الحلقة الثالثة "حديث القلوب "

السلام عليكم ورحمة الله وبركاته
اسد الاقصى
اشهد الله انى احببتك فيه وكم تمنيت ان اراك
لا اقولها مجاملة ورب البيت وانما قولا للحق
وعفا الله عنك اذ رفعتنى فوق قدرى واطريتنى بما لم اكن يوما اهلا له
انا هنا طوع بنانك انتظر اسئلتك لاجيب عنها بلا مواربة
واسأل الله الا اكون ضيفا ثقيلا عليك

صديقى الجديد الرجل الحقيقى
اشرف ان اكون اول مصافح لحلقتك
وبعد مزيد من الشكر للنجم مقدم البرنامج الرائع اسد الاقصى
وعملا بمبدأ من فمك ادينك-اظنك تعرفه جيدا ايها الصديق طالما تعرف الخروف- اوجه اليك نفس اسئلتك للاعضاء

1ايه اكتر 3عيوب فى شخصيتك
3امنية كان نفسك تحققيها بس خلاص صعب
4لو قاعد فى مكان وسمعت حد بيتكلم كلام غلط ومعلوماته متناقضة سواء فى حاجة دينية او طبية هتتصرف ازاى؟-هتخاف تقول ولا هتقول على الملأ ولا هتكلميه من غير ما تحرجيه
4شخصية رجل معاصر تعتبريه مثلك الاعلى
5لو مكنتش دكتورة كنت هتبقى ايه ؟وليه
هل تعتبر نفسك مثقفا؟؟؟
هل تغيرت شخصيتك منذ دخولك الكلية (وتقول امثلة مش نعم ولا بس مش عاوزين صياعة)
متى احسست انك مغفل-حمار كبير قرطاس اى لفظ تحبه بس جاوب
اذا لاحظت تغيرا فى معاملة احد الاشخاص هل ستساله عن السبب ولا طالما مش غلطان يخبط دماغه فى الحيط ولا حسب؟
ماذا تمثل لك الكلمات الاتيه
المنطق
الحب
العلمانية
حب الظهور
اذا اردت ان تختار شخصا قدوة لك فمن تختار-بلاش تقولى الرسول صلى الله عليه وسلم والصحابة وكده يعنى ولو اختارت يبقى معاه تقول شخصية معاصرة
معلش كترت عليك بس دى اسئلتك وكما تدين تدان

welcome dr true

بسم الله نبدأ:
1- صف ما يلي فيما لايزيد عن سطر:بالتقريب يعني
نفسك من وجة نظرك
نفسك من وجة نظر الناس
حياتك اللي فاتت
حياتك دلوقتي
حياتك اللي جايه

2-لماذا لم تعد تكتب شعرا ؟؟؟؟

3- عندما تشعر بالملل ماذا تفعل؟؟

4- موقف لا تنساه؟؟؟

الى اللقاء في الجولة القادمة

عفريت العلبة كتب:

