بكره أحلى

إلى العلم والأخلاق نسعى .......... يلا نخلي بكره أحلى
 
الرئيسيةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 يوميات عفريت مع الستات(تحفة)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
true man
عضو ممتاز
عضو ممتاز
avatar

المساهمات : 316
تاريخ التسجيل : 26/02/2009
العمر : 28

مُساهمةموضوع: يوميات عفريت مع الستات(تحفة)   الأربعاء أغسطس 12, 2009 4:54 am

الحج عفرت : شوبيكى لوبيكى خدامك بين ايديكى

سومه: بسم الله الرحمن الرحيم لا حول ولا قوه الا بالله ... affraid

صلى ع النبى كدا يا خويا حد قالك عاوزه انا خدامين...

بعدين متنفش ريشك قوى كدا لتفرقع يا خويا ولا يطقلك عرق....دا العمر مش بعزقه... king

الحج عفرت: ييييييييه كل مره اقولهم بلاش ستات غضب

...اتطلبى وانا انفذ يا ستى ...وانجزى بقى خلصينى

سومه:ياحلاوه يا ولاد دا عامل زى عفروتو بتاع المرسحيه قصير واقرع .... Very Happy

الحج عفرت:احنا حنقبح بقى ولا ايه ليه طوله اللسان دى اللهم طولك يا روح

سومه:هع هع هععع يطولها ؟؟؟

اذا كنت انت نموك وقف على الحجم دا دا انت ولا خاتم سليمان يحوق معاك.... Razz Razz


بقولك ايه اما انت تعرف تنفذ طلباتى طيب ما تطول نفسك شويه ولا تطلعلك شعر


الحج عفرت:يا ستى انا عاجبنى منظر اهلى كدا اطلبى السبع طلبات بتوعك وانجزى دا هى مجيه سوده أخ

سومه:الله مالك كدا ياخويا من ساعه ما جيت وانت نازل تنأويز ...على ايه يا حسره ....امال لو طويل حبتين...

وعمال خدامك ومش خدامك

الحج عفرت :ماشى يا ستى انا اسف ...مش حتكلم حسيبك لضميرك الاسود :kamikaze:

ابوس رجليكى اطلبى انا ورايا ابنى لازم اعدى اجيبه من تدريب الزحلقه ع السحاب

سومه:اهى ى ى لا هو انتوا عندكم ولاد Twisted Evil

الحج عفرت :امال يعنى بننقرض

سومه:وانت من اى قبيله اتيت....بس عرفتك تكونش بتاع كارتون السنافر.... Basketball


شاطره يا سومه والنبى طول عمرك نبيهه يا بت sunny

الحج عفرت: دى حتغلط بقى انا من الجن الابيض يا ستى خلصى بكاء

سومه:اشتاتا اشتاتا اشتوت ....اتفووووو


الحج عفرت:يا وليه يا مضروبه بتتفى عليا

سومه:لا يا خويا وانا اقدر...بتف فى عبى يمكن تنصرف


الحج عفرت:اطلبى وانا اجيبلك اللى تعوزيه

سومه:شوف بقى انا غير كووووول الستات اللى انت عرفتهم ومطالبى تختلف عن الاخرين

الحج عفرت:وانا تحت امرك

سومه:بس قولى الاول احضرك ازاى..؟؟؟ Question

الحج عفرت :ياستى ما انا مزروع اهو حتحضرينى ليه غضب

سومه:اه صحيح طيب يا سيدى متتنرفزش الزعل مش حلو عشانك Very Happy

يعنى لو قلتلك عاوزه عربيه انت ممكن تجيبلى

الحج عفرت:طبعا فورا اجيبلك بس قولى نفذ وانا انفذ...عاوزاها نوع ايه

سومه:اهو شوف فهمتنى غلط انا قلتلك انا مش زى الستات العبيطه مش عاوزه عربيه :shutup22:

الحج عفرت:يا خواتى ارحمنى يا رب بكاء

سومه:دا ايه يا خويا العفريت المستعجل دا مكانوش قادرين يبعتولى واحد فاضى موراهوش عيا

طيب اسمع يا خويا انا حخلصك خالص sunny لو طلبت منك اسرائيل تنكشح عن فلسطين تمشيها

الحج عفرت:يعنى انتوا بكل رجالتكم يا عرب وهى قاعده فى فلسطين وعاوزانى انا يا غلبان امشيها ....

سومه:خلاص اهو ادينى طلبت عشان متقولش وتشتكى انت اللى معرفتش تنفذ....

بس فاضى تقول مش فاضى وعندى مواعيد


اسمع رأفه بيك انا عاوزاك تنضف البيت بدالى النهارده وتعمل اكل فى التلاجه يكفى سى بطيخ اد اتناشر شهر....

وتسيأ السلم بدالى كل اول اسبوع....وياريت تجيبلى عربيه بتنجر احط فيها الخضار....و...........

الحج عفرت:نعمممممممم يا دلعدى affraid

سومه:هههههه العفريت برطم بالبلدى

الحج عفرت:يعنى انا جاى من زحل ارض ارض عشان تقوليلى اسيأ السلم ....واقطف ملوخيه


سومه:اه والله فكرتنى نسيت حته تقطيف الملوخيه

الحج عفرت :يا وليه ارحمينى تحبى اجيبلك جاجوار...ولا هامر تركبيهم

سومه:ودول ايه دول يا خويا ...

لا الحمد لله طقم السنان بتاعى شغال ميه ميه..الكوبرى تاعبنى شويه بس ماشى

الحج عفرت:طيب تحبى اجيبلك شقه 1000 متر على النيل

سومه:لالالالا ايه العفاريت المؤذيه دى


دوشه ورطوبه... انت عاوز تقطم وسطى مين حينضف المساحه دى كلها...قال ويقولى فى خدمتك..

الحج عفرت:طيب تحبى تسافرى وتلفى العالم

سومه:يا نصيبتى اخرج من بيتى فى غير علم سى بطيخ دا كان يقتلنى...

ثم انا ميهونش عليا زعله....

ثم يا خويا الف العالم فيه ايه زياده عن اللى فى بيتى سى بطيخ مكفينى وجايبلى كلشن كان...

اه امال ايه.؟؟؟

الحج عفرت:طيب تحبى اخلصك من سى بطيخ نفسه

سومه:يا خويا بعد الشر تف من بقك

ان شاء الله انت وميه زيك ....

هو صحيح عينه زايغه....ولسانه طويل وايده باطشه....وجزمه ديما طايره ....

بس الست مننا ايه منغير بطيخها ....والعيال مين حيشيلهم مين يشيل مشاكلهم....

الحج عفرت :انا زهقت منك...مش ممكن واحده معندهاش ولا طلب ....

طيب اسمعى اجيبلك ذهب ياقوت مرجان..الماظ....

سومه:هههههه شوف العبيط سى بطيخ جايبلى شبكه جوا دبله ومحبس وحتتين غوايش وسلسله ما شاء الله....

ويقولى عليها ماس و مرجان طيب دى راحت ولا جات ازازه....بس متلمعه ..اما عفريت خرع بصحيح..

طيب انا حريحك ...لو حزفت اجابتين انا ممكن اقولك الاجابه الصح عدل

الحج عفرت:هو انا جورج قرداحى ...تحزفى اجابتين جديده دى

سومه:خلاص انا عرفت سياتك تبقى مين

الحج عفرت:الحمد لله وحتطلبى بقى خلاص مش كدا

سومه:اه يا خويا...زيع زيع انا معنديش ايتوها مانع مش انتوا بتوع الكاميره الخفيه

الحج عفرت:يا خوااااااااااااااااااتى انا حعتزل المهنه

انا شوفت كتير وقليل لكن غبيه وبارده ومبتفهمش ثلاثه فى واحد انتى حطمتى القواعد بكاء

سومه:طبعا يا خويا نحن نختلف عن الاخرين ونزيد lol! lol!

منقووووووووووووووووول

_________________
احب مكارم الاخلاق جهدى واكره ان اعيب وان اعابا
واصفح عن سباب الناس حلما وشر الناس من يهوى السبابا
ومن هاب الرجال تهيبوه ومن حقر الرجال فلن يهابا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
يوميات عفريت مع الستات(تحفة)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
بكره أحلى :: يلا نخلي بكره أحلى :: منتدى المنوعات ...................................... :: بتضحك على إيه؟-
انتقل الى: