جدول حياة....

بصوا يا جماعة ده جدول كنا بنطبقه أنا وصحابي السنين اللي فاتت
بس السنه دي انقطعنا عنه

وعايزين نرجعه تاني ...معاكو
هي الفكرة قائمه على تسجيل الأعمال اليوميه وجعلها بدرجات
وبيبقى المجموع الكلي هو الهدف الكبير اللي انت عايز توصله
وعايزين نتنافس مع بعض فيه
نشوف مين هيجيب أكتر(وفي ذلك فليتنافس المتنافسون)
الجدول كالآتي:
8عواميد والمجموع

الصلاة على وقتها 5 درجات(كل صلاه بدرجه...التأخير لحد نصف ساعه بعد كده ضاعت الدرجه)
عدد ساعات النوم (لا تزيد عن 7) ...4 درجات(كل ساعه زياده عن السبعه تشيل درجه من ال4)
الساعات الضائعة ب6 درجات....(لو ماضيعتش حاجه تآخد ال6 ولو ضيعت كل ساعه تشيل درجه...ملحوظه:الترفيه المعقول مش تضيع للوقت)
سنة الصلوات 15 درجه (كل ركعه بدرجه و15 هم ال12 ركعه السنه العاديه للصلوات و2 ضحى وواحده وتر....طبعا فيه تاني اللي عايز يزود براحته بس مافيش over)
مذاكرة الكم المحدد 10 درجات(كل واحد يحدد لوحده أو مع اصحابه الكم اللي هيذاكره النهارده...وبالتقريب كده تنقص من ال10 على حسب اللي عملته)
قراءة أو حفظ بعض القرآن الكريم 5 درجات (قراءه نصف ساعة في اليوم ب5 لو ربع ساعة يبقى 2ونصف وهكذا)
تقيييم السلوك العام (3 أخلاقيات مثلا)ب 10 درجات...(بر الوالدين ...الغيبه والنميمه...غض البصر..الحلم عند الغضب...حدد 3 أو 4 اخلاق يهموك في حياتك ووزع عليهم ال10 درجات وقيم نفسك فيهم)
الأذكار 4 درجات(2 صباح و2 مساء)
إذا المجموع من كام؟؟؟
من 60

ممكن تكتبوا الجدول في ورقه من الكشول اللي بتذاكروا فيه بتاريخ كل يوم
وقبل ماتناموا ممكن تجمعوا المجموع
يارب اكون قدرت اوضح التفاصيل .... طبعا لو حد عنده اقتراح أو استفسار مايتكسفش

حلو الكلام؟؟؟؟؟

مين بقى هيدخل معنا في المنافسة دي
عايزينها منافسه شريفة وعفيفة ....
وعايزين نقول على الهوا احنا جيبنا كام من غير تفاصيل
بس مش عارفة هنقول كل يومين مثلا علشان يبقى فيه فرصة تحسين المجموع في اليوم2)؟؟ولا إيه؟؟
وهنبد|امتى؟؟؟؟هافكروا معايا
ماتسيبونيش كده

انا اتشرف اني اكون اول واحد مؤيد هنا
كمان انا شايف ان التفاصيل واضحة جدا
كمان انا بقترح ان احنا نبدا التنفيذ يوم الجمعة من بعد الملتقي لاني كمان هبدا تنفيذ مشروع القران ينادينا والفضيحة هتبقي علني للي مش هيقرا ماااااااااشي؟

احمدك يارب .....
في حد انضم للجدول ...عقبال الباقي
جزاك الله خيرا لأنك أول واحد تشوفة .....بس ماقلتش ازاي هنتابع بعض
أنت موافق نكتب الدرجات يوم ويوم ....يعني نجمع يومين مع بعض ب120 ولا إيه النظام؟؟؟؟؟

فيه تسهيلات احب أوضحهالكو
في 15 ركعه السنه ....اللي يفوتوا مثلا سنة قبل الظهر (4 ركعات)ممكن يصليهم قبل العصر (هي آه سنه غير مؤكده) بس من السنن...وأهو كله بثوابه مافيش حاجه بتروح.....أو يصلي قيام ليل مثلا يعني يفكر في بدائل علشان يوصل للهدف(15 ركعه)
ما يقولش خلاص راحت عليا ويستسلم

وعن النصف ساعة (مده التأخير المسموح بها للصلاة )احنا كنا بنستثني الفجر ...يعني اللي يصليه حاضر يآخد الدرجه
والعشاء كنا عملين المده لحد الساعة 11 مساءا من باب تأخير العشاء بس بشكل معقول
إتفقنا؟؟؟
أظن كده قواعد الجدول اكتملت....لو افتكرت أي حاجه تاني هقولكو وانتو لوعايزين حاجه قولوا

فكرة هايله جدا بس حكاية على الهوا فضيحة حبتين
عموما هاحاول بس ليا استفسار طيب اللى يضيع 7 او8 ساعات ياخد كام؟؟؟
وبالنسبة للقران ياريت يبقى كم يعنى حزب جزء كده يعنى عشان فيه ناس بتخنصر وتفضل تتكلم وتحسب كل ده من وقت القران
واخيرا يعنى لو ضيعت النهارده 9او10 ساعات وبكرة مضيعتش حاجة وعملت زى الناس المحترمين ادى لنفسى كام؟؟

اللي يضيع أكتر من 6 ساعات
يروح ينام أحسن

وبكده
هينقص على ساعات النوم الزياده والحمد لله على كده

نصف ساعة قرآن=تقريبا نصف جزء
بس بنقول نصف ساعة علشان لو حد ناوي يحفظ ولا حاجه؟؟؟؟ بدل مايقرأ ....فالنص ساعة ساعتها هتساوي حفظ صفحة مثلا ....حسب التساهيل
بس مش مشكله لو حد هيكون مرتاح أكتر لما نقول نصف جزء....خلاص

أما عن الفضيحة ....ربنا مايجبش فضايح إن شاء الله....
بس الصراحة مش لاقيه حل تاني علشان ماحدش يخنصر و ينفذ الجدول يومين ....ويكتفي بهذا القدر

يا شباب
ايه رأيكو نبدأ تفعيل الجدول من بكرة....كفايه تأخير بقى لحد كده
وفي موضوع الهمة طريق إلى القمه في اللجنه الثقافيه ..ممكن نقراه قبل مانبدأ

المهم
متهيئلي نعمل اعلان الدرجات يوم الأثنين والأربعاء والجمعة
الأثنين= مجموع السبت والأحد=120
الأربعاء= الاثنين والثلاثاء=120
والجمعة= الاربعاء والخميس=120
والجمعة نحتفظ بدرجته لنفسنا كإختبار لإخلاصنا هل بنعمل علشان الناس هتشوف درجاتنا ولا علشان ربنا يرضى عنا....يعني من خلال درجة يوم الجمعه ممكن نقيم الموضوع ده

واللي يحصله أي ظرف ومايعرفش يدخل الأيام دي....يدخل في أي يوم بس يقول مجموع الإثنين= كذا و.....

كده كويس؟؟؟؟؟
يلا بقىىىىىىىىىى

نبدأعلى بركة الله

انا من رايى يتم تاجيل عمل جدول الحياة الى ما بعد امتحان الراوند

واظن جميع الاعضاء متفقين معايا

وذلك لقلة تواجد الاعضاء السبوع ده والاسبوع اللى جاى

فكرة مباركة
على بركة الله

فعلا كلنا مشغولين الأيام دي
بس ابقوا خليكو فاكرينه

وللي عايز يسخن عقبال ماالراوند يخلص على خير
هتكون دي فرصه حلوة علشان يتضرب عالجدول سرا ...لأنه في الأول بيكون غريب شويه
بس بعد كده بيبقى سهل تطبيقه بإذن الله......

ربنا معانا في امتحان الراوندات ونحل كلنا حلو ونخرج من الإمتحان عاملين كده

ولون الواحد ساعات بيبقى عامل كده من غير حاجه