صديقى الجديد الرجل الحقيقى
اشرف ان اكون اول مصافح لحلقتك
بل الشرف لى انا

1ايه اكتر 3عيوب فى شخصيتك
خجول عصبى اذا تمت استثاراتى بصورة متكررة حساس
3امنية كان نفسك تحققيها بس خلاص صعبانى اتعلم الانجليزية والفرنسية والعربية واليابانية وانطقها نطق اهلها الاصليين
4لو قاعد فى مكان وسمعت حد بيتكلم كلام غلط ومعلوماته متناقضة سواء فى حاجة دينية او طبية هتتصرف ازاى؟-هتخاف تقول ولا هتقول على الملأ ولا هتكلميه من غير ما تحرجيهدينية يبقى لازم انبه طبية حسب ثقافة اللى قدامى بس باحاول انه يكون فى هيئة استفسار مش توجيه مباشر وكمان بينى وبينه او ابلغ حد قريب منه يقله ابنه اخوه صاحبة الانتيم عشان تبقى اخف#النصيحة سوط يجلد فكن رفيقا واجلد على قدر الحاجة#
4شخصية رجل معاصر تعتبريه مثلك الاعلىالشيخ محمد ناصر الدين الالبانى وبرضو الشيخ محمد عبد الملك الزغبى والشيخ محمد حسان و دكتور زغلول النجار
5لو مكنتش دكتورة كنت هتبقى ايه ؟وليهمدرس لغة عربية لانى اعشق اللغة العربية واحب ممارسة التعليم
هل تعتبر نفسك مثقفا؟؟؟
لا بحسب التعريف العام الذى يجعل الثقافة ان تعرف شىء عن كل شىء
ونعم باعتبار تعريف اينشتين الثقافة ما يتبقى ى ذاكرتك بعد ان تغادر المدرسة
هل تغيرت شخصيتك منذ دخولك الكلية (وتقول امثلة مش نعم ولا بس مش عاوزين صياعة)نعم اصبحت اقل ايمانا بقدراتى(سلبية)قللت الجدال مع الاخرين الا من بدأنى بالجدل وبنى علمان وعباد الصلبان(اعتبرها ايجابية)

متى احسست انك مغفل-حمار كبير قرطاس اى لفظ تحبه بس جاوب عندما اغضبت ابى واصررت على دخول طب قصر العينى

اذا لاحظت تغيرا فى معاملة احد الاشخاص هل ستساله عن السبب ولا طالما مش غلطان يخبط دماغه فى الحيط ولا حسب؟انا اكره ان اسبب لاحد الما بالطبع سأسأل
ماذا تمثل لك الكلمات الاتيه
المنطق الة تعصم العقل من الانحراف فى حكمه على الامور
الحب ان قصدت الحب بمفهومه العام فانا احب الناس جميعا لان الحب سبيل السلام مع النفس وطريق الايمان اما الحب بمعناه الضيق عندى تفاهة وخطيئة
العلمانية كفر بين وجهل مركب معتنقه احق من الحمار بأن يركب
حب الظهور حماقة وقلب مريض وتعويض للاحساس بالدونية

معلش كترت عليك بس دى اسئلتك وكما تدين تدان

ولا يهمك بس اللى عملته فى الناس طلع عليا

Snow_white كتب:

welcome dr true

بسم الله نبدأ:
1- صف ما يلي فيما لايزيد عن سطر:بالتقريب يعني
نفسك من وجة نظرك:انسان عادى جدا بس عارف دليل كل كلمة بيقولها
نفسك من وجة نظر الناس:وقور زيادة عن اللزوم ومحترم وخجول جدا وواسع الاطلاع ومتفائل من غير داعى
حياتك اللي فاتت: ذكرى جميلة اتمنى لو استمرت
حياتك دلوقتي:واقع لابد من مواجهته
حياتك اللي جايه:خير ان شاء الله

2-لماذا لم تعد تكتب شعرا ؟؟؟؟
اولا انا لم اكتب شعرا ابدا ولم اكن شاعرا يوما بل هى خواطر
كان شرطى لاستمر فى تدوينها الا اتطرق يوما للحب فلما خرقت شرطى بقصيدتى المشئومة التى اعجبتكم وفيت نذرى بترك تحرير خواطرى وكان اشد ما فعلت لكنى لا ارجع عن قولى


3- عندما تشعر بالملل ماذا تفعل؟؟
اقرأ او اسمع نونية القحطانىواذا اشتد الملل انام

4- موقف لا تنساه؟؟؟
ليه الاحراج ده بس كنت راكب السوبر جيت مروح وبقالى يومين منمتش وجنبى واحد صاحبى...المهم بعد حوار طويل صاحبى قعد قدام جنب واحدة وجت واحدة قعدت جنبى وانا نمت صحيت من النوم بعد ساعة لقيت دماغى اتحركت من على مسند الكرسى ولقيتنى نايم على صدر الانسة اللى جنبى طبعا انا دمى هرب وكنت محرج جدا بس هى هدتنى وقالتلى انا عارفة انه مكنش قصدك بس انت نومك تقيل ايه ده معرفتش اصحيك لحد ما انت صحيت

الى اللقاء في الجولة القادمة

فى انتظارك

asd alaqsa كتب:

أحبك الله الذى أحببتنى فيه


وقرب الله لنا اللقاء
اللهم امين

شوية اسئلة خفيفة علشان نسخن
1- بطاقتك الشخصية:الاسم ايمن عبد العزيز رضوان السن 22عاما اعزب

2- ترتيب بين اخواتك:الثانى

3- سبب دخولك كلية طب قصر العيني؟:فى البداية لاكون كابن سينا والرازى واعيد ذكراهم واكتشف علاجا فعالا للسرطان

4- موقف مضحك في الكلية لاتنساه:

5- نفسك تتخصص إيه ؟ وليه ؟:اما اطفال لانى احبهم وعرفت مبادئ طب الاطفال ومارستها منذ 3اعوام وحضرت مؤتمراتها واعجبت بطب الاطفال او طب نفسى لان الم النفس اشد قسوة من الم الجسم وبداية قراءتى عنه ممتعة واستفدت منها حقا فى معرفة كيف يفكر الاخرون

6- بلد نفسك تزوره ؟ وليه ؟ فرنسا معرفش مجرد حلم منذ طفولتى وان كنت اكره الاسفار

7- اول مرة شفت بكرة أحلى امتى ؟ ووصفه في جملة قصير
المجلة رأيتها مع دكتور نو فى شهر فبراير على ما اتذكر وقمت بعدها بالتسجيل فى المنتدى.وصفه كان طائرا جميلا محلقا والان كالطير مقصوصا جناحاه
ولى عودة ثم عودة ثم عودة

عودتك شرف لى وانا فى انتظارك

تصحيحات
اوانا بارد على عفريت العلبة قلت ضمن اللغات العربية دى غلطة تصحيحها العبرية
وانا بارد على سنو كتبت نونية القحطانى بس معرفش ظهرت كده ليه
وانا بارد على اسد الاقصى فوت سؤال موقف مضحك فى الكلية بس انا فعلا مش قادر استحضر اى موقف مضحك
سؤال اخير
هو انا كده عكيت ولا لسه

لأ لسه

اجابات كاملة ومتكاملة
بس عندي تحفظ على جملتين
اولا انا لم اكتب شعرا ابدا ولم اكن شاعرا يوما بل هى خواطر........كنت قاسي جدا على نفسك لأن الكل يعلم انك كنت تكتب شعر وحلو كمان ..... شئت ام أبيت لقد كنت تكتب شعر

اما الحب بمعناه الضيق عندى تفاهة وخطيئة
هو ايه معناه الضيق ده؟؟؟ حب الولد للبنت على كوبري الجامعة مثلا ....؟؟؟ ولا قصدك ايه؟؟؟
اصل فيه انواع حب كتيرة بتختلف عن الحب العام اللي انت قلت عليه لكل الناس.......فيه حب الصديق لصديقه ...حب الابن لوالديه......حب الزوج لزوجته وهكذا ......دول انواع خاصة بس لاقيت حضرتك قلت ان فيه نوع حب عام وحب ضيق تافه وخطيئة فياريت توضح الحتة دي

هفكر في كام سؤال وهاجي تاني ان شاء الله

الحمد لله انى لسه معكتش
بالنسبة للشعر انا قلت رأيى فيه انا منكرش ان فيه ابيات كتبتها بتعجبنى بس انا شاعر لاء-ومن غير تريقة انا كل قصيدة كتبتها كتبت لها نقد وغالبا باطلعها بايظة خالص-وسواء كنت شاعر او لاء المهم انى دلوقتى مش شاعر خلاص
وبالنسبة للحب اناقلت مفهوم مش نوع يعنى سواء فطرى كحب القيم والفضيلة وحب الوالدين او مكتسب بالتصرفات كحب الصديق والزوجة او غريزى كحب الزوج لزوجته
اما المفهوم الضيق بتاع كوبرى الجامعة واسدين قصر النيل وبتحبيتى يا تيتى طبعا يا ميدو وهاحبك اكتر لما نتجوز-فى المشمش يدينا ويديكى طولة العمر-ده اللى قلت عليه تفاهة وخطيئة
ى انتظار حضرتك والمنتدى زى منتداكى بالظبط

fatota كتب:

انا جييييييييييييييييييت
ايه ده ..........انتوا كلكوا سألتوا وانا لأ
هو انا كنت فيييييييييين
عموما حمدا الله على سلامتى
نبتدى الجد بقى!!!!!!!
انت فين يا شيخة احنا مستنيينك من الصبح

1-ايه اكتر موقف حسيت انه خنق الإنسان اللى جواك؟
انى قررت ابطل اكتب شعر
2-عندك بطاقة انتخابية؟ ولو مش عندك ليه؟
عندى بس مش باستخدمها..لانى بصراحة مش شايف ان حد يستاهل صوتى فى اى انتخابات ولو رحت هاحط ورقة بيضا
3-ماذا تمثل لك دراسة الطب؟ دراسة الطب مثال حى لتحويل الانسان الى مجرد اله صماء مهنة الطب متعة الحياة
4-معلوماتك الأدبية جيدة .....كيف تثقف نفسك فى هذا المجال؟
بغض النظر عن تحفظى على كلمة جيدة لانى فعلا معلوماتى ضعيفة وقليلة جدا-لا تواضعا ولكن اعترافا بالحق-انمى ثقافتى بالقراءة المستمرة فى هذا المجال كاحد روافد ثقافتى مثلا تعودت ان اقرأ اسبوعيا ديوانا ومجموعة قصصية على اقل تقدير-ايام الامتحانات والطحن يعنى-
5-من هو شاعرك المفضل؟
ابو الطيب احمد بن الحسين الملقب بالمتنبى-قلتها كده عشان مشلش ذنب الراجل لان فيه خلا ى حقيقة ادعاؤه النبوة
6-لمن تقضل ان تسمع محمد حسان........مصطفى حسنى........عائض القرنى........خالد الجندى
الشيخ محمد حسان على رأس القائمة لالمامه بعلم الحديث والاصول ثم الشيخ عائض بالطبع ثم الشيخ خالد على تحفظ واخر القائمة الاستاذ مصطفى على زهد فيه لقلة محصوله من العلم الشرعى وجهله المطبق باصول الفقه وعلوم الاسناد كما ظهر جليا لى عندما تابعت بعض برامجه
7-رايك فى الجمعية الوطنية للتغير اللى تبع البرادعى
كلام جميل مقدرش اقول حاجة عنه
المهم هيتفذ ازاى وايه التضحيات فى المقابل
8-لو جاءتك الفرصة لتمضى توكيل له لتغير الدستور ........هل تفعل ؟ ولماذا؟
انا قرأت الدستور وعندى تحفظ على بعض مواده بالطبع ك77وغيرها لكن نسف الدستور من اصوله لا لان لا امن مواصفات الدستور الجديد خصوصا ونوابنا الاجلاء واغلب المتحدثين عن ضرورة التغيير لم يقرأوا الدستور مرة على الاقل طيلة حياتهم
9-شخص خسرته وندمت لأنك كنت السبب؟
عم ميرو....لانها طلعت عمة مش عمة وانا كنت قليل الذوق فى اعلان مبدئى من مثل هذا الحوار
ندمت على طريقة انهاء الصداقة -ان صح الاسم-لا على قرارى
10-اكتر ما تحب فى اقرب اصدقائك؟
احتمالهم لحساسيتى الزائدة
11- ما تتميز به فى علاقتك مع امك واخوتك؟
لا قيود فى التعامل افهمهم بمجرد النظرة وهم كذلك
12-هل انت جدع؟ ولا جدع جدا؟
هههههههههههههههههههههه مين قال انى جدع اصلا لكن من احسن الى مرة لم اسىء اليه طيلة عمرى ما استطعت الى ذلك سبيلا
13-لو عاوز تعيش فى مكان من تصميمك كيف يكون؟ ومن تأخذ معك (الدعوة ل3 افراد)؟
اولا فيه عصافير طبعا وعلى شاطىء البحر ويتخلله الزروع هادئ لاوجود فيه للجوجليين والخنفشاريين ومهم جدا ان يكون فيه وسيلة لسماع قارئ ندى الصوت اخذ ابى واخوى
14-هل ترى انك تملك ارادة ؟ موقف تذكره
املك الارادة؟؟ اظن ذلك مثلا ختمت منهج اللغة العربية للمرحلة الثانوية وانا فى الصف الثالث الاعدادى دون معاونة من احد وفى اسبوعين فقط لاتمكن من دخولل مسابقة التحدث بالفصحى.. تعلمت النصرانية وصرت فيها اعلم من قساوستهم فى ما يقارب الشهرين لان احد المأفونين تعدى على الاسلام وكان لزاما على صفعه ..توقفت عن قول الشعر لانى خرمت عهدى منذ اسبوعين كاملين لم اشتر كتابا واحدا -على ادمانى للقراءة-لانى وعدت امى بذلك
15-لو كنت رئيس الجمهورية.......اتخذ 3 قرارات فى كلا من:
الصحة - التعليم - الخارجية - قضية اولاد الشوارع
الصحة اقالة الوزير وحاشيته...تقليل طلبة الطب وتغيير نظم الدراسة...الحزم فى التعامل مع الاطباء بشرط قدرتى على تطبيق الكادر بتوفير موارد من الاموال المهدرة فى توشكى او زيادة الانفاق فى دووايين الوزارات
التعليم
اقالة الوزير وتعيين لجنة من خبراء التعليم يكون رئيسها وزيرا للتعليم....الاهتمام بالتعلييم الابتدائى واكتساب الاطفال للمهارات اللازمة عن طريق التدريب المستمر الفعلى -لا الصورى للمعلمين....التنسيق مع وزير التعليم العالى لبحث الاعداد المقبولة بالجامعات كل عام...وضع منهج محترم يليق بطالب الثانوى بدلا من بقايا المنهج المشوه الذى لا يضيف للطالب شيئا على الاطلاق..جعل نسبة من المجموع الكلى على ابحاث يقوم بها الطالب ويناقشها شفويا امام لجنة من المختصيين بموضوع بحثه..الاهتمام بتعليم الصناعى كخيار اساسى لا كبديل للعاجز عن اللحاق بالتعليم العام
الخارجية
اعدام وزير الخارجية فقط وحينها تنصلح الامور

انا هجرى بقى لأنى اكييييييييييييييييييد هتضرب من كتر الأسئلة
لالالالالالالالالالا عيب عليكى
انا صدرى اوسع من كده بكتير وبعدين فيه انسان محترم يضرب انثى اصلا
..بس انا كنت مريحاك من زمان
تشكراك افندم
ممكن طبعا تجاوب براحتك على الآخررررررررررر .........قدامك يومين بس ههههههههه

تم الرد فعليا فى انتظار جديدكم ولكن كما تد ين تدان

شكرا على وزارة الاعلام

اللي انا نفسي فيها فعلا.. ...وحسه انها حالتها كرب....لكن على إيدي بقى هتبقى حاجه تانيه خالص هقفلكو التليفزيون علشان نركز فالنت بقى بدل التشتت اللي احنا فيه
انتظرونا

احب اقدم تصفيق حاد للسؤال بتاع الوزير وقراراته( ونعم القرارات أهم حاجه فيها قرار الاقالة ده بجد يتبروز ) و أسئلة كتيرة جدا أطربتني و للإجابات التي استمتعت بقراءتها لحد دلوقتي :cheers:

واحتمال يكونلي جولة كمان

العفو يا فندم واول قرارات سعادتك هايلة اغلاق التليفزيون عشان نركز فى النت
ماااااشااااااااء الله
وشكرا على المجاملة الرقيقة بتاعت حضرتك
وطبعا الموضوع موضوعك فى اى وقت