل كويس جدا ومواضيع متنوعة لو يدخل كمان عشرة ولا عشرين كدة!!!!!!!!! بافكارهم او حتى مشاركتهم هيكون تمااااااااااااااااااااام جدا
ربنا يبعت من عنده بقى لأن الناس لما بنقول على المنتدى تقولك طيب الجروب بتاعكوا على الفيس بوك اييييييييييييييييييه


اخر سؤال جاوبت عليه فى السؤال عن الأسرة


تم بحمد الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
fatota
Admin


عدد المساهمات : 481
تاريخ التسجيل : 05/09/2008
العمر : 28

مُساهمةموضوع: رد: الحلقة الرابعة "مع د/ فطوطة "   الأحد أبريل 04, 2010 7:56 pm

مع د/ترو فى الجولة التانية بعد التسخييييييينن


.فطوطة الجامدة قوى حضرتك بقا اللى جبتيه لنفسك
وبعدين حضرتك هتبتدى عصبية من الاول انا مسمعتش ولا مرة من العشرة دول والله

اااااااااااااااااااااه انا اللى جبته لنفسى ربنا يستر بقى
واضح بقى ان حضرتك سمعك تقيل ........عموما اديك سمعت (اوعى تقول لحد بقى)

على فكرة اسلوب حضرتك فى الاجابة عجبى بصراحة...... بس ليه جاوبتى السهل وهربتى وقلتى افكر؟
الله يكرمك والحمد لله انى مش ضيف تقيل يعنى..........
مهربتش بس عشان اجاوب بصراحة لازم افكر والا هقول اى كلام ولا اييييييييه!!!

اذا كنت مع مجموعة من اصدقائك هل تعتبرى نفسك اذكى الجميع؟
هههههههههههههههههههههه لأ طبعا ليه يعنى اذكى واحدة؟؟؟؟؟؟؟؟؟

كيف ترين نفسك؟وكيف يراك اصدقاؤك؟كيف يراك الاخرون؟
ارانى انسانة.........فقط انسانة .........ولكنى اراها بوضوح لا اجاملها ولا اتغاضى عن غلطاتها احاول معرفة قدراتى ومميزاتى لأستفيد منها وكذلك عيوبى لأتخلص منها وذلك لأنى انسانة فطبيعى لى مميزات وعيوب
اعرف ماذا اريد وفى اى شئ اقصر ..........امتلك من الإرادة ما احاول به التغلب على عيوبى الكثيييييييييييييرة وصراحة اعترف بها باخطائى

يرانى اصدقائى...........على ما اتذكر من اقوالهم انى عصبية ومش اجتماعية وجدعة ووفية .........عموما هما من اكتر الناس معرفة بى عشان عشرة فممكن تسألوا سنو بما ان هى الوحيدة اللى موجودة هنا منهم

يرانى الأخرون .........بصراحة مش عارفة!!!!!!!!!


نقطة تحول فى شخصيتك متى وماذا حدث؟
فى نقااااااااااط كتير للتحول لأنه مادام الإنسان يتغير فمحطات حياته تتغير
بس اول محطة كانت فى تانية ثانوى لأنى قابلت فيها كمية بشر مختلفة من طلبة واساتذة وكان لهم تأثير جااااااااااااااااااااااامد جدا على زى استاذ الكيميا اللى قلت عنه وواحدة صاحبتى لأنها كانت اول من اعاننى على الدين
كنا بنتفق منسمعش اغانى ونحفظ قران ونسمع لبعض واتعلمت منها حاجات كتيرمن غير ما تقصد
وكان اول طريقى للإلتزام فى هذه السنة

شخص خسرته وندمت لأنك كنت السبب؟
ليه الغم ده بقى!!!!!!!!!
عموما هى مش خسارة بالمعنى المفهوم يعنى هى شخصية مازالت موجودة فى حياتى وبشوفها من وقت للتانى ولكن لم نعد زى الأول
وهى العلاقة الوحيدة الى ندمت انها مبقتش زى الأول.........بس السبب كان احنا الإتنين كل واحد فينا كان بيبعد شوية ومكناش بنرجع تانى لغاية ماجه اخرها

