بكره أحلى

إلى العلم والأخلاق نسعى .......... يلا نخلي بكره أحلى
 
الرئيسيةمكتبة الصورس .و .جبحـثقائمة الاعضاءالمجموعاتالتسجيلدخول

شاطر | 
 

 ضيف فى بيته"د/سنو "

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
asd alaqsa
عضو ممتاز
عضو ممتاز


عدد المساهمات : 314
تاريخ التسجيل : 23/12/2008

مُساهمةموضوع: ضيف فى بيته"د/سنو "   الأحد يناير 03, 2010 12:40 am

ان تقدم من لاتعرف
من الصعب بمكان
ان تقدم من اى المكان
اصعب
ان تقدم صاحب المكان
اكثر صعوبة
لذا فضلت ان احي لذلك اليه فهو عليه اقدر وبنفسه اعرف



كل الى نفسه فى حاجة يسالها
******************************************************************
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
fatota
Admin


عدد المساهمات : 481
تاريخ التسجيل : 05/09/2008
العمر : 28

مُساهمةموضوع: رد: ضيف فى بيته"د/سنو "   الأحد يناير 03, 2010 3:43 am

سنو يا حبيبتى كدة خلوكى اول واحدة...........معلش يا بنتى ربنا معاااااااااك

بصراحة مش عارفة اسألك ايه لأنى حاسة انى عارفة معظم الحاجات عنك

بس هحاول عشان تكون اسئلة خفيفة برده وممكن اسأل اسئلة انا عارفة اجابتها غلاسة يعنى.............. Wink Wink


1-ايه اللى اتغير فيكى من السنة اللى فاتت؟
2-من اكتر شخصية عصرية اثرت فيكى؟ وبايه؟
3- ايه السنة اللى كانت فاصلة فى حياتك وكانت سبب فى شخصيتك دلوقتى؟
4-اكتر موقف محرج فى حياتك؟
5-اكتر قرار ندمتى على اتخاذه؟
6-اكتر حاجة بتحبى تعمليها فى حياتك؟
7-ايه العيب اللى عايزة تتخلصى منه السنة دى؟
8-ايه الميزة اللى نفسك الناس كلها تعرف انها فيكى؟
9-كلمة عايزة تقوليها للعالم؟
10--كلمة نفسك تقوليها للشلة بتاعتنا ومش عارفة تقوليها فى وشنا؟
11-منين من الناس شايفة انه فى حاجات كتير من فارس احلامك؟...........ممكن متجاوبيش
12-اكتر موق خلاكى هتطيرى من الفرحة؟
13-ايه الموضوع اللى عايزة تكتبى فيه شعر او كدة وكل لما تيجى تكتبى مش بتعرفى؟
14-ايه اهتماماتك فى الحياة؟


كفاية عليكى كدة...........اظن اسئلة مفيش اسهل من كدة...........اسئلة كتيرة بس سهلة واجاباتها مش هتخد وقت
ولو افتكرت حاجة تانى هقولك

انطلقى............
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
fatota
Admin


عدد المساهمات : 481
تاريخ التسجيل : 05/09/2008
العمر : 28

مُساهمةموضوع: رد: ضيف فى بيته"د/سنو "   الأحد يناير 03, 2010 3:45 am

ايه ده فى اسئلة تااااااااااااااانى فى دماغى

خلاص مش هكتبها غير لما تجاوبى والناس تكتب اسئلتها لأنها ممكن تكون اسئلة كتيرة بدافع انهم هيتعرفوا عليكى...........

مش هبقى انا وهما كماااااان
Very Happy
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Snow_white
Admin


عدد المساهمات : 764
تاريخ التسجيل : 01/09/2008
العمر : 27

مُساهمةموضوع: رد: ضيف فى بيته"د/سنو "   الأحد يناير 03, 2010 4:56 am

يا نهار أبيااااااااااااااااااااض...والله وعملوها الرجاله
بقى كده Basketball
طيب ربنا يستر عليا وعليكو Very Happy


أولا :أحب أشكر د:أسد على برنامجه الرائع واستضافته الكريمة Very Happy وارحب بالسادة الحضور
ثانيا : حسبيا الله ونعم الوكيل ف فطوطة صاحبتي Very Happy ايه ده يا بنتي أمال لو ماكنتيش صاحبتي كنتي عملتي فيا ايه؟؟؟؟؟؟

رجاء يا جماعة جرعة الاسئلة ف المرة ماتزيدش عن 3-4 أسئلة علشان كده هزهق وهسيب البرنامح وعشان كمان يبقى فيه تفاعل مش اتكلم لوحدي كده


هآخد أول 3 أسئلة المرة دي
1-ايه اللى اتغير فيكى من السنة اللى فاتت؟
اعتقد اني بقيت اكتر شجاعة ومرونه ف مواجهة المشاكل....واكثر تحمل للمسئولية.....وبقيت الى حد كبير بعرف اتعامل مع اللي أدامي بالطريقة المناسبة....وده بفضل الله واسرتنا الكريمة
والحمد لله اكتسبت علاقات اجتماعية جميلة .......اما عالجانب الآخر ...قلت روحانياتي عن السنين السابقة Sad Sad وحسه اني فيه بيني وبين ربنا حاجز ...بس ان شاء الله هكسره__________وعلاقتي بالنت زادت عن حدها وانقلبت لضدها.....يارب اقدر اوقف النت والفيس بوك خاصة عند حده



-من اكتر شخصية عصرية اثرت فيكى؟ وبايه؟

د: طارق سويدان صاحب قناة رسالة الرائعة ومقدم لبرمج وكتب غاية ف الجمال.....لأنه شخصية متكامله ليها ف حاجات كتير بسبب قرائته وعقله المستنير....وانا بحب الشخصية اللي بتجمع بين حاجات مختلفه وبتنجح فيها ....شخصية موسوعيه ....واتمنى اني ابقى كده
ومن الشباب أحمد الشقيري صاحب برنامج خواطر......جزاه الله عنا خير....بجد بحترمه جدا لأنه ايجابي ومبدع وانسان نشيط بيقدر ف خلال ربع ساعه ..حلقة من البرنامج ..يوصل حاجات كتير جميلة بشكل مختلف
-

3- ايه السنة اللى كانت فاصلة فى حياتك وكانت سبب فى شخصيتك دلوقتى؟
فيه سنين كتير تعتبر محطات .....ثانوي لأني عرفت معظم أصحابي اللي بحبهم أوي فيها I love you
سنة 3 كانت روحانياتها عالية الى حد اكبر من اللي بقتقده دلوقتي
بس سنة رابعه هي اللي أثرها معلم فيا لحد دلوقتي


والى اللقاءفي الحلقة القادمة ان شاء الله مع السؤال المحرج
اكتر موقف محرج فى حياتك؟
flower flower flower
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bokra-ahla.ahlamontada.net
Snow_white
Admin


عدد المساهمات : 764
تاريخ التسجيل : 01/09/2008
العمر : 27

مُساهمةموضوع: رد: ضيف فى بيته"د/سنو "   الإثنين يناير 04, 2010 12:27 am

السلام عليكم ورحمة الله

عدنا cheers
4-اكتر موقف محرج فى حياتك؟

فيه مويقفات كتير بتحصل..... يعني مرة رحت مع صاحبتي استقبال الباطنة الاجازة اللي فاتت نقف مع الدكاترة فهناك كان فيه دكتور كده ...كل ما اروح ألاقيه كنت بسأله لما مش بفهم حاجه ...... وهو كتر خيره تتطوع وعلمني ازاي اعمل اي سي جي لوحدي .....وكنت فرحانه أوي....... وبعدين اكتشفت انه مش دكتور ولا حاجه ....ده لسه طالب في سنة ثانيه.......فكنت مكسوفه من نفسي أوي Embarassed
ولما بدخل السكشن او المحاضرة متأخر والدكتور يقولي كلمة لطيفه....الصراحه غالبا بيكونوا طيبين bounce ......
5

5-اكتر قرار ندمتى على اتخاذه؟مممممممممممممممممممممممممم
scratch scratch scratch scratch scratch scratch scratch scratch scratch scratch scratch scratch
اننا دخلنا الدي اس ال dsl لأنه بيضيع الوقت جدا وبيخلينا أندم على كل دقيقة ضيعتها.....هو طبعا مش نقمة ...بس انا اللي مش عارفه انظم وقني confused...............

-اكتر حاجة بتحبى تعمليها فى حياتك؟إني أءلف حاجه حلوة ومفيدة ...سواء كانت شعر أو قصه......أو ألتقط صورة اوصل بيها رسالهوبحب أقعد مع أصحابي flower

7-ايه العيب اللى عايزة تتخلصى منه السنة دى؟
عايزة أكون منظمة أكتر في كل حاجه ظاهريه وداخليه من وقت وأفكار ......علشان ساعات كتير من كتر الحاجات اللي بحاول أعملها .....بيبقى فيه كروته وبهدله ف نفس الوقت

يلا آديني جاوبت ع 4 اسئلة المرة دي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bokra-ahla.ahlamontada.net
asd alaqsa
عضو ممتاز
عضو ممتاز


عدد المساهمات : 314
تاريخ التسجيل : 23/12/2008

مُساهمةموضوع: رد: ضيف فى بيته"د/سنو "   الإثنين يناير 04, 2010 2:00 am

بسم الله
بعدالترحيب
نبدأ فى الاسئلة
البطاقة الشخصية
س1 ما هى اهم اهدف العام الجديد
س2ايه الاهداف اللى انتى حققتيهاالسنةالى فاتت
س3 ما يمثل منتدى بكرةاحلى بالنسبةلكى
بماانكم اسرةفى الكلية
كيف ترى النشاط فى الكليه
كيف حالكم مع الاسر التانية
ايه الاسرة اى لفت انتباهك الى النشاطوانتىفى سنة اولى
غير المجلة ه هناك مشروعات اخرى فى خريطة اعماكم هذا العام
ولى عودة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Snow_white
Admin


عدد المساهمات : 764
تاريخ التسجيل : 01/09/2008
العمر : 27

مُساهمةموضوع: رد: ضيف فى بيته"د/سنو "   الإثنين يناير 04, 2010 10:33 pm

-ايه الميزة اللى نفسك الناس كلها تعرف انها فيكى؟
9-كلمة عايزة تقوليها للعالم؟
10--كلمة نفسك تقوليها للشلة بتاعتنا ومش عارفة تقوليها فى وشنا؟


3 أسئلة كومبليكد جدا Very Happy

الثامن مش عارفه أجاوب عليه خالص
التاسع...........حب لأخيك ماتحبه لنفسك

العاشر........عايزة اقولكم..حسبيا الله ونعم الوكيل Very Happy Very Happy Very Happy ......لأ بجد بقى عايزه اقولكم..قال يعني انا كده بقولها من وراكو Wink ...ربنا يديم صداقتنا ومحبتنا فيه ومانفترقش ابدا ونجتمع ف الفردوس الأعلى ان شاء الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bokra-ahla.ahlamontada.net
Snow_white
Admin


عدد المساهمات : 764
تاريخ التسجيل : 01/09/2008
العمر : 27

مُساهمةموضوع: رد: ضيف فى بيته"د/سنو "   الإثنين يناير 04, 2010 10:46 pm

11-منين من الناس شايفة انه فى حاجات كتير من فارس احلامك؟...........ممكن متجاوبيش
12-اكتر موقف خلاكى هتطيرى من الفرحة؟
13-ايه الموضوع اللى عايزة تكتبى فيه شعر او كدة وكل لما تيجى تكتبى مش بتعرفى؟
14-ايه اهتماماتك فى الحياة؟

مممممممممم
ا11- أحمد الشقيري بتاع برنامج خواطر اللي جبت سيرته ف سؤال من اللي فاتوا.....وفيه ناس كتير بيبدو لي شبه فارس أحلامي......لكن العلم عند الله
12-الأكتر الأكتر مش فاكرة Basketball بس ساعات كتير الواحد بيفرح أوي......لما حد بحس انه بيحبني زي مابحبه او أكتر......لما طلبوني ف الأمن وقالولي ان اسرة بكرة احلى اتوافق عليها.....

13_ عن الخوف والموت
14-التصوير والكمبيوتر والشعر وكتابة القصص والأعمال التطوعية والتنموية وبرامج الحواريه ف التليفزيون


الحمد لله خلصت الجولة الأولى.....يارب أكون كنت كويسه وضيفه خفيفه عليكو Very Happy
الى اللقاء ف الجوله ال2
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bokra-ahla.ahlamontada.net
Snow_white
Admin


عدد المساهمات : 764
تاريخ التسجيل : 01/09/2008
العمر : 27

مُساهمةموضوع: رد: ضيف فى بيته"د/سنو "   الأربعاء يناير 06, 2010 11:57 pm

الجوله ال2
1-
أهداف العام الجديد؟؟؟؟
أقرب من ربنا أكتر .....ارجع احفظ في القرآن الكريم تاني........أذاكر بجد....أكون انسان جديد Very Happy
ابقى منظمه وباره بوالديا على خلق كريم ...أحس بتحسن من جوايا
....أقرأ كتاب علمتني الحياة بتاع جلال أمين
وأقرأ كام كتاب من اللي بابا جابهم Very Happy ..............ونفسي آخد كورس انجليزي كمبيوتر اسعافات اوليه ....أخد كورس على بعضه ف أي حاجه من دول



الأهداف اللي حققتها العام الماضي؟؟؟؟

كنت عايزة الأسره تنجح ونوصل من خلالها حاجه.....والحمد لله ده حصل لحد كبير .....ولاقينا قبول اكتر من المتوقع
فقط لا غير pale


س3 ما يمثل منتدى بكرةاحلى بالنسبةلكى؟؟؟
المنتدى رغم انه ساعات مابيبقاش شغال أوي ...ومش فيه ناس كتير
بس انا بحبه أوي أوي....وبرتاح لما بدخله ....بحس بالدفا....كأنه بيتي أو ابني.......وبكون ف غايه السعاده لما ألاقي ناس تانيه بتنتمي اليه وبتحبه زينا......ونفسي العدد والعداد يزيد فيه لأنه مفيد الى حد كبير على مااعتقد


كيف تري النشاط ف الكليه؟؟؟؟؟

لا أراه...... Shocked Shocked Shocked
محدود جدا ......مفتصر على أسرة أو 2......ومعظمهم نشاط ديني وباقي الاسر مش بتعمل غير رحلات دريم بارك والعين السخنه
وده كان من الاسباب اللي خليتنا نحاول نعمل أسرة بجد تركز عالثقافه والأخلاق وتختلف عن باقي الأسر


كيف حالكم مع الاسر التانية
الحمد لله بنلاقي احترام وتقدير وإشاده من جميع الأسر اللي تعرفنا.....ولما كنا بنظبط حاجات ف المعرض ال الفنيسنة اللي فاتت...كان فيه حد من أسره تانيه بيساعدنا .و على العكس نحن نحترم كل عمل مفيد وجميل ونقدر صاحبه


[b]ايه الاسرة اى لفت انتباهك الى النشاطوانتىفى سنة اولى؟؟؟[/b]أسرة الارتقاء كانت أول أسرة تستقبلنا لما جينا الكليه .... وكلهم كانوا شخصيات محترمه مبسوطه اني اتعرفت عليهم bounce

الأنشطة الأخرى اللي ف جعبتكوا غير المجلةاحنا أصلا أصلا.......بنعمل حاجات غيرالمجلة ....انتو ماتعرفوش ولا ايه؟؟؟ rendeer
مكتبة الإستعاره من اكتر الحاجات اللي كانت شغاله كويس والناس بتطلب منا نعملها كل شويه
وزيارات مرضى القصر العيني
والمعارض الفنيه (رسومات ...شعر ...تصوير فوتوغرافي)
كان فيه فكرة ملتقى بس لسه ماتنفذتش.....زي ندوة صغيرة بين الطلبة وبعضهم علشان نناقش موضوع معين نكون متفقين عليه ونقرا كلنا فيه.....شبة ملتقى الجمعه كده Very Happy بس على أرض الواقع
ويوم النظافه ...برضو
بس للأسف الأسرة حاليا تم ايقافها Mad Mad Mad
لأسباب غير معروفه روحنا نودي العدد اللي بعد كده علشان يقروه قبل ماننزله قالولنا .....ان موافقات الأسر جت من الجامعه ماعدا اسرتنا واسرة تانيه
وده كان طلب تجديد وهو هو نفس الدوسيه اللي قدمناه السنة اللي فاتت ووافقوا عليه
فكنا تعبنا نفسيا الاسبوع اللي فات واللي قبله بسبب الموضوع ده........لكن بدأ بريق أمل يظهر من جديد
ود: نادية الفقي كلمت الأمن ورعاية الشباب....وفاضل نقدم التماس وربنا يسهل و نآخد حقنا من تاني sunny
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bokra-ahla.ahlamontada.net
fatota
Admin


عدد المساهمات : 481
تاريخ التسجيل : 05/09/2008
العمر : 28

مُساهمةموضوع: رد: ضيف فى بيته"د/سنو "   الخميس يناير 07, 2010 3:53 am

شااااااااااااااااااطرة يا سنو صفاره صفاره
كنتى هايلة
اجابتك واضحة وصريحة زى عادتك
وكنتى ضيفة عسولة وخفيفة

اافراج ياباشا يعنى اخذتى حكم بالبراءة !!!!!!!!!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Snow_white
Admin


عدد المساهمات : 764
تاريخ التسجيل : 01/09/2008
العمر : 27

مُساهمةموضوع: رد: ضيف فى بيته"د/سنو "   الخميس يناير 07, 2010 4:02 am

ربن يكرمك يا فطوطة
بس لو حد عايز تاني ......مافيش مشكلة طبعا
open invetation
ماتخلوش ف نفسكو حاجه sunny
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bokra-ahla.ahlamontada.net
firing_dragon
عضو ممتاز
عضو ممتاز


عدد المساهمات : 661
تاريخ التسجيل : 07/01/2009
العمر : 27

مُساهمةموضوع: رد: ضيف فى بيته"د/سنو "   الخميس يناير 07, 2010 5:04 am

مممممممممممممممممممم؟؟؟؟ عملتوها من ورايا وكمان عايزين تكروتوني ......طب انا لسه مسالتش؟؟
وبعدين لسه بدري علي حكم الافراج والبراءة ده -لامؤاخذة يعني-

بصراحة د /اسد ود/ فطوطة سالو كتير......ود/سنو- كان الله في العون- استحملت وجاوبت لاخر نفس علي الرغم من كترة الاسئلة وتستحقي الرحمة والعفو من المزيد من الاسئلة............


وعشان كده احب ااقول كلمتين وبس














دي كانت اسئلة سهلة واللي جاي اصعب من اللي رايح واحنا ماعندنا _يا اما ارحميني _

وياريت تحضري نفسك واي حد هيتسال تاني يستعد ويجمد قلبه........ Twisted Evil Twisted Evil اللي خايف يروح






( محدش يخاف انا بهزر ) cheers cheers





يلااااااااااااااااااااااااااااااا ( انا عايز كله يسال واللي سال قبل كده يسال تاني وتالت)

_________________

نـتــواصــــــــل..... لأنـنـــا بالخـــير دومــــاً نــرتــــقـي




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
fatota
Admin


عدد المساهمات : 481
تاريخ التسجيل : 05/09/2008
العمر : 28

مُساهمةموضوع: رد: ضيف فى بيته"د/سنو "   الخميس يناير 07, 2010 5:14 am

لأ نكروتك ازاى بقى يا دكتور!!!!!!!!!!!! اسأل براحتك على الآخر_معلش يا سنو_

حكم الإفراج ده بالنسبة لى لأنى سألت كتييييييييييير وسنو كانت هتقتلنى فى الكلية
فمش هسأل تانى والبنت بصراحة اتهرت منى

لكن طبعا حضرتك ود/اسد اسألوا برحتكوا وطلعوا حكم الإفراج لما تخلصوا...........
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
true man
عضو ممتاز
عضو ممتاز


عدد المساهمات : 316
تاريخ التسجيل : 26/02/2009
العمر : 28

مُساهمةموضوع: رد: ضيف فى بيته"د/سنو "   الخميس يناير 07, 2010 5:28 am

سلامو عليكم
يامرحبا يا مرحبا
سنو بحالها على كرسى الضيف انهارده
طبعا بما انى شرير لازم استغل الفرصة
1ايه اكتر 3عيوب فى شخصيتك
2اقرب صديقة ليكى-كده باوقع بينها وبين اصحابها على فكرة
3امنية كان نفسك تحققيها بس خلاص صعب
4لو قاعدة فى مكان وسمعتى حد بيتكلم كلام غلط ومعلوماته متناقضة سواء فى حاجة دينية او طبية هتتصرفى ازاى؟-هتخافى تقولى ولا هتقولى على الملأ ولا هتكلميه من غير ما تحرجيه
4شخصية نسائية معاصرة تعتبريها مثلك الاعلى
5لو مكنتيش دكتورة كنتى هتبقى ايه ؟وليه
بس خلاص Very Happy

_________________
احب مكارم الاخلاق جهدى واكره ان اعيب وان اعابا
واصفح عن سباب الناس حلما وشر الناس من يهوى السبابا
ومن هاب الرجال تهيبوه ومن حقر الرجال فلن يهابا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
firing_dragon
عضو ممتاز
عضو ممتاز


عدد المساهمات : 661
تاريخ التسجيل : 07/01/2009
العمر : 27

مُساهمةموضوع: رد: ضيف فى بيته"د/سنو "   الخميس يناير 07, 2010 5:59 am





اولا.....السؤال الاول:........أجيبي بكلمة واحد فقط - بقول واحدة وبس - مايعنيه لك الأتي :

1- العاطفة

2- الكتاب

3-د/فطوطة (اللي في المنتدي)

4-الالتزام

5-الامتحان

6-الزمن

7-الام(بصفة عامة)

8-الكلمة

9-فارس الاحلام

10-العين





السؤال الثاني / اجيبي ب -نعم-او - لا- او -(لاتعليق ودي لسؤال واحد بس):

1- هل خاصمتي احد وانهيتي تواصلك معه-حتي الان- وكان السبب منك ؟

2-هل انتي معجبة بشخصيتك؟

3- هل تري في نفسك الرضا التام وعدم التمرد؟

4-هل انتي محافظة للصلوات جميعها لفترة تتجاوز-علي الاقل-سنة بلا انقطاع عن الله؟

5-هل اعترفتي بجميع اخطائك؟

6-هل ترين في نفسك قدوة؟

7- هل سالت نفسك يوما مدي امكانياتك -رايتي ان لك حد لا تتجاوزيه-؟

8- هل وجدتي في نفسك يوما ما صفة عكس ما تتتوقعينه في نفسك؟

9-هل انتي صامتة التفكير؟

10-هل انتي نفسك تتطلعي من الكلية دي دكتورة نسا وتوليد؟(سؤال سهل اهو)




السؤال الثالث : الاسئلة الحرة!!!!/

1-ماذا تظنين عن نفسك؟

2-الي اي حد يصل طموحك في لحياة -بس بصراحة ومن غير كلام الكتب-؟

3-من تظنيه اشبه شخص بك في اسرتك؟ولماذا؟

4-ايه رايك في سياسة التعليم في البلد - بس بايجاز ومن غير شتيمة-؟

5-ماهي قدرتك علي التحمل في الحياة -طبعا تحمل ناس غيرنا يعني-؟

6-حلم لن تصلي اليه ابدا؟

7-اكبر مصدرل لثقافتك؟

8-احلي طعم في الحياة بتحبيه- مش اكل طبعا -؟

9-اجمل صفة في اشهر اعضاء المنتدي بدون ذكر اسماء -مثلا قولي خمس صفات يعني صفة لخمس اعضاء من غير نسب الصفة-؟

10-انا زهقتك مني كتير مش كده؟؟؟؟ طب ايه احلي واسؤا-او اغتت- سؤال اسالتيه -بس بصراحة ومن غير زعل؟




معلش لو في حاجة اتكررت او كان في غلاسة او اشئ ماعجبش حد...دي تبقي غلطة مطبعية Very Happy
اعتقد كفاية كده عشان ما اضربش


















ع النهاردة يعني....بكره يطلع برزقه...ودومتم!!!!!!!!!!

_________________

نـتــواصــــــــل..... لأنـنـــا بالخـــير دومــــاً نــرتــــقـي




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Snow_white
Admin


عدد المساهمات : 764
تاريخ التسجيل : 01/09/2008
العمر : 27

مُساهمةموضوع: رد: ضيف فى بيته"د/سنو "   الخميس يناير 07, 2010 5:04 pm

Very Happy Very Happy Very Happy Very Happy
ياعيني عليا

انا اكتشفت ان النسا أسهل بكتير
bounce bounce bounce

بسم الله
1ايه اكتر 3عيوب فى شخصيتك؟؟؟؟؟ عصبيه شوية لو اللي قدامي منشف دماغه ....أو مش حاسس بالمشكلة ...أو أو.....كده مع نفسي Very Happy
الاهمال rendeer مش في كل حاجه يعني
ممممممممممممممممم

لما بحب بحب بجد أوي.....مش عارفه هو عيب ولا ايه؟؟؟؟بس ساعات بيبقى عيب

أكيد فيه حاجات تانيه كتير ...الله اعلم بيها....بس ربنا بيستر santa

2اقرب صديقة ليكى-كده باوقع بينها وبين اصحابها على فكرة؟؟؟؟
هم 4 على نفس المستوى ....كل واحده ساعات بتعلى وساعات بتنزل وترجع تاني .....على حسب المواقف و بطبيعة الحياة والوقت ساعات بقرب من واحده اكتر من ال2 .....بس بيظلو على نفس المستوى من الحب بالنسبالي I love you I love you I love you I love you
3امنية كان نفسك تحققيها بس خلاص صعب؟؟؟
كان نفسي أرتب عالدفعه واتعين ف الكليه معيده bounce
::::::::::::::::::::::::::::::::::::::::::::::::::::::::::::::::::
4لو قاعدة فى مكان وسمعتى حد بيتكلم كلام غلط ومعلوماته متناقضة سواء فى حاجة دينية او طبية هتتصرفى ازاى؟-هتخافى تقولى ولا هتقولى على الملأ ولا هتكلميه من غير ما تحرجيه؟؟؟؟
لأ بتكلم من غير احراج ...بحاول يبقى بشكل لطيف ...مع توضيح المصدر (.عملتها قريب) 4

شخصية نسائية معاصرة تعتبريها مثلك الاعلى؟؟؟مش لاقيه شخصية نسائية معاصرة ف بالي للأسف ....بس انا بحب نوارة هاشم جدا اللي بتيجي عالرسالة

5لو مكنتيش دكتورة كنتى هتبقى ايه ؟وليه
كنت هبقى صحفية أو كاتبه......من الكليات اللي بحبها اعلام
كنت عايزة ادخل علوم أوي......عشان اطلع عالمة (قال يعني كل اللي بيدخلها بيطلع كده) بس برضو عايزة ادخلها
بس اللي مصبرني ان الطب فيه شبه كبير منها
وممكن ابقى محاميه ........بحب أدافع جدا farao


تمام كده؟؟
اللي بعده Basketball


عدل سابقا من قبل Snow_white في الخميس يناير 07, 2010 6:24 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bokra-ahla.ahlamontada.net
Snow_white
Admin


عدد المساهمات : 764
تاريخ التسجيل : 01/09/2008
العمر : 27

مُساهمةموضوع: رد: ضيف فى بيته"د/سنو "   الخميس يناير 07, 2010 6:20 pm

بقى كده يا د: كتور فيرنج ؟؟ماااااشي..............
كله سلف ودين Very Happy
كل ده وصح وغلط كمان
بس اللي مريحني ان بحب نوعية السؤال الأول دي


اولا.....السؤال الاول:........أجيبي بكلمة واحد فقط - بقول واحدة وبس - مايعنيه لك الأتي :

1- العاطفة........غذاء روحي

2- الكتاب.......صديق أريد أن أصادقه

3-د/فطوطة (اللي في المنتدي)...........حبيبة قلبي I love you I love you I love youمش تكفيها كلمة واحده

4-الالتزام ...............أهم خاصية لانجاح العمل

5-الامتحان......... affraid الحياة أصعب امتحان

6-الزمن..........بخاف لما بيجري

7-الام(بصفة عامة)............حنان

8-الكلمة............سلاح ذو حدين

9-فارس الاحلام........حلم جميل

10-العين.............مفتاح القلب

flower flower flower
حاولت ماكتبش غير كلمه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bokra-ahla.ahlamontada.net
Snow_white
Admin


عدد المساهمات : 764
تاريخ التسجيل : 01/09/2008
العمر : 27

مُساهمةموضوع: رد: ضيف فى بيته"د/سنو "   الخميس يناير 07, 2010 7:42 pm

السؤال الثاني / اجيبي ب -نعم-او - لا- او -(لاتعليق ودي لسؤال واحد بس):

1- هل خاصمتي احد وانهيتي تواصلك معه-حتي الان- وكان السبب منك ؟
لا

2-هل انتي معجبة بشخصيتك؟
مش هرد باللي الاختيارات الموجوده bounce
الحمد لله عاجبني حاجات فيها ارجو انها تفضل موجوده .....ومش عاجبني حاجات تانيه كتير ربنا يوفقني ويعينني وأغيرها

3- هل تري في نفسك الرضا التام وعدم التمرد؟
لا
4-هل انتي محافظة للصلوات جميعها لفترة تتجاوز-علي الاقل-سنة بلا انقطاع عن الله؟
نعم..الحمد لله

5-هل اعترفتي بجميع اخطائك؟
لا

6-هل ترين في نفسك قدوة؟
لا.....لكن برجوها من الله

7- هل سالت نفسك يوما مدي امكانياتك -رايتي ان لك حد لا تتجاوزيه-؟
لا حدود لها

8- هل وجدتي في نفسك يوما ما صفة عكس ما تتتوقعينه في نفسك؟
نعم

9-هل انتي صامتة التفكير؟
نعم الى حد كبير....بس ساعات بفكر بصوت عالي
10-هل انتي نفسك تتطلعي من الكلية دي دكتورة نسا وتوليد؟(سؤال سهل اهو)
لااااااااااااااااااااااااااااااااااااااااااااااااا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bokra-ahla.ahlamontada.net
Snow_white
Admin


عدد المساهمات : 764
تاريخ التسجيل : 01/09/2008
العمر : 27

مُساهمةموضوع: رد: ضيف فى بيته"د/سنو "   السبت يناير 09, 2010 7:05 pm

معلش ان كنت اتأخرت شويه ...أنا آسفه.....بس انا مستمتعه بالأسئلة جدا على فكرة
جزاكم الله خيرا flower
أما بعد

السؤال الثالث : الاسئلة الحرة!!!!/
1-


ماذا تظنين عن نفسك؟
عبد من عباد الله دائما يطمع في كرمه ....ويشعر بفقره .....ويرجو حبه ورضاه

:::::::::::::::::::::::::::::::::::::::::::::::::::::::::::::::::::::::::::::
2-الي اي حد يصل طموحك في لحياة -بس بصراحة ومن غير كلام الكتب-؟
لأ ماتقلقش انا صريحه جدا وعمري ماهكتب غيراللي جوايا jocolor
الى أبعد ما أنا نفسي اتخيل.......اطمح في أن يستخدمني الله ولا يستبدلي ...فأشعر بأن لي قيمه ف الحياة ....على جميع المستويات ....الأسرة والعمل والحياه
أقود حمله لاحياء الأخلاق والقيم ف المجتمع بعدما يؤدبني الله بأدب الاسلام ..........وافتح جمعيه خيريه لذلك ولأولاد الشوارع
اطمح ف ان أساهم في نهوض الـأمة , وان أءلف كتب مفيده من شعر ومقالات وأن أربي نشأ صالح........
::::::::::::::::::::::::::::::::::::::::::::::::::::::::::::::::
3-من تظنيه اشبه شخص بك في اسرتك؟ولماذا؟
لا أظن ان في حد يشبهني بعينه ....بس انا واخده من أبي شوية وأمي شويه afro
:::::::::::::::::::::::::::::::::::::::::::::::::::::::::::::::::
4-ايه رايك في سياسة التعليم في البلد - بس بايجاز ومن غير شتيمة-؟
lol! هحاول ماشتمش .........هي زي الزفت
مافيش سياسة أصلا......أي كلام والسلام ...مافيش خطه واضحه......المفروض يرجع تاني الاهتمام بالأنشطه اللا دراسية من رسم ورياضه وزراعه ونجارة وكمبيوتر ده بينمي كتير المهارات والتخيل والانتماء للمؤسسه التعليميه
أما الدراسيه .....فالتركيزعلى بعض المعلومات المتطوره .......أكيد هيكون احسن من التشتت اللي احنا عايشين فيه ده بندرس كلام من قديم الأزل ....أنا عن نفسي اينعم بحب اعرف تطور الأحداث والاول كانوا بيستخدموا كذا بس ممكن تتكتب باختصار شديد واللي عايز يكمل من عالنت
وبعدين يخلوا فيه مواضيع من اللي ف المنهج مش زياده عليه .....يتعمل فيها بحث وعليه درجات بجد مش 5 درجات واي حد يآخدهم afro .....وكفايه بقى لحد كده
:::::::::::::::::::::::::::::::::::::::::::::::

5-ماهي قدرتك علي التحمل في الحياة -طبعا تحمل ناس غيرنا يعني-؟ Very Happy Very Happy
مش بطاله ..........ساعات طبعا بينتابني لحظات ضعف ما يعلم بيها الا ربنا ..... بس بقدر أواجه المشاكل بشكل كويس ولله الحمد.......وبتحمل الناس مهما كانوا......بس لما بضعف بضعف بجد وبحس بفقري وضعفي الشديد واني محتاجه لربنا أوي والناس اللي بحبهم

:::::::::::::::::::::::::::::::::::::::::::::::::::
6-حلم لن تصلي اليه ابدا؟
ارجو ان أصل لكل أحلامي .......يارب اللي فيه الخير يقدمه ربنا واللي فيه شر يبعده عني
::::::::::::::::::::::::::::::::::::::::::::::::::::::::::::::::::
7-اكبر مصدر لثقافتك؟
التليفزيون و أبي
::::::::::::::::::::::::::::::::::::::::::::::::::::::::::::::::::

8-احلي طعم في الحياة بتحبيه- مش اكل طبعا -؟
طعم الحب....سؤال لذييييييييييييييييييييييييذ
وطعم الراحه برضو بس صعب الحصول عليه شوية ف الدنيا بس طعمها حلو اوي

:::::::::::::::::::::::::::::::::::::::::::::::::
9-اجمل صفة في اشهر اعضاء المنتدي بدون ذكر اسماء -مثلا قولي خمس صفات يعني صفة لخمس اعضاء من غير نسب الصفة-؟
نشيط.....مبدع ......مميز......على أد المسئوليه.......
كل الصفات نسبتها للمذكر بس ده تمويه bounce فيه اكتر من صفه تنفع لحد تاني غير اللي كان في دماغي وانا بكتبها
::::::::::::::::::::::::::::::::::::::::::::::::::::::::::::::::::::

10-انا زهقتك مني كتير مش كده؟؟؟؟ طب ايه احلي واسؤا-او اغتت- سؤال اسالتيه -بس بصراحة ومن غير زعل؟
لأ خالص على فكره....أنا كنت مستمتعه
أحلى سؤال فيه كتير أوي حلوين
-هل اعترفتي بجميع اخطائك؟___حدود طموحك وماذا تظنين في نفسك و السؤال الأول كله
أسؤ سؤال بقى
مممممممممممممممممممم
-هل انتي معجبة بشخصيتك؟

flower flower flower flower flower
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bokra-ahla.ahlamontada.net
firing_dragon
عضو ممتاز
عضو ممتاز


عدد المساهمات : 661
تاريخ التسجيل : 07/01/2009
العمر : 27

مُساهمةموضوع: رد: ضيف فى بيته"د/سنو "   السبت يناير 09, 2010 7:58 pm

مممممممممممممم...........اخيرااااااااا

وبعد غياب د سنو جاوبت علي الجزء الاول والاصغر من الأسئلة......

طيب بس الاجابات طبعا...- لا تعليق- نموذجية وان كان هناك عدم التزام بمحدودية الاجابة -بس ده داء المثقفين -


انا طبعا كان نفسي اسال كمان وكمان بس كفاية كده لحسن يبقي في ضرب ولا شتيمة بعد كده -لا طبعا انا بقول كفاية غلاسة كده-

بس كويس ان الاسئلة عجبت حضرتك واجاباتك كانت رائعة


وانا بالنسبة ليا كنت منتظر الرد خصوصا علي السؤال الاول كله وسؤال ماذا تظنين في نفسك؟
والحمدلله الاجابات كانت كافية


الا....ده.....2-هل انتي معجبة بشخصيتك؟
مش هرد باللي الاختيارات الموجوده
الحمد لله عاجبني حاجات فيها ارجو انها تفضل موجوده .....ومش عاجبني حاجات تانيه كتير ربنا يوفقني ويعينني وأغيرها

هي طبعا اجابة سياسية بس حلوة ....-بس هي غلاسة السؤال في اجابته-

بس ع العموم ............بالتوفيق والي الامام دوما د سنو وكل اعضاء المنتدي.........امييييييييييييين

_________________

نـتــواصــــــــل..... لأنـنـــا بالخـــير دومــــاً نــرتــــقـي




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
asd alaqsa
عضو ممتاز
عضو ممتاز


عدد المساهمات : 314
تاريخ التسجيل : 23/12/2008

مُساهمةموضوع: رد: ضيف فى بيته"د/سنو "   الأحد يناير 10, 2010 2:38 am


حاجة نفسك تقوليها لاعضاء المنتدى
كيف نشأت فكرة المنتدى
لما تم تتعيين اعضاء فى الاشراففى هذا التوقيت
اخبار جروب الفيس بوك وه لازال فى بؤرة الاهتمام

ننتظر بقية الاسئلة قبل نهاية مدة ضيافة د/ سنو صاحبة المكان
باقى من الزمن


زى
ما
انتم عاوزين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Snow_white
Admin


عدد المساهمات : 764
تاريخ التسجيل : 01/09/2008
العمر : 27

مُساهمةموضوع: رد: ضيف فى بيته"د/سنو "   الإثنين يناير 11, 2010 2:41 am

حاجة نفسك تقوليها لاعضاء المنتدى????
أقولهم أنكو بتنوروا المنتدى لما بتدخلوه .....وبيبقى حالته صعبة اوي من غيركم.....وبجد شرفني معرفتكم جميعا ...واستفادت منكم كتير .....جزاكم الله خيرا
::::::::::::::::::::::::::::::::::::::::::
كيف نشأت فكرة المنتدى؟؟؟؟؟
المنتدى نشأ قبل ما يبقى فيه أسرة....بس كانت فكرة الاسرة موجوده ومجهزينها وفاضل نمضي الأوارق والاجراءات الرسمية
فكانت الصدفه السعيده لما كلمت واحده صاحبتي ف كليه أخرى والكلام جاب بعضه عن انها عملت منتجى عالنت فسألتها ازاي و منين؟؟؟؟؟ وخضت التجربه وكان بالنسبالي حدث مدهش وجميل ..لأننا أصلا كنا عايزين نعمل حاجه زي كده ندعم بيها الأسرة ونطلع فيها اللي جوانا بشكل مختلف
:::::::::::::::::::::::::::::::::::::::::::::
لما تم تتعيين اعضاء فى الاشراففى هذا التوقيت؟؟؟؟؟؟؟
ده كان المفروض يحصل من زمن .....بس له في ذلك حكم.......أولا د:أسد
ود: فيرنج ممن ينتمو بحق للمنتدى ود: ترو كمان بس هو مارضيش بالمنصب Very Happy ....ود: نو لو كان موجود كان هيكون من المرشحين برضو.....وهذا التوقيت ...جت الفكرة ف دماغي علشان المنتدى يصحى شوية ....لما كل حد يبقى مسئول عن جزء هيحاول يبذل جهده لنجاحه .......ده كان الاعتقاد اللي جوايا ساعتها ووجدتكم أهلا لذلك bounce

:::::::::::::::::::::::::::::::::::::::::::::
اخبار جروب الفيس بوك وه لازال فى بؤرة الاهتمام؟؟؟؟؟
بالطبع هو في دائرة اهتمامي ...كل ماهو بكرة أحلى ف دائرة اهتمامي ....لأنها زي مشروع بالنسبالي ...ءأمل ان يزيد عدد المقتنعين به واللي هيطوروا وينفذوا فيه.......الصراحه بينقصنا أيدي عامله فالجروب ده.......هو كان شغال كويس أوي ف فترة قريبه وبعدين الرسايل منه قلت ل 2 ف الأسبوع تقريبا..........بس لايزال على قيد الحياه وفيه ناس بتقرأ رسايله بعرف منهم ف الكليه ..لأن للأسف مش كل اللي بيقرأ التوبيك بيرد عليه ...... confused confused مع انهم لو ردوا هيحفزونا أكتر وهيكسبوا فينا ثواب (الكلمة الطيبه صدقه)


flower flower flower
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bokra-ahla.ahlamontada.net
Snow_white
Admin


عدد المساهمات : 764
تاريخ التسجيل : 01/09/2008
العمر : 27

مُساهمةموضوع: رد: ضيف فى بيته"د/سنو "   الثلاثاء يناير 12, 2010 6:10 pm

عندي اقتراحين وسؤال بقى من نفسي Very Happy

أولا السؤال ......كل حد يقول شايفني ازاي ؟؟؟ او بمعنى آخر ده زي سؤال د: فيرنج بتاع أختار صفه لكل عضو.....من غير زعل ماتخافوش قولوا الأبيض والأسود......... بس لو الأسود غامق أوي يبقى الستر أفضل Very Happy ممكن تقولوه ساعاتها ف رسالة خاصه...يعني بلاش ذما حاد أو مدحا مفرطا bounce
عشان اتعلم منه ومن باب من نصح أخيه سرا فقد زانه وعلنا فقد شانه


الاقتراح ا- الحوارات حساها أكتر ف كلام من القلب ....يعني بقترح لو موافقين نقل الموضوعين (حوارات وضيف ف بيته) لكلام من القلب........
2- نبدأ بقى ف الحوار ال2 مع د: فيرنج cheers cheers cheers
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bokra-ahla.ahlamontada.net
firing_dragon
عضو ممتاز
عضو ممتاز


عدد المساهمات : 661
تاريخ التسجيل : 07/01/2009
العمر : 27

مُساهمةموضوع: رد: ضيف فى بيته"د/سنو "   الأربعاء يناير 13, 2010 3:31 am





مممممممممممممم؟؟؟ د سنو عايزة ( تخلع ) بس انا شايف ن لسه بدري اوييييييييييييي Very Happy Very Happy

بالنسبة لاجابة السؤاااااااااال: احب اكوناول واحد ارد عليه وانا عن نفسي شايف شخصية د سنو كالاتي -ده م الاجابات عن الاسئلة كله-ومعلش مش هتبقي صفة لاني بتكم عن شخصية كاملة واولا واخير هذا راي ومعرض للتناقض والخطا بس مفيش زعل




1-مثقفة لدرجة المرض حتي النخاع.
2-بعيدة الأفق.....بصيرة جيدة.
3-محنكة في اختيار كلماتها _وده بحكم انها شاعرة برضه_.
4-لاتجيد الهروب من المواقف الحرجة.
5-ثقة لاباس بها- ثقة في الله اولا واخيرا-
6-نشطة للغاية-متفانية-
7-احساس صعب لدرجة ان يقتل صاحبه.
8-ذات حكمة مقبولة.
9-ليست صبورة -ده اللي انا رسمته-
10-واخيرا وليس اخرااااااااااااااااا زي اي فتاة (عايزة تتجوز)هههههههههههه




اما عن الاقتراح الاول .........انا منذ بداية الحوار (ضيف في بيته) وانا كنت متوقع نقله لكن قولت هذه مسؤلية د :اسد وهو اجدر بها.....يعني بضم صوتي

والاقتراح التاني............بالطبع معارض (لسه مش دلوقت وبعدين هو مفيش تصويت لا ايه؟)



_________________

نـتــواصــــــــل..... لأنـنـــا بالخـــير دومــــاً نــرتــــقـي




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Snow_white
Admin


عدد المساهمات : 764
تاريخ التسجيل : 01/09/2008
العمر : 27

مُساهمةموضوع: رد: ضيف فى بيته"د/سنو "   الخميس يناير 14, 2010 2:12 am

لأ انا مش بخلع ولا حاجه ...... انا حسيت الموضوع نام شويه ....فقلت يمكن الأسئلة خلصت ...فقلت انتهز الفرصه و أسألي
سؤال bounce

شكرا لأنك جاوبت عالسؤال بصراحه bounce ...بس عايزة استفسر على حاجه ما الدليل من وجهة نظرك على رقم 1 و4 و9
يعني ايه اللي خلاك تقول كده؟؟؟؟ وبالذات 4 ...........هي فين المواقف المحرجه؟؟؟؟.......هو انا أصلا بحب المواجهه ومابحبش الهروب بس طبعا ساعات فيه حاجات بتضطر الواحد للهروب عقبال مايلاقي حل .....بس نفسي اعرف ايه المواقف المحرجه اللي لم أجيد الهروب منها Very Happy

drunken drunken drunken drunken


عدل سابقا من قبل Snow_white في الجمعة يناير 15, 2010 11:30 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bokra-ahla.ahlamontada.net
firing_dragon
عضو ممتاز
عضو ممتاز


عدد المساهمات : 661
تاريخ التسجيل : 07/01/2009
العمر : 27

مُساهمةموضوع: رد: ضيف فى بيته"د/سنو "   الجمعة يناير 15, 2010 5:56 am

اولا جزاك الله خيرا ......انا طبعا مش مطالب اني ااقول ليه رايت هذا....لان كل شئ محتمل الخطا....فهذا كله تصور

اما عن رقم 1 فانا اذا قولت السبب فان هكون بمدحك وانا مش بحب امدح حد في وجوده....وبعدين اعتقد دي صفة واضحة

رقم 9...من خلال ان حضرتك بتتمني كل شئ يحصل بسرعة -كرغبات-طبعا بتسعي ليها وعلي فكرة ده مش عيب لكن برضه مش ميزة اوي ولوسالتي زي ايه اعتقد زي المجلة او اي شي ليكي رغبة فيه

اما عن رقم 4 فحضرتك جاوبتي عن نفسك...وبالنسبة ايه هي المواقف المحرجة...ماتتعبيش نفسك لاني اكيد مااعرفهاش (هو انا بشوف في الودع)
لكن ده كان تصور من خلال ردودك علي الاسئلة

_________________

نـتــواصــــــــل..... لأنـنـــا بالخـــير دومــــاً نــرتــــقـي




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Snow_white
Admin


عدد المساهمات : 764
تاريخ التسجيل : 01/09/2008
العمر : 27

مُساهمةموضوع: رد: ضيف فى بيته"د/سنو "   السبت يناير 16, 2010 5:36 pm

طبعا مش مطالب بحاجه Very Happy

بس هو مجرد فضول مش اعتراض او اتفاق على حاجه

كان نفسي اعرف بس ايه اللي خلى حضرتك تقول كده ؟؟؟؟؟

وجزاك الله خيرا

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bokra-ahla.ahlamontada.net
true man
عضو ممتاز
عضو ممتاز


عدد المساهمات : 316
تاريخ التسجيل : 26/02/2009
العمر : 28

مُساهمةموضوع: رد: ضيف فى بيته"د/سنو "   الخميس يناير 28, 2010 4:25 am

السلام عليكم ورحمة الله وبركاته
ازيكم يا اهل المنتدى من اهل الباطنة والجراحة
بالنسبة للصفات يا دكتورة
بس من غير زعل Very Happy وده مجرد راى
اولا شخصية طموحة محبة للقيم والاخلاق وبتسعى لنشرها
مرتبطة جداجدا بصديقاتها
خجولة جداجدا وعندها مشكلة فى مواجهة المشاكل والعقبات
طموحة ولكن تنقصها الجرأة لذلك تحتاج الى الدعم والتشجيع المستمر لتشعر انها على صواب
اخيرا فتاة رومانسية حالمة Embarassed (ممكن تتحذف لو فيه مشكلة)

بالنسبة للاقتراح الاول موافقة -زى د.سرور Very Happy
بالنسبة للثانى برضو موافقة -ونهارك ابيض ياراجل يا طيب

_________________
احب مكارم الاخلاق جهدى واكره ان اعيب وان اعابا
واصفح عن سباب الناس حلما وشر الناس من يهوى السبابا
ومن هاب الرجال تهيبوه ومن حقر الرجال فلن يهابا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ضيف فى بيته"د/سنو "
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» فوائد الفلفل البارد او "الفلفل الرومي"
» مشاكل المفاصل " موضوع يهمك "
» تجنبي أسئلة "العكننة" الزوجية
» °¨°°o°°¨" آآآآآآآآآخر صيحات الشعر القصير °¨°°o°°¨"
» يـلآإ تعـآلو تعلـموا اللغه الإيرآنيــه ^^"

صلاحيات هذا المنتدى:لاتستطيع الرد على المواضيع في هذا المنتدى
بكره أحلى :: يلا نخلي بكره أحلى :: منتدى المنوعات ...................................... :: كلام من القلب-
انتقل الى: