بكره أحلى

إلى العلم والأخلاق نسعى .......... يلا نخلي بكره أحلى
 
الرئيسيةمكتبة الصورس .و .جبحـثقائمة الاعضاءالمجموعاتالتسجيلدخول

شاطر | 
 

 جاءتني دعوة.....

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Snow_white
Admin


عدد المساهمات : 764
تاريخ التسجيل : 01/09/2008
العمر : 27

مُساهمةموضوع: جاءتني دعوة.....   الثلاثاء يوليو 07, 2009 5:19 pm

slam ياااااااه والله زمان
جاءتني دعوة؟؟؟؟؟؟؟؟؟؟؟؟؟؟؟؟
دعوة ايه هنعرف دلوقتي

بس قبل ماتقروا....خلي بالكو من التشكيل اللي انا مركباه....اللي هو متحرر مالوش علاقة بالنحو
حاولت احافظ عالاعراب على قد ماقدر بس عجزت ف البعض
لو حد وجد لي كلمة بديلة تحافظ عالاعراب وف نفس الوقت تحافظ عالقافية....يبقى له جائزة

ترحيب
جاءتني دعوة




كثيرا كنت أسمعها
فأنشدها أغنيها
أردد كل ما فيها
أخيرا جاءت الفرصة
لكي أفهم معانيها
بالأمس جائتني دعوة
فأسرعت ألبيها......

الناس حولي كثيرون
كلهم ينتظرون
في شوق يتهامسون

فإذا بالإثنين قد ظهرا
أمام الجمع وإزدهرا
الأول هو حرف الحاء
والثاني هو حرف الباء
اجتمعا تحت السماء
سماء الحب تحييهم
وصوت القلب يناديهم
ونور الله يحميهم

قال الأول للثاني
أنا حبُُ ُ وحنان ِ
انا شمسُ ُ تدُفيكَ
انا طب يداويكَ
إذا حل بك الحزن
فاطرق بابي ألبيكَ

فرد الثاني مبتسما
أنا منك ...أنا فيك
إذا أصابك ظمأ ُ ُ
بماءِ الحب أسقيكَ
اسمعكَ وأنت تتكلم
فإذا بالكون يتبسم
فأنت كل أحلامي
وأنت فجر أيامي

#ولكن دعني أسألك
أبالإمكان ِتنساني.؟؟؟
_وكيف لي أن أنسى حبيبا
عاش في كياني
أموت إن غاب عني
وأحيا كلما آتاني....

# وماذا عن باقي الحروف؟؟؟
أراك عليهم ملهوف
يوما تذهب للقاف ويوما تذهب للراء
_ولكن أعود للباء ِ
واكتشف قدر غبائي
فكل الحروف حروف
وأنت وحدك المألوف

#وماذا ان كبرت غدا؟؟؟
وسقطت مني أسناني
_سأنظر في عينيكي السوداوتاني
فانسى كل أحزاني
كفاني أن لي باء
كبير قلبها الحاني

فهيا يا أجمل باء
نطوف بأرض وسماء
فننشر حبا ووفاء
وصاح الناس من حولي
يعيش الحاء والباء
فلا حب بلا حاء
ولا حب بلا باء
كثيرا كنت أسمعها...............................


ترحيب ترحيب ترحيب
( أرجوكو ماحدش يقرا نقد التاني غير لما يقول رأيه الشخصي الاول وبعدين يقرا براحته.....عشان يبقى نقده طالع من قلبه)


عدل سابقا من قبل Snow_white في الأربعاء يوليو 08, 2009 4:38 am عدل 2 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bokra-ahla.ahlamontada.net
true man
عضو ممتاز
عضو ممتاز


عدد المساهمات : 316
تاريخ التسجيل : 26/02/2009
العمر : 28

مُساهمةموضوع: رد: جاءتني دعوة.....   الثلاثاء يوليو 07, 2009 5:46 pm

سلامو عليكو
حظى الحلو او حظك الوحش Very Happy انى اول القارئين
حلوة حلوة بجد واكتر حاجة عجبانى البداية والنهاية راااااااائعة
واما بالنسبة لطقوس الغلاسة اللى انا مشهور بيها والققطط الفاطسة اللى هطلعها بعون الله نستنى شويه احسن
لحد ما هالات الاعجاب بالقصيدة تختفى وبعدين نتكلم بقى
بس خدى دول مؤقتا ترحيب ترحيب ترحيب