اكتر ما تحب فى اقرب اصدقائك؟
انا هقول صفات من كل واحدة فيهم
الرقة.......الوفاء.......الإبداع.......الجنان المميز واللذيذ........الجدعنة........بيحبونى
ودى صفات مشتركة مابين كذا حد فيهم

كده خلاص مؤقتا عشان مكترش عليكى والبقية تأتى لما حضرتك ترجعى
وعلى فكرة مش هاجرى لانى مش خايف اتضرب
هاسيب لحضرتك 14 ساعة بحالهم للرد

انا عايزة اروح بيتنا يا ماماااااااااااا ...........
عموما انا مش هرجع فى كلمتى احنا لسة جامدين برده هه بس Very Happy









الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ophelia
عضو جيد جدا
عضو جيد جدا


عدد المساهمات : 89
تاريخ التسجيل : 03/09/2008
العمر : 28

مُساهمةموضوع: رد: الحلقة الرابعة "مع د/ فطوطة "   الإثنين أبريل 05, 2010 2:45 pm

سنو ما كدبتش خبر وقالتلى انك هونا وطبعا جيت cheers

منور يا بنتى أول سؤال بقى يا ستى

هى الفراشة بتطير والا بتنط ؟

اختارى حاجة من دول وقولى ليه عايزه تبقى زيها

مسمار

شاكوش

شنيور

مفك

شبشب بصباع

ديتول سائل مش صابون
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Snow_white
Admin


عدد المساهمات : 764
تاريخ التسجيل : 01/09/2008
العمر : 27

مُساهمةموضوع: رد: الحلقة الرابعة "مع د/ فطوطة "   الإثنين أبريل 05, 2010 4:39 pm

يا صباح الشباشب Very Happy وانا أقول مال المنتدى مش على بعضه ليه؟؟

شفتي المفاجأة دي . cheers .......... ربنا يتوالاكي برحمته bounce bounce bounce

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bokra-ahla.ahlamontada.net
fatota
Admin


عدد المساهمات : 481
تاريخ التسجيل : 05/09/2008
العمر : 28

مُساهمةموضوع: رد: الحلقة الرابعة "مع د/ فطوطة "   الإثنين أبريل 05, 2010 11:19 pm


lمع اسئلة العااااااااااااااااااااائد مرة اخرى د/فيرينج
الأسئلة دى مش فى المنهج على فكرة
ينفع اختار نص اجابة ونص اجابة من اللى تحتها
اصل لازم الإجابة يبقى فيها حاجة مش مقتنعة بيها
عموما هحاااااااااااااااااااااول

في اي صنف تصنفين نفسك ....؟؟؟
من حيث الفكر/2
-ذكية بما يكفي للتعامل مع الناس ومواقفهم؟
.

من حيث الدين/
3-ملتزمة واعترف اني مقصرة ولكن بحالة جيدة حاليا.

من حيث الاخلاق /

4- انا خلقي جيد وبه خلل ولكن اسعي للتحسن ولكن مايزال امامي المزيد.

من حيث العلم/
4- اسير بخطي ثابته ومنهجية وربما هذا ما يبطئني في العلم بعض الشئ.


من حيث الجهد/
4-مجتهدة ولكن قدر طاقتي واعلم انه قليل.



ونكتفي بهذه التساؤلات حتي اشعار اخر..........(وياريت الاجابة تبقي حاجة واحدة بس مش كذا حاجة )
حصل يا فندم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
fatota
Admin


عدد المساهمات : 481
تاريخ التسجيل : 05/09/2008
العمر : 28

مُساهمةموضوع: رد: الحلقة الرابعة "مع د/ فطوطة "   الإثنين أبريل 05, 2010 11:31 pm

سنووووووووووووووووووو.........لما اشوفك بكرة هوريكى!!!!!!!!!!!!

اوفيليا ...........اهلا وسهلا بيكى
مدخلتيش من زمان يعنى
حمدا لله على سلامتك
ومع السلااااااااااااااااااااااااااامة geek



هى الفراشة بتطير والا بتنط ؟
هو ده سؤال ولا انتى بتهرجى
بتطييييييييييييييييييييييير زى ما انا هطيرك كدة لما اشوفك


ديتول سائل مش صابون

انا انسانة ودكتورة وفى الأخر ابقى شبشب ولا مسمار
ماااااااااااااااااااااااااشى
عموما هبل بهبل هبتدى اعلق

عشان بقية الحاجات الشاكوش والمفك والشنيور والحاجات دى مزعجة للبشر والناس هتكرهنى
والشبشب..........محصلتش ابقى مداس فى رجل البشر يا اوفيلياااااااااااااا
والمسمار ...........تركيبه مزعج برده ولما بيتشال بيسيب اثر فى الحيطة

اما الديتول السائل ...........حاجة كدة لزوم النضافة والنضافة من الإيمان زى ما انتى عارفة
يعنى الناس هتدخل تستحمى وهى مبسوطة وتخرج منتعشة وكلها نشاااااااااااااط وكمان هكون مطهر وامنع انتشار الأمراض
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
true man
عضو ممتاز
عضو ممتاز


عدد المساهمات : 316
تاريخ التسجيل : 26/02/2009
العمر : 28

مُساهمةموضوع: رد: الحلقة الرابعة "مع د/ فطوطة "   الإثنين أبريل 05, 2010 11:50 pm

يا اهلا يا اهلا بفطوطة المطحونة
انا شايف
mcqمن برا المقرر وشباشب وحاجات عجيبة كده
انا كنت ناوى اسال بس الاخوة قامو بالواجب
بس اشمعنا اخترتى صابون
انا عن نفسى مفك Very Happy
ربنا يقويك وياريت التنين الحجرى يحطلنا قصده من الكويز ومدلول كل اختيار
وكذلك صديقتك العزية اوفيليا اللى جبتلك شبشب هدية

_________________
احب مكارم الاخلاق جهدى واكره ان اعيب وان اعابا
واصفح عن سباب الناس حلما وشر الناس من يهوى السبابا
ومن هاب الرجال تهيبوه ومن حقر الرجال فلن يهابا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
firing_dragon
عضو ممتاز
عضو ممتاز


عدد المساهمات : 661
تاريخ التسجيل : 07/01/2009
العمر : 27

مُساهمةموضوع: رد: الحلقة الرابعة "مع د/ فطوطة "   الثلاثاء أبريل 06, 2010 12:03 am

هههههههههه Razz Razz جميلة اوي اسئلة اوفيلييا وفعلا ...اجاباتها صعبة.......

اما عن الجولة التانية...(للعائد علي رايك فطوطة)...وطبعا الاسئلة اللي فاتت كانت مقصودة ان تلاقي في كل اجابة جزئية مش عجباكي بس صدقوني ده الواقع لايوجد انسان خال من العيوب ....واعتقد انك د/فطوطة تجاوزتي هذه الاسئلة بتقدير امتياز...الي حد كبير......



ماذا تعرفين عن........؟؟(في سطر ومن غير رغي)..هي الاسئلة جاية ومعاها شروط حد معترض؟؟؟؟؟

1- السحاب.
2-المركب.
3-الرسالة....-ميسيج يعني-
4-الحلم.
5-الطوفان.
6-الانسان.
7-الرحلة.
8-اليد.
9-السرعة.
10-البطولة-مش لفيلم لا بجد
-

في انتظار المراحل القادمة........

_________________

نـتــواصــــــــل..... لأنـنـــا بالخـــير دومــــاً نــرتــــقـي




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
fatota
Admin


عدد المساهمات : 481
تاريخ التسجيل : 05/09/2008
العمر : 28

مُساهمةموضوع: رد: الحلقة الرابعة "مع د/ فطوطة "   السبت أبريل 10, 2010 3:49 am

انا كنت ناوى اسال بس الاخوة قامو بالواجب
لأ برالحتك على الآخر ....هى جت على حضرتك
شايف الحاجات الجميلة اللى انا بشوفها وبعدين انا بيتى مفتوح لكل الناس


ربنا يقويك وياريت التنين الحجرى يحطلنا قصده من الكويز ومدلول كل اختيار
ياريت فعلا!!!!!!!!

ماذا تعرفين عن........؟؟(في سطر ومن غير رغي)..هي الاسئلة جاية ومعاها شروط حد معترض؟؟؟؟؟
لأ ازاى نعترض..........واحنا نقدر برده

انا هجاوب على فهمى لمعنى السؤال scratch ولو حضرتك تقصد حاجة تانية ممكن تقولى

1-السحاب
لاتمثل لى سوى حلمى القديم والمتكرر كلما نظرت لها بان انام على واحدة وتاخدنى وتنطلق بيه فى السما

-المركب
بالنسبة لى رمز الإنطلاق بحب شكل المراكب الكبيرة وهى بتشق البحر ونسمة هوا رقيقة تحسس الواحد انه طااااااااااااير

3-الرسالة
دلوقتى اقصر الطرق للتعبير عن المشاعر

4-الحلم
كل ما هو جميل فى حياة الإنسان يخاف ان ينتهى........وكل ما هو جميل يريد ان يتحقق ولا ينتهى

5-الطوفان
ما يأتى بعد الرغبة ةالتصميم على فعل الطموحات لإزالة كل ما يعترض تحقيق الحلم

6-الإنسان
سيظل اكثر الأشياء غموضا وتناقضا رغم محاولة الأخرين لفهمه

7-الرحلة
حياة الإنسان اكبر رحلة فى حياته ولاتكتمل الا بالرفاق .........لوصلحوا لصلحت الرحلة ولو فسدوا؟؟؟؟؟؟؟

8-اليد
؟؟؟؟؟؟؟؟؟؟؟؟

9-البطولة
هى فهم الإنسان لنفسه معرفته الحقيقة لوجوده فى الدنيا وقدرته على النهوض بحاله للأحسن وتأثيره على المجتمع من حوله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
asd alaqsa
عضو ممتاز
عضو ممتاز


عدد المساهمات : 314
تاريخ التسجيل : 23/12/2008

مُساهمةموضوع: رد: الحلقة الرابعة "مع د/ فطوطة "   السبت أبريل 10, 2010 11:45 pm

- ترتيب بين اخواتك

- سبب دخولك كلية طب قصر العيني؟

- موقف مضحك في الكلية لاتنساه

- نفسك تتخصص إيه ؟ وليه ؟

- بلد نفسك تزوره ؟ وليه ؟

☺ما هى خطة عملك فى المنتدى فى الفترة القادمة؟

☺لو اصبحت رئيسا لوزراء كيف سيكون توصيفك لاعضاء المنتدى بالنسبةحقائب الوظيفة

☺مارايك فى كل من

◄الرئيس

◄الحكومة

◄وزراة الصحة وانفلونزا الخنازير

◄الكليةواداراتها

◄منديات كلية طب


•كل الطلبة

•دفعتنا

•مداد

•بكرة احلى

•ميدكاوى

•بكار

◄الحزب الوطنى

◄الاخوان المسلمين

◄الاحزاب فى مصر

☺ مارايك بالجرائد القومية والمعارضة ؟ وايها تقرأ ؟

☺اكثر الشخصيات العامة ترى فيها نفسك

☺اكثر الايات تاثير فيك

☺مشهد لا تنساه

☺كلمة لا تنساه

☺ موضع سرك

☺الاكلة المفضلة

☺اكثر المواضيع قربا الى قلبك فى المنتدى ؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
fatota
Admin


عدد المساهمات : 481
تاريخ التسجيل : 05/09/2008
العمر : 28

مُساهمةموضوع: رد: الحلقة الرابعة "مع د/ فطوطة "   الجمعة أبريل 16, 2010 3:56 am

معلش ........اسفة جدا على التأخير فى الرد

ترتيب بين اخواتك؟
الكبيرة

سبب دخولك كلية طب قصر العيني؟
انا كان نفسى ادرس الطب جدا واعرف اعلج الناس واخفف عنهم ......دخلتها عن حب واقتناع

موقف مضحك في الكلية لاتنساه؟
اول يوم فى المشرحة .......زدخلت وقعدت اقنع فى نفسى ان ده عادى ودراسة وكدة يعنى وكل لما اقابل حد الاقيه خايف وبيعيط وكدة ......انا كنت قلقانة بس مش خايفة ........وكنت لوحدى ومستنية واحدة صاحبتى تيجى وقعدت والجثث كانت متغطية ومش بحاول ابص عليها وبعدين عينى وقعت على واحدة منهم وفجأة ركزت فيها ولقيتها بتتنفس!!!!!!!!!!
كنت هموت من الرعب واعيط واجرى اروح بيتنا لولا ان صاحبتى دى جت ولحقتنى وبعد كدة بقى عادى وكل لما افتكر الموقف ده اضحك

نفسك تتخصص إيه ؟ وليه ؟
سؤال صعب......مبدئيا اطفال
لأنى حبيت المادة جدا وحبيت التعامل مع الأطفال وبيصعبوا على عشان مش بيقدرةا يعبروا وكدة
والإختيار التانى للأسف (نسا) ......انا مش بحبها ومش عايزة اشتغلها بس بيصعب على اوى لما الاقى ناس تقولى دوخنا على واحدة ست وكلهم خايبين وبنضطر نروح لدكتور راجل وبالتالى مش بيقدروا يتابعوا بانتظام والأزواج بيكونوا متضررين
بس خايفة اشتغلها وانا مش بحبها واكون زى بقية الستات
عموما ساعتها اكيد هعمل استخاااااااااااارة

بلد نفسك تزوره ؟ وليه ؟
ماليزيا.......فيها حاجات حلوة جدا وبحترم اهلها جدا جدا جداااااااااااااااااااا

ما هى خطة عملك فى المنتدى فى الفترة القادمة؟
بصراحة معنديش خطة معينة!!!!!!!


لو اصبحت رئيسا لوزراء كيف سيكون توصيفك لاعضاء المنتدى بالنسبةحقائب الوظيفة؟
سنو........وزارة الثقافة لإهتمامها بالأدب والفن والتصوير و.....
د/اسد........البحث العلمى(هغيرها الى الإبداع والبحث الغلمى)
د/فيرينج..........التربية والتعليم
د/ترو..........مش هيمسك وزارة بس ممكن يكون مسئول احياء والحفاظ على اللغة العربية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
fatota
Admin


عدد المساهمات : 481
تاريخ التسجيل : 05/09/2008
العمر : 28

مُساهمةموضوع: رد: الحلقة الرابعة "مع د/ فطوطة "   الجمعة أبريل 16, 2010 4:29 am

مارايك فى كل من

◄الرئيس
له كاريزما وحكمة سياسية معترف بها من الناس فى الخاااااااااااااااااااااارج
ولكن الدااااااااااااااااااااااخل بالنسبة له وبعد 30سنة محتاج فترة انتخابية اخرى عشان نقدر نشوف انجازاته

◄الحكومة
تستاهل جايزة نوبل لأنها اثبتت ان الزمن يستطيع ان يعود الى الوراااااااااااااااااااااااااااء

◄وزراة الصحة وانفلونزا الخنازير
كانت تحاول على قدر استطاعتها ولكن كعادة كل الوزارات نفسها قصير

◄الكليةواداراتها
الكلية........مكان ترفيهى يذهب اليه الطلبة ليتحسروا على سنوات عمرهم اللى ضاعت واللى لسة ........
ومع ذللك ارى ان الكلية تستطيع ان تخرج احسن طلبة طب فقط........ان اراد اساتذتها ذلك
ادراتها.......تتعامل معنا على اننا شغالين فى العزبة (الكلية)بتاعة دادى!!!!!!

◄منديات كلية طب


•كل الطلبة
كان له الكثير من الصيت فى اول سنين بس بعد كدة لم اسمع عنه شئ

•دفعتنا
عادى...... ولا اتابعه للأمانة

•مداد
اكتر من ممتاز وبصراحة بعتبره الراعى الرسمى لنا فى الدراسة ........ويستحق المركز الأول عن جدارة وجهد دائم جزاهم الله خيرا

•بكرة احلى
يحتاج مجهود كبير وفى استطاعته ن يكون مركزا للترفيه وتعلم اشياء غير الطب لو انتبه الناس له وزادت القوى العاملة فيه وبيتهيالى احنا النتدى الوحيد اللى مش طبى ..........يعنى لا نقارن بمنتديات كلية طب

•ميدكاوى
معرفهوش

•بكار
معرفهوش


◄الحزب الوطنى
بيضحك على مييييييييييييييييين؟؟؟؟؟؟؟؟؟

◄الاخوان المسلمين
اكبر جدل كان ولايزال وسيستمر فى تاريخ السياسة.......يوجهون طاقتهم فى طريق خطأ ويناقضون انفسهم والروس الكبيرة فيهم لاتختلف كثيرا عن اى سياسين على الساحة
اما الصغيرين والى انا عرفت منهم ناس ...........محنرمين جدا ومازالوا يتمسكون ببعض المبادئ ولكن يهدرون طاقتهم ووقتهم فى ما لايفيد الا اوهام الجماعة

◄الاحزاب فى مصر
احزاااااااااااااااااااااااب مرة واحدة..........عيب عليك
كلا يغنى على ليلاه.......قاعدين فى المدرجات يهتفوا ضد الحكومة ومش راضين ينزلوا الملعب ويلعبوا ضدها


مارايك بالجرائد القومية والمعارضة ؟ وايها تقرأ ؟
الجرائد القومية..........خادم الملك ومن يتعامل مع الناس على انهم اغبيا فهو الغبى الوحيد بينهم
المعارضة.........لا اقرأها
اقرأ الجريدة المستقلة.........المصرى اليوم

☺اكثر الشخصيات العامة ترى فيها نفسك
لآ احد!!!!!!!!!!!

☺اكثر الايات تاثير فيك
جاوبته قبل كدة

☺كلمة لا تنساه
اذا كان الله معك فمن عليك وان كان عليك فمن معك

☺ موضع سرك
قلبى!!!!!!!!!
ولذلك اركز معه جدا واتحكم فيه بعقلى

☺الاكلة المفضلة
المكرونة بالباشميل والكشرى المصرى

☺اكثر المواضيع قربا الى قلبك فى المنتدى ؟
النتدى كله واى موضوع حلو بحبه ومش باخد بالى هو فى اى جزء
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الحلقة الرابعة "مع د/ فطوطة "
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» فوائد الفلفل البارد او "الفلفل الرومي"
» مشاكل المفاصل " موضوع يهمك "
» تجنبي أسئلة "العكننة" الزوجية
» °¨°°o°°¨" آآآآآآآآآخر صيحات الشعر القصير °¨°°o°°¨"
» يـلآإ تعـآلو تعلـموا اللغه الإيرآنيــه ^^"

صلاحيات هذا المنتدى:لاتستطيع الرد على المواضيع في هذا المنتدى
بكره أحلى :: يلا نخلي بكره أحلى :: منتدى المنوعات ...................................... :: كلام من القلب-
انتقل الى: