| جاءتني دعوة..... | |
|
|
كاتب الموضوع | رسالة |
---|
Snow_white Admin
المساهمات : 764 تاريخ التسجيل : 01/09/2008 العمر : 35
| موضوع: جاءتني دعوة..... الثلاثاء يوليو 07, 2009 5:19 pm | |
| ياااااااه والله زمان جاءتني دعوة؟؟؟؟؟؟؟؟؟؟؟؟؟؟؟؟ دعوة ايه هنعرف دلوقتي بس قبل ماتقروا....خلي بالكو من التشكيل اللي انا مركباه....اللي هو متحرر مالوش علاقة بالنحو حاولت احافظ عالاعراب على قد ماقدر بس عجزت ف البعض لو حد وجد لي كلمة بديلة تحافظ عالاعراب وف نفس الوقت تحافظ عالقافية....يبقى له جائزة
جاءتني دعوة
كثيرا كنت أسمعها فأنشدها أغنيها أردد كل ما فيها أخيرا جاءت الفرصة لكي أفهم معانيها بالأمس جائتني دعوة فأسرعت ألبيها......
الناس حولي كثيرون كلهم ينتظرون في شوق يتهامسون
فإذا بالإثنين قد ظهرا أمام الجمع وإزدهرا الأول هو حرف الحاء والثاني هو حرف الباء اجتمعا تحت السماء سماء الحب تحييهم وصوت القلب يناديهم ونور الله يحميهم
قال الأول للثاني أنا حبُُ ُ وحنان ِ انا شمسُ ُ تدُفيكَ انا طب يداويكَ إذا حل بك الحزن فاطرق بابي ألبيكَ
فرد الثاني مبتسما أنا منك ...أنا فيك إذا أصابك ظمأ ُ ُ بماءِ الحب أسقيكَ اسمعكَ وأنت تتكلم فإذا بالكون يتبسم فأنت كل أحلامي وأنت فجر أيامي
#ولكن دعني أسألك أبالإمكان ِتنساني.؟؟؟ _وكيف لي أن أنسى حبيبا عاش في كياني أموت إن غاب عني وأحيا كلما آتاني....
# وماذا عن باقي الحروف؟؟؟ أراك عليهم ملهوف يوما تذهب للقاف ويوما تذهب للراء _ولكن أعود للباء ِ واكتشف قدر غبائي فكل الحروف حروف وأنت وحدك المألوف
#وماذا ان كبرت غدا؟؟؟ وسقطت مني أسناني _سأنظر في عينيكي السوداوتاني فانسى كل أحزاني كفاني أن لي باء كبير قلبها الحاني
فهيا يا أجمل باء نطوف بأرض وسماء فننشر حبا ووفاء وصاح الناس من حولي يعيش الحاء والباء فلا حب بلا حاء ولا حب بلا باء كثيرا كنت أسمعها............................... ( أرجوكو ماحدش يقرا نقد التاني غير لما يقول رأيه الشخصي الاول وبعدين يقرا براحته.....عشان يبقى نقده طالع من قلبه)
عدل سابقا من قبل Snow_white في الأربعاء يوليو 08, 2009 4:38 am عدل 2 مرات | |
|
| |
true man عضو ممتاز
المساهمات : 316 تاريخ التسجيل : 26/02/2009 العمر : 35
| موضوع: رد: جاءتني دعوة..... الثلاثاء يوليو 07, 2009 5:46 pm | |
| سلامو عليكو حظى الحلو او حظك الوحش انى اول القارئين حلوة حلوة بجد واكتر حاجة عجبانى البداية والنهاية راااااااائعة واما بالنسبة لطقوس الغلاسة اللى انا مشهور بيها والققطط الفاطسة اللى هطلعها بعون الله نستنى شويه احسن لحد ما هالات الاعجاب بالقصيدة تختفى وبعدين نتكلم بقى بس خدى دول مؤقتا | |
|
| |
Snow_white Admin
المساهمات : 764 تاريخ التسجيل : 01/09/2008 العمر : 35
| موضوع: رد: جاءتني دعوة..... الثلاثاء يوليو 07, 2009 5:59 pm | |
| | |
|
| |
zaraazad عضو
المساهمات : 10 تاريخ التسجيل : 26/02/2009
| موضوع: رد: جاءتني دعوة..... الثلاثاء يوليو 07, 2009 9:20 pm | |
| فكرة حلوة وطريقة احلي والموضوع حلو قوي يا رب نشوف حاجات حلوة كده كتير | |
|
| |
true man عضو ممتاز
المساهمات : 316 تاريخ التسجيل : 26/02/2009 العمر : 35
| موضوع: رد: جاءتني دعوة..... الثلاثاء يوليو 07, 2009 10:01 pm | |
