بكره أحلى

إلى العلم والأخلاق نسعى .......... يلا نخلي بكره أحلى
 
الرئيسيةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 شويه نكت يا رب تعجبكو

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
true man
عضو ممتاز
عضو ممتاز
avatar

المساهمات : 316
تاريخ التسجيل : 26/02/2009
العمر : 28

مُساهمةموضوع: شويه نكت يا رب تعجبكو   الخميس أبريل 02, 2009 6:53 am



واحد زرع ورده............ ‏طلعتله ام كلثوم .



•واحد رمى يمين الطلاق على مراته ‏ماجاش فيها.


•كسلان دخل الامتحان وقع منه القلم .‏سلم الورقة.


•مرة واحد باع اللى وراه والى قدامه وا شترى اللى جنبه.


•بقرة جالها جفاف نزلت نيدو.


•ليه الخشب يتيم؟.......‏لأ نه مقطوع من شجرة.


•مرة 5 ‏دخلوا كلية الهندسة اثنين طلعوا مهندسين وثلاثة طلعوا مدينة نصر.


•عربية كحيانة صاحبها سابها قدام بيت مهجور....‏ليه؟؟ ! ‏عاوزها تبقى عربيةشبح .


•مره واحد عداه العيب اخد الي بعده.


•واحد خلقه ضاق اداه لأخوه الصغير.


•دبانة وقعت فى ازازة وسكى طلعت تقول اوعى النسر.


•واحد مشغول اتجوز واحدة مشغولة خلفوا ولد مش فاضلهم.


•‏مرة مدرس رياضيات خلف ولدين و استنتج التالت.


•واحدة اتجوزت واحد شخصيته مهزوزة . ‏ركبت له أريل.


•واحدة بلدياتنا قالت لجوزها قولى كلمه حلوه ، قال لها بسبوسه قالت له يا اخى قولى كلمه تهزنى ، قال لها مرجيحه قالت له قولى كلمه احس فيها انى مراتك قال لها انتى طالق


•مرة دكتور اسنان اشترى عود قصب لقاه مسوس حشاه.


•خبير ارصاد جويه ... ‏اتجوز وخلف بنتين الكبرى 27 ‏والصغرى 13


•صعيدي جزمته اتقطعت خيطها وبعد أسبوع لقاها كويسه فك الخياطه


•واحدة بتقول لحبيبها أهلي مسافرين والبيت فاضي قالها أقري قرآن ومتخفيش.


•محشش لقي كنز قال:كويس فاضل الخريطة!!




•مين أكثر إنسان صابر في الدنيا؟؟؟ صعيدي ينتظر إليسا علي قناة إقرأ.


•واحدة سودة قوي ركبها عفريت حاولوا يطلعوه قالهم نفسي أطلع بس مش شايف.


•واحدة بتقول لجوزها اطرد السواق كان حيموتني مرتين في حادثة قال لهاخلينا نديه فرصة ثالثة ....

•مسطول صدم شرطي وموته راح متصل بـ122 وقالهم:أحب أبلغكم إنكم بقيتوا 121 .

•صعيدي قال لأبوه أنا عاوز موبايل قاللوا موافق بس تركب أخواتك معاك.

•محشش بيسأل محشش التعلب بيولد ولا بيبيض قاله التعلب مكار توقع منه أي حاجة


•مرة واحد وقف تاكسي و قاله : ‏فاضي ياسطى ؟؟؟قاله : ‏ايوه فاضي..

‏قاله: ‏طيب... تعالى اقعد معايا عالقهوة شوية !!


•‏مره واحد ابنه طلع من الأوائل .......... شفروه!


•‏التلميذ : ‏بحبك يا أبله و عاوز أتجوزك.... ‏المدرسه: ‏بس أنا مبحبش الأولاد الصغيرين...

§‏التلميذ: ‏وأنا مش مستعجل على الأولاد .


•ثلاثة مساطيل قاعدين في سهرة

§الأول : ‏أنا عندي فلوس أشتري بيها أمريكا الشمالية

§الثاني : ‏وأنا عندي فلوس أشتري بيها أمريكا الشمالية و الجنوبية

§الثالث : ‏و مين قالكم إني رح أبيع



صعيدي ربح مليون خافوا يبلغوه يموت مصدوم .. قال العمده أنا أقوله.قال يامحمدين لو ربحت مليون حتعمل بيهم إيه؟ قال:أديك نصهم ... مات العمدة !






شرطي مرور خلف واد بيتكلم بالاشارة

مرة حلاق و ابنة بيتفرجوا على متش كورة فقال المذيع :وشطها بمشط
رجلة و جت فى المقص فقال ابن الحلاق : بابا دول بيلعبوا فى العدة

واحد بلدياتنا عاوز يفسح عروسته في شهر العسل، فسحها في منحل

واحد سباك نفسه اتسدت غرقت الشقة
مسطول قابل واحد صاحبه متغاظ من امريكا، المسطول حب يهدي صاحبه، قاله شوف امريكا من غضب ربنا عليها خلاها هناك فى آخر الدنيا لكن مصر يادوبك ساعتين بالبيجو

تحطمت طائرة صغيرة تتسع لراكبين فقط فوق احد المقابر بالصعيد
اخوانا الصعايدة انتشلوا 500 جثة وما زال الحفر مستمراً
ياعوضين بنتك ماتت
قام الصعيدى وبسرعة رمى نفسه من الطابق العاشر
لما وصل الطابق الثامن تذكر انه ما عندوش بنت
لما وصل السادس تذكر انه مش متجوز
لما وصل للرابع تذكر انه مش عوضين ولكنه حسنين
لما وقع عالارض ماحصلش حاجة
صعيدي بالغلط دخل متحف للفن الحديث
توقف عند احد اللوحات وسأل أحد المنظمين جنبه
ايه الشكل المرعب ده، هو ده الفن اللي بتسموه حديث؟
رد المنظم : دى مراية يا أستاذ
واحد مسطول رجع البيت متأخر فمراته بتسأله كنت فين يا سوبر مان قالها كنت فى مشوار يا وليه قالتله
مشوار ايه يا سوبر مان قاله يا وليه بقولك مشوار قالتله انا عايزه اعرف مشوار ايه يا سوبر مان قالها ياوليه بقلك كنت فى مشوار وبعدين ايه حكاية سوبر مان سوبر مان دى قالتله اصل مفيش حد بيلبس اللباس على البنطلون الا سوبر مان
مرة واحدة ست عجوزة قاعدة لوحدها في البيت وبعدين التليفون رن لقت واحد بيقولها انا الرجل ذو الايدي الملوثة بالدماء انا هاجي لك بعد سنة الست قالت ده واحدبيعاكس وقفلت السكة المهم اتصل بيها تاني بعد شهر وