أصلهم متجوزين!!! :))

المرة دي الجو مختلف تماما ......شعر عامي ساخر ....يارب يعجبكم


شفت بعيني اتنين ماشين
ايده ف ايدها ومتبتين
همسة ف همسة....ضحكة ف ضحكة
حب....وأشواق.... وحنين
قلت دول أجمل عروسين ..ربنا يحرصهم مالعين
قالوا آمين...بس دول مش مت جو زين
قلت ف سري ولا الضالين

خلينا كده على طول ماشين

شفت بعيني اتنين تانيين
صوتهم عالي ومتخانقين
تقولوش اتنين مساجين!!!
كلمة ف كلمه...الناس اتلمت
دافعت..صدت ..وقفت ..هدت
قلت اسأل ايه اللي بيجرى ؟؟؟
:ردوا وهم مستغربين
أصلهم متجوزين!!!

فجأة الدنيا لفت بيا
والناس اتلمت حواليا
وفجأه راحوا مصوتين

عيشة عجيبة
فين الحب وفين الطيبة؟؟
فين وحشاني يا أغلى حبيبة؟؟
ولا ده كله كلام أغاني يتقال بس لواحدة غريبة!!

كل حياتنا بالمقلوب...الممنوع هو المرغوب
والحلال ...........نحدفه .بالطوب


:::::::::::::::::::::::::::::::::::::::::::::::::::::::::::::::::::::::::::::

طبعا دي فئة معينة من البشر مش كل الناس كده....بس قلت احط خط عشان الموضوع انتشر حبتين
:::::::::::::::::::::::::

وكمان هتلاقوني هآخد رأيكم في حاجات كتير علشان دخلت المسابقه اللي اعلنت عنها ف قول بصوت عالي دخلت شعر وقصه ومقال
فهرخم عليكم بقى بكذا حاجه علشان تساعدوني فالاختيار

السلام عليكم ورحمة الله وبركاته
بصراحة يا دكتورة ومن غير زعل
روعة-اينعم مش باحب العامى الا لما يكون حلو -بس ده حلو جدا جدا كمان ودمه خفيف
رسم للمشهد بطريقة حلوة جدا

المقطع الاول روعة عجبنى قوى رد الفعل ولا الضالين
بس بيتهيالى -وانا معرفش قوى فى لعامى ان لو خليتيها شوق بدل اشواق الوزن يتظبط وكفاية عليهم قوى شوق واحد-حتى مينفعش- والباقى بعد الجواز
المقطع التانى حلو قوى
وعجبنى من اول دافعت ..لحد هدت ليها ايقاع جميل-والحمد لله انها موصلتش لعضت
المقطع التالت تحفة بس حاسس ان فيه كلمة قبل نحدفه مش عارف راحت فين
وربنا يوفقك فى المسابقة ومن غير معلوم كمان ولو حضرتك دخلتى بانا سمعاك وطاخ طوخ بوم يبقى مبروك الجايزة ان شاء الله
وتكون كارت 100 مش 10

مبسوطة جداااااااااااااا انها عجبتكم


الحمد لله