| بسم الله الرحمن الرحيم الاول مش عايز حد يدعى عليا اه الواحد مش ناقص نبدأ النقد بعون الله المقطع الاول كثيرا كنت أسمعها فأنشدها أغنيها أردد كل ما فيها أخيرا جاءت الفرصة لكي أفهم معانيها بالأمس جائتني دعوة فأسرعت ألبيها...... موسيقا رشيقة من اجمل ما سمعت لاملاحظات الا ضرورة اشباع اسرعت بالضم لتلائم الوزن...فاسرعتو وبعدين انشدها اغنيها الاتنين واحد ولا معنى من التكرار الناس حولي كثيرون كلهم ينتظرون في شوق يتهامسون الوزن مش مظبوط وباين ومفيش فيه تجديد وفيه صعوبه فى الانتقال منه الى اللى بعده ممكن نخليه قاعة ملأى بمن فيها وجو الانس يحويها وفجاة قيل قد حضرا
فإذا بالإثنين قد ظهرا أمام الجمع وإزدهرا الأول هو حرف الحاء والثاني هو حرف الباء اجتمعا تحت السماء سماء الحب تحييهم وصوت القلب يناديهم ونور الله يحميهم نبدأ فى ذكر الملاحيظ بقى البدايه حلوة جدا واشباع الموسيقا بيدى امتداد هايل بس للاسف انتقلتى منه للى بعده بسرعة قللت المتعة ممكن نطول حرف الراء شوية حاء مزخرفة تشبه القمرا(مثلا يعنى) وبعدين ايه رأيك بدل سماء الحب تحييهم تبقى ماء الحب عشان ميبقاش فيه تكرار يناديهم كسرت الوزن هنا ممكن تبقى يجمعهم عشان نظبط الوزن
قال الأول للثاني أنا حبُُ ُ وحنان ِ انا شمسُ ُ تدُفيكَ انا طب يداويكَ إذا حل بك الحزن فاطرق بابي ألبيكَ اه نبدأ الخناقة ليه كسرت خاطر حنان وجرتيه بعد ما كان مرفوع الراس ممكن نخليها قال الاول للثانى تقبل حبى وحنانى ولو حطينا يشفيكا مكان يداويكا الوزن يتظبط اكتر
فرد الثاني مبتسما أنا منك ...أنا فيك إذا أصابك ظمأ ُ ُ بماءِ الحب أسقيكَ اسمعكَ وأنت تتكلم فإذا بالكون يتبسم فأنت كل أحلامي وأنت فجر أيامي الفكرة حلوة قوى قوى والمعنى جميل بس لو خليناها ساسقيكا الوزن يبقى 100ف100
اسمعكَ وأنت تتكلم فإذا بالكون يتبسم فأنت كل أحلامي وأنت فجر أيامي الفكرة جميلة بس الوزن بايظ خالص..حاولى تظبطيه
#ولكن دعني أسألك أبالإمكان ِتنساني.؟؟؟ _وكيف لي أن أنسى حبيبا عاش في كياني أموت إن غاب عني وأحيا كلما آتاني.... معنى رائع بس محتاج شويه ظبط للوزن
# وماذا عن باقي الحروف؟؟؟ أراك عليهم ملهوف يوما تذهب للقاف ويوما تذهب للراء _ولكن أعود للباء ِ واكتشف قدر غبائي فكل الحروف حروف وأنت وحدك المألوف هذه كبوة الفارس لا اراها مناسبة هنا بل تحمل معنى صبيانيا لا مبرر له وخانك التوفيق فى اختيار القاف والراء...حق وحر اذ لا رابط ولا مبرر ولا معنى يستشف
فهيا يا أجمل باء نطوف بأرض وسماء فننشر حبا ووفاء وصاح الناس من حولي يعيش الحاء والباء فلا حب بلا حاء ولا حب بلا باء كثيرا كنت أسمعها............................... لغويا نطوف الارض والسماء لان نطوف ب يعنى ندور حوله اما نطوف كذا يعنى نسير فيها بحثا عن شىء بس المعنى جميل ياه اخيرا خلصت معلش طولت عليكى قوى قوى بس ده طلبك استحملى بقى | |
|
| |
Snow_white Admin
المساهمات : 764 تاريخ التسجيل : 01/09/2008 العمر : 35
| موضوع: رد: جاءتني دعوة..... الأربعاء يوليو 08, 2009 4:28 am | |
| جزاكم الله خيرا...>د:زاراد...ود:ترو بسم الله ماشاء الله.... اولا شكرا عالنقد اللي اظنه نقد بناء....وده شئ رائع لان حضرتك حاولت تبحث لي بديل بس حضرتك نسيت تعلق عالمقطع ده #وماذا ان كبرت غدا؟؟؟ وسقطت مني أسناني _سأنظر في عينيكي السوداوتاني فانسى كل أحزاني كفاني أن لي باء كبير قلبها الحاني أما عن يشفيك فانا شايفة ان يداويك أصدق وأخرها يك...وداخله ودني اسهل كتير متفقة مع حضرتك ف ان الجزء بتاع ينظرون ويتهامسون وزن تقليدي.....والصراحة فعلا محتاج يتغير لأني حسه انه خلى القصيده قلبت بنثر ف الجزء ده وجاري تغيره باذن الله سأسقيك ولا أسقيك....؟؟؟؟؟؟؟؟؟؟ متهيئلي اسقيك فعل مضارع وفيه استمرارية وبرده وقعه عالأذن ابسط واخف وليه الوزن مش مظبوط ف الجزء بتاع كياني وتنساني...أنا شايفه مظبوط....بس عادي ممكن اكون مش شايفة كويس أما عن موضوع القاف والراء....أردت تجسيد شعور الغيرة التي تصيب المحبين....ولم أقصد كلمة حق وحر بعينهم ده مجرد مثال الباء بتغير علىالحاء ...من حقها...بتحبه تعمل ايه يعني؟؟؟؟ (معنى صبيانيا لا مبرر له)لأ اعتقد ان المعنى الصبياني ده مبرره الحب بس الحمد لله اني ختمت القصيدة على خير بغض النظر عن نطوف مستنية باقي القوم ......ومنكم نستفيد
عدل سابقا من قبل Snow_white في السبت يوليو 11, 2009 3:29 am عدل 1 مرات | |
|
| |
firing_dragon عضو ممتاز
المساهمات : 661 تاريخ التسجيل : 07/01/2009 العمر : 35
| موضوع: رد: جاءتني دعوة..... الأربعاء يوليو 08, 2009 5:07 am | |
| | |
|
| |
Snow_white Admin
المساهمات : 764 تاريخ التسجيل : 01/09/2008 العمر : 35
| موضوع: رد: جاءتني دعوة..... الأربعاء يوليو 08, 2009 5:25 am | |
| جزاك الله خيرا د.فيرنج انا يعني كنت بقصد اني ممكن اغير الجزء بتاع كثيرون ويتهامسون بس مش هخليه زي ماقال د.ترو لأهكتبه باحساسي انا..... لأنها فعلا حسيتها وافقه شوية الجزئية دي.......مش يمكن نلاقي حاجه احسن اما عن قرب اللي حضرتك فهمتها من القاف والراء ده فهم رائع......ولكني لم اقصده بس انا فرحانه ان كل حد فهم حاجه انا قصدت حر ....و حق......بس زي ماقلتلكو فوق ماقصدش منهم كلمة حق وحر بعينها لأ قصدت ان حرف الحاء ساعات بيروح لحروف تانية غير الباء....مما جعلها تغير عليه...فقصدت فقط تجسيد مشهد الغيرة بين المحبين اما حنان انا مش عارفة اعمل فيها ايه مش عجباني وهي مرفوعة ولا وهي ساكنه كمان فلما كسرتها ارتحت....بس لو انتو متضايقين ممكن اخليها قرعة خالص من غير علامة بس انا مش عارفة بقى هتقروها ازاي لو مش مأثره معاكو عادي مش هنخسر حاجه لو شيلنا الكسرة | |
|
| |
firing_dragon عضو ممتاز
المساهمات : 661 تاريخ التسجيل : 07/01/2009 العمر : 35
| موضوع: رد: جاءتني دعوة..... الأربعاء يوليو 08, 2009 5:30 am | |
| كلامك جاء ترجمة لا ذكرته انك لاتفسرين الكثير مما في خاطرك في كتاباتك......صحيح انك فرحانة ان كل واحد فهم حاجة ....بس ده مش حلو لينا لان لازم نفهم فكرتك صح عشان نعرف نحلل صح ونبدي راي بناء....... وشكرااااااااااااااااااا | |
|
| |
Snow_white Admin
المساهمات : 764 تاريخ التسجيل : 01/09/2008 العمر : 35
| موضوع: رد: جاءتني دعوة..... الأربعاء يوليو 08, 2009 5:38 am | |
| فهموني...يعني ايه؟؟؟؟ يعني هي فكرة الغيرة مش واضحة ف المقطع ده؟؟؟؟؟ طب ممكن حضرتك تجرب تقرأ الجزء بتاع وماذا عن باقي الحروف؟؟؟تاني بجد انا حسه ان الغيرة باينه جدا ومش حسه بغموض فيها ...... ممممم يمكن عشان انا اللي كتباها...........يمكن بس ايه يعني لما كل حد يفهما بشكل مختلف....ماكلنا غير بعض وده هيدي مساحة للتفكير زي ما حصل ف ابحث عن شئ لا اعرفه...اللي كنت عن عمد ختمتها من غير ماحد يعرف انا ببحث عن ايه؟؟؟؟ لأني بكل بساطة لا اعرفه اصلا (حاله من الحيرة) أما هنا لم أقصد اللف والدوران........ولم اتوقعه.....فوجئت به لما حضرتك فهمتها قرب بس خلاص | |
|
| |
true man عضو ممتاز
المساهمات : 316 تاريخ التسجيل : 26/02/2009 العمر : 35
| موضوع: رد: جاءتني دعوة..... الأربعاء يوليو 08, 2009 7:50 pm | |
| سلامو عليكو انا تانى طبعا انا فرحان ان المناقشات بدأت والحمد لله بس انا حبيت اوضح كلامى شويه يداوى ويشفى بنفس المعنى لكن يشفى اسهل فى الوزن وخصوصا لما ناخد النا من ياقى الكلمات زى يسقى هنلاحظ ان الكلمات من يفعل اما يداوى من يفاعل والف المد اعطت ثقلا(على الاقل عندى انا) وبالنسبة للبدائل ده مجرد اقتراح وطبعا مش قصدى خالص انهك تلتزمى بيه وتعمليه كوبى باست زى ما فايرنج بيقول وبالنسبة لكلمة اسقيكا طبعا المضارع افضل فىالمعنى بس البدء بالف القطع هنا مش تمام فاقترحت السين للتخفيف دى كل الحكاية لان تتابع السين وبعدين الالف وبعدين السين هيسهل النطق وجربوها وبالنسبة لمقطع القاف والراء ده لازم نقف شويه سنو لازم تعرفى ان جمال الكلمة انها تلائم مكانها بحيث لو اتغيرت باى كلمه تانية المعنى يختل والجو النفسى يتغير لذلك لابد تكون كل كلمة تحمل معنى معين يعنى انتى قلتى قاف وراء لو خلتها عين وطاء مش هيحصل اى حاجة وده دليل انها لا تحمل فى حد ذاتها معنى معين يمكن انتى مش ملاحظة ده لانك انتى اللى كتبتيها الكلام حاليا موجه لفايرنج حاليا ايه اللى مزعلك من انك فهمت معنى غير المقصود معروف ان للنص ثلاث قراءات قراءه تحليليه وهذه قراءة الناقد ويهتم بمواطن الجمال ومواضع الخلل وترابط الافكار او تنافرها وطرافة المعنى او تقليديته قراءة تأمليه وهذه قراءة القارئ الاريب الباحث خلف ابواب الحروف عن المعنى والغواص خلف الكلمات قراءة تفسيرية وهى شرح الشاعر قصيدته وتبيان مقصده ولابد ان تتنوع النتيجة والفهم باختلاف القراءة بل هذا الاختلاف دليل البراعة ما لم تتضارب الافكار بشكل يعسر معه الجمع بينها ولا رأيك ايه يا صديقى | |
|
| |
ophelia عضو جيد جدا
المساهمات : 89 تاريخ التسجيل : 03/09/2008 العمر : 35
| موضوع: رد: جاءتني دعوة..... السبت يوليو 11, 2009 3:19 am | |
| جميلة اوى وإحساسها عالى اوى عجبتنى جدا الجزء بتاع القاف والراء وانها فضلت الباء روعة ربنا يوفقك يا سنو وتفضلى تكتبى حاجات جميلة كده علطول | |
|
| |
Snow_white Admin
المساهمات : 764 تاريخ التسجيل : 01/09/2008 العمر : 35
| موضوع: رد: جاءتني دعوة..... السبت يوليو 11, 2009 10:49 pm | |
| ربنا يكرمك يا اوفيليا بس سبحان الله عجبك الجزء محل الخلاف.....حقيقي حاجه غريبة الله اعلم انتي فهمتيه ازاي........بس الحمد لله انه عجبك | |
|
| |
زمردة عضو ممتاز
المساهمات : 110 تاريخ التسجيل : 06/09/2008 العمر : 35
| موضوع: رد: جاءتني دعوة..... الخميس يوليو 30, 2009 7:13 pm | |
| | |
|
| |
| جاءتني دعوة..... | |
|