_________________
احب مكارم الاخلاق جهدى واكره ان اعيب وان اعابا
واصفح عن سباب الناس حلما وشر الناس من يهوى السبابا
ومن هاب الرجال تهيبوه ومن حقر الرجال فلن يهابا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Snow_white
Admin


عدد المساهمات : 764
تاريخ التسجيل : 01/09/2008
العمر : 27

مُساهمةموضوع: رد: جاءتني دعوة.....   الثلاثاء يوليو 07, 2009 5:59 pm

حظي؟؟؟؟؟؟؟ scratch scratch scratch

حظي مش بطال Neutral

لأ بهزر والله Very Happy
حظي حلو ان شاء الله

شكرا أوي عالبداية المشجعة وفي انتظار أرائكم بالتفصيل bounce bounce bounce
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bokra-ahla.ahlamontada.net
zaraazad
عضو
عضو


عدد المساهمات : 10
تاريخ التسجيل : 26/02/2009

مُساهمةموضوع: رد: جاءتني دعوة.....   الثلاثاء يوليو 07, 2009 9:20 pm

فكرة حلوة وطريقة احلي

والموضوع حلو قوي

يا رب نشوف حاجات حلوة كده كتير

Smile Smile Smile
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
true man
عضو ممتاز
عضو ممتاز


عدد المساهمات : 316
تاريخ التسجيل : 26/02/2009
العمر : 28

مُساهمةموضوع: رد: جاءتني دعوة.....   الثلاثاء يوليو 07, 2009 10:01 pm

بسم الله الرحمن الرحيم
الاول مش عايز حد يدعى عليا اه الواحد مش ناقص
نبدأ النقد بعون الله
المقطع الاول
كثيرا كنت أسمعها
فأنشدها أغنيها
أردد كل ما فيها
أخيرا جاءت الفرصة
لكي أفهم معانيها
بالأمس جائتني دعوة
فأسرعت ألبيها......
موسيقا رشيقة من اجمل ما سمعت
لاملاحظات الا ضرورة اشباع اسرعت بالضم لتلائم الوزن...فاسرعتو
وبعدين انشدها اغنيها
الاتنين واحد ولا معنى من التكرار
الناس حولي كثيرون
كلهم ينتظرون
في شوق يتهامسون
الوزن مش مظبوط وباين ومفيش فيه تجديد
وفيه صعوبه فى الانتقال منه الى اللى بعده
ممكن نخليه قاعة ملأى بمن فيها
وجو الانس يحويها
وفجاة قيل قد حضرا

فإذا بالإثنين قد ظهرا
أمام الجمع وإزدهرا
الأول هو حرف الحاء
والثاني هو حرف الباء
اجتمعا تحت السماء
سماء الحب تحييهم
وصوت القلب يناديهم
ونور الله يحميهم
نبدأ فى ذكر الملاحيظ بقى
البدايه حلوة جدا واشباع الموسيقا بيدى امتداد هايل
بس للاسف انتقلتى منه للى بعده بسرعة قللت المتعة
ممكن نطول حرف الراء شوية
حاء مزخرفة تشبه القمرا(مثلا يعنى)
وبعدين ايه رأيك بدل سماء الحب تحييهم تبقى ماء الحب
عشان ميبقاش فيه تكرار
يناديهم كسرت الوزن هنا ممكن تبقى يجمعهم عشان نظبط الوزن

قال الأول للثاني
أنا حبُُ ُ وحنان ِ
انا شمسُ ُ تدُفيكَ
انا طب يداويكَ
إذا حل بك الحزن
فاطرق بابي ألبيكَ
اه نبدأ الخناقة ليه كسرت خاطر حنان وجرتيه بعد ما كان مرفوع الراس
ممكن نخليها قال الاول للثانى تقبل حبى وحنانى
ولو حطينا يشفيكا مكان يداويكا الوزن يتظبط اكتر

فرد الثاني مبتسما
أنا منك ...أنا فيك
إذا أصابك ظمأ ُ ُ
بماءِ الحب أسقيكَ
اسمعكَ وأنت تتكلم
فإذا بالكون يتبسم
فأنت كل أحلامي
وأنت فجر أيامي
الفكرة حلوة قوى قوى والمعنى جميل
بس لو خليناها ساسقيكا الوزن يبقى 100ف100

اسمعكَ وأنت تتكلم
فإذا بالكون يتبسم
فأنت كل أحلامي
وأنت فجر أيامي
الفكرة جميلة بس الوزن بايظ خالص..حاولى تظبطيه

#ولكن دعني أسألك
أبالإمكان ِتنساني.؟؟؟
_وكيف لي أن أنسى حبيبا
عاش في كياني
أموت إن غاب عني
وأحيا كلما آتاني....
معنى رائع بس محتاج شويه ظبط للوزن

# وماذا عن باقي الحروف؟؟؟
أراك عليهم ملهوف
يوما تذهب للقاف ويوما تذهب للراء
_ولكن أعود للباء ِ
واكتشف قدر غبائي
فكل الحروف حروف
وأنت وحدك المألوف
هذه كبوة الفارس لا اراها مناسبة هنا بل تحمل معنى صبيانيا لا مبرر له
وخانك التوفيق فى اختيار القاف والراء...حق وحر اذ لا رابط ولا مبرر ولا معنى يستشف

فهيا يا أجمل باء
نطوف بأرض وسماء
فننشر حبا ووفاء
وصاح الناس من حولي
يعيش الحاء والباء
فلا حب بلا حاء
ولا حب بلا باء
كثيرا كنت أسمعها...............................
لغويا نطوف الارض والسماء
لان نطوف ب يعنى ندور حوله اما نطوف كذا يعنى نسير فيها بحثا عن شىء
بس المعنى جميل
ياه اخيرا خلصت معلش طولت عليكى قوى قوى بس ده طلبك استحملى بقى

_________________
احب مكارم الاخلاق جهدى واكره ان اعيب وان اعابا
واصفح عن سباب الناس حلما وشر الناس من يهوى السبابا
ومن هاب الرجال تهيبوه ومن حقر الرجال فلن يهابا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Snow_white
Admin


عدد المساهمات : 764
تاريخ التسجيل : 01/09/2008
العمر : 27

مُساهمةموضوع: رد: جاءتني دعوة.....   الأربعاء يوليو 08, 2009 4:28 am

جزاكم الله خيرا...>د:زاراد...ود:ترو

بسم الله ماشاء الله....
اولا شكرا عالنقد اللي اظنه نقد بناء....وده شئ رائع لان حضرتك حاولت تبحث لي بديل
بس حضرتك نسيت تعلق عالمقطع ده
Very Happy #وماذا ان كبرت غدا؟؟؟
وسقطت مني أسناني
_سأنظر في عينيكي السوداوتاني
فانسى كل أحزاني
كفاني أن لي باء
كبير قلبها الحاني

scratch scratch scratch أما عن يشفيك فانا شايفة ان يداويك أصدق وأخرها يك...وداخله ودني اسهل كتير
متفقة مع حضرتك ف ان الجزء بتاع ينظرون ويتهامسون وزن تقليدي.....والصراحة فعلا محتاج يتغير لأني حسه انه خلى القصيده قلبت بنثر ف الجزء ده
وجاري تغيره باذن الله

سأسقيك ولا أسقيك....؟؟؟؟؟؟؟؟؟؟
متهيئلي اسقيك فعل مضارع وفيه استمرارية وبرده وقعه عالأذن ابسط واخف

وليه الوزن مش مظبوط ف الجزء بتاع كياني وتنساني...أنا شايفه مظبوط....بس عادي ممكن اكون مش شايفة كويس

أما عن موضوع القاف والراء....أردت تجسيد شعور الغيرة التي تصيب المحبين....ولم أقصد كلمة حق وحر بعينهم ده مجرد مثال
الباء بتغير علىالحاء ...من حقها...بتحبه تعمل ايه يعني؟؟؟؟
(معنى صبيانيا لا مبرر له)لأ اعتقد ان المعنى الصبياني ده مبرره الحب

bounce bounce bounce
بس الحمد لله اني ختمت القصيدة على خير بغض النظر عن نطوف Neutral Neutral
مستنية باقي القوم ......ومنكم نستفيد
ترحيب ترحيب ترحيب


عدل سابقا من قبل Snow_white في السبت يوليو 11, 2009 3:29 am عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bokra-ahla.ahlamontada.net
firing_dragon
عضو ممتاز
عضو ممتاز


عدد المساهمات : 661
تاريخ التسجيل : 07/01/2009
العمر : 27

مُساهمةموضوع: رد: جاءتني دعوة.....   الأربعاء يوليو 08, 2009 5:07 am

بسم الله........

















والله من اروع ما قرات ...انا تقريبا بسببكم اصبحت عاشقا للشعر الحر......

وبداية قبل ابداء اي راي....انا لست من محبي تغير اي مقاطع للقصيدة ما دام انك وافقت علي النشر....طبعا النقد والتعديل مطلوب ولكن من قبل كاتبها نفسه....ولا احب اي شاعر يعدل من قصيدة بتغير كلام او مقاطع ذكرها غيره نصيا.....


بجد انا لا احترم اي قصيدة دخل عليها تعديل من فكر شخص اخر غير كاتبها.......


اما عن القصيدة نفسها.....فانا اجدها من افضل ما نشرت يا سنو وذات فكر جديد....ليس في الموضوع ولكن في التصوير...

وبداية جميع مقاطع القصيدة مليئة بالموسيقي والزخم التصويري الرائع....
وكان افضلهم....


_سأنظر في عينيكي السوداوتاني
فانسى كل أحزاني
كفاني أن لي باء
كبير قلبها الحاني



بصرف النظر عن ان المفروض عينيك السوداوتاني...لانك تتحدثي بالمذكر....وهذا لايعاب ايضا

بجد رائعة

وعلي فكرة الاخطاء الاعرابية ليست بالكثيرة ولكن ليه وضعتي كسرة في قولك ..........حنان....لا اجد مبررا قط خصوصا انك اساسا مش بتحطي حركات اعرابية...


اما ن اجمل صورة في القصيدة فهي...

كبير قلبها الحاني


واجمل موسيقي...


فكل الحروف حروف
وأنت وحدك المألوف



اما عن النقد.......اري في كثير من قصائدك انك تحدثي نفسك كثيرا اكثر مما في القصيدة....بمعني انك لا توضحي الكثير...فاشعر ان لديك كلام ولكن فجاة لا اراه........
كذلك بعض من تشتيت القارئ...فتارة تتحدثي عن شئ بالمذكر وتارة بالمؤنث ..ربما لا يكون عن قصد ولكن القارئ يقهم القصيدة بما يري ويقرا وليس بما تفكري انتي فيه......


اما عن نقد ....د ترو...............

فانا اري ان الانشاد يختلف عن الغناء وليس كما قال انهما وجهان.......
صحيح كلاهما يلعب الدور نفسه ولكن مع الجمع بينهما يظهر الفرق في معانيهما..
فالانشاد هو صوت الانشودة الحي بلا ادخال موسيقي او تحلية....
والغناء يدل علي ابقاء االانشودة بموسيقاها وتكراراها علي اللسان...


وكلمة اسقيك.....اري انها اسقيكا ...افضل بالفعل من ساسقيكا.....لانها توحي بالاستمرارية في الفعل دون انتظار..وهي بالطبع ملائمة اكثر...


ومما اردت ان افهمه ما هي كبوة الفارس هنا؟؟؟؟؟؟؟؟

ومما فهمته من هذا المقطع هو انك تتحدثي عن كلمة القرب....ق ر ب .....وليس كما ذكر...
صحيح اني لم افهمها من اول مرة....ولكن هذا ما فهمته بعد.......وارجو التوضيح


وطبعا كما ذكرت انا ضد اي تغير في القصيدة فهي لا تحتاج لتعديل والاخطاء النحوية واردة بالطبع ووحدها من يمكن تعديلها.......


وشكراااااااااااااااااااااااا

والي الامام.....وامتعينا دوما بفنك............
ترحيب ترحيب ترحيب ترحيب

_________________

نـتــواصــــــــل..... لأنـنـــا بالخـــير دومــــاً نــرتــــقـي




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Snow_white
Admin


عدد المساهمات : 764
تاريخ التسجيل : 01/09/2008
العمر : 27

مُساهمةموضوع: رد: جاءتني دعوة.....   الأربعاء يوليو 08, 2009 5:25 am

ترحيب جزاك الله خيرا د.فيرنج

انا يعني كنت بقصد اني ممكن اغير الجزء بتاع كثيرون ويتهامسون بس مش هخليه زي ماقال د.ترو
لأهكتبه باحساسي انا..... لأنها فعلا حسيتها وافقه شوية الجزئية دي.......مش يمكن نلاقي حاجه احسن

اما عن قرب اللي حضرتك فهمتها من القاف والراء
ده فهم رائع......ولكني لم اقصده
بس انا فرحانه ان كل حد فهم حاجه
انا قصدت حر ....و حق......بس زي ماقلتلكو فوق ماقصدش منهم كلمة حق وحر بعينها
لأ قصدت ان حرف الحاء ساعات بيروح لحروف تانية غير الباء....مما جعلها تغير عليه...فقصدت فقط تجسيد مشهد الغيرة بين المحبين
اما حنان انا مش عارفة اعمل فيها ايه مش عجباني وهي مرفوعة ولا وهي ساكنه كمان فلما كسرتها ارتحت....بس لو انتو متضايقين ممكن اخليها قرعة خالص من غير علامة
Very Happy
بس انا مش عارفة بقى هتقروها ازاي لو مش مأثره معاكو عادي مش هنخسر حاجه لو شيلنا الكسرة
ترحيب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bokra-ahla.ahlamontada.net
firing_dragon
عضو ممتاز
عضو ممتاز


عدد المساهمات : 661
تاريخ التسجيل : 07/01/2009
العمر : 27

مُساهمةموضوع: رد: جاءتني دعوة.....   الأربعاء يوليو 08, 2009 5:30 am

كلامك جاء ترجمة لا ذكرته انك لاتفسرين الكثير مما في خاطرك في كتاباتك......صحيح انك فرحانة ان كل واحد فهم حاجة ....بس ده مش حلو لينا لان لازم نفهم فكرتك صح عشان نعرف نحلل صح ونبدي راي بناء.......
وشكرااااااااااااااااااا

_________________

نـتــواصــــــــل..... لأنـنـــا بالخـــير دومــــاً نــرتــــقـي




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Snow_white
Admin


عدد المساهمات : 764
تاريخ التسجيل : 01/09/2008
العمر : 27

مُساهمةموضوع: رد: جاءتني دعوة.....   الأربعاء يوليو 08, 2009 5:38 am

فهموني...يعني ايه؟؟؟؟ يعني هي فكرة الغيرة مش واضحة ف المقطع ده؟؟؟؟؟

طب ممكن حضرتك تجرب تقرأ الجزء بتاع وماذا عن باقي الحروف؟؟؟تاني
بجد انا حسه ان الغيرة باينه جدا confused confused confused
ومش حسه بغموض فيها ......
ممممم
يمكن عشان انا اللي كتباها...........يمكن scratch
بس ايه يعني لما كل حد يفهما بشكل مختلف....ماكلنا غير بعض afro
وده هيدي مساحة للتفكير زي ما حصل ف ابحث عن شئ لا اعرفه...اللي كنت عن عمد ختمتها من غير ماحد يعرف انا ببحث عن ايه؟؟؟؟ لأني بكل بساطة لا اعرفه اصلا (حاله من الحيرة)
أما هنا لم أقصد اللف والدوران........ولم اتوقعه.....فوجئت به لما حضرتك فهمتها قرب
بس خلاص ترحيب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bokra-ahla.ahlamontada.net
true man
عضو ممتاز
عضو ممتاز


عدد المساهمات : 316
تاريخ التسجيل : 26/02/2009
العمر : 28

مُساهمةموضوع: رد: جاءتني دعوة.....   الأربعاء يوليو 08, 2009 7:50 pm

سلامو عليكو
انا تانى Very Happy
طبعا انا فرحان ان المناقشات بدأت والحمد لله بس انا حبيت اوضح كلامى شويه
يداوى ويشفى بنفس المعنى لكن يشفى اسهل فى الوزن وخصوصا لما ناخد النا من ياقى الكلمات زى يسقى هنلاحظ ان الكلمات من يفعل اما يداوى من يفاعل والف المد اعطت ثقلا(على الاقل عندى انا)
وبالنسبة للبدائل ده مجرد اقتراح وطبعا مش قصدى خالص انهك تلتزمى بيه وتعمليه كوبى باست زى ما فايرنج بيقول
وبالنسبة لكلمة اسقيكا طبعا المضارع افضل فىالمعنى بس البدء بالف القطع هنا مش تمام فاقترحت السين للتخفيف
دى كل الحكاية لان تتابع السين وبعدين الالف وبعدين السين هيسهل النطق وجربوها
وبالنسبة لمقطع القاف والراء ده
لازم نقف شويه
سنو لازم تعرفى ان جمال الكلمة انها تلائم مكانها بحيث لو اتغيرت باى كلمه تانية المعنى يختل والجو النفسى يتغير لذلك لابد تكون كل كلمة تحمل معنى معين يعنى انتى قلتى قاف وراء لو خلتها عين وطاء مش هيحصل اى حاجة وده دليل انها لا تحمل فى حد ذاتها معنى معين يمكن انتى مش ملاحظة ده لانك انتى اللى كتبتيها
الكلام حاليا موجه لفايرنج حاليا
ايه اللى مزعلك من انك فهمت معنى غير المقصود
معروف ان للنص ثلاث قراءات
قراءه تحليليه وهذه قراءة الناقد ويهتم بمواطن الجمال ومواضع الخلل وترابط الافكار او تنافرها وطرافة المعنى او تقليديته
قراءة تأمليه وهذه قراءة القارئ الاريب الباحث خلف ابواب الحروف عن المعنى والغواص خلف الكلمات
قراءة تفسيرية وهى شرح الشاعر قصيدته وتبيان مقصده
ولابد ان تتنوع النتيجة والفهم باختلاف القراءة
بل هذا الاختلاف دليل البراعة ما لم تتضارب الافكار بشكل يعسر معه الجمع بينها
ولا رأيك ايه يا صديقى

_________________
احب مكارم الاخلاق جهدى واكره ان اعيب وان اعابا
واصفح عن سباب الناس حلما وشر الناس من يهوى السبابا
ومن هاب الرجال تهيبوه ومن حقر الرجال فلن يهابا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ophelia
عضو جيد جدا
عضو جيد جدا


عدد المساهمات : 89
تاريخ التسجيل : 03/09/2008
العمر : 28

مُساهمةموضوع: رد: جاءتني دعوة.....   السبت يوليو 11, 2009 3:19 am

جميلة اوى وإحساسها عالى اوى

عجبتنى جدا الجزء بتاع القاف والراء وانها فضلت الباء cheers

روعة

ربنا يوفقك يا سنو وتفضلى تكتبى حاجات جميلة كده علطول Very Happy
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Snow_white
Admin


عدد المساهمات : 764
تاريخ التسجيل : 01/09/2008
العمر : 27

مُساهمةموضوع: رد: جاءتني دعوة.....   السبت يوليو 11, 2009 10:49 pm

ربنا يكرمك يا اوفيليا ترحيب

بس سبحان الله عجبك الجزء محل الخلاف.....حقيقي حاجه غريبة
الله اعلم انتي فهمتيه ازاي........بس الحمد لله انه عجبك

slam
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bokra-ahla.ahlamontada.net
زمردة
عضو ممتاز
عضو ممتاز


عدد المساهمات : 110
تاريخ التسجيل : 06/09/2008
العمر : 27

مُساهمةموضوع: رد: جاءتني دعوة.....   الخميس يوليو 30, 2009 7:13 pm

حلوووووووووووووووووووووة حلوووووووووووووووووووووة حلوووووووووووووووووووووة

ما شاء الله ..... عجبتنى عجبتنى صراحه


ترحيب صفاره ترحيب صفاره ترحيب

سلام سلام سلام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
جاءتني دعوة.....
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
بكره أحلى :: يلا نخلي بكره أحلى :: منتدى بكره أحلى................................... :: اللجنة الفنية-
انتقل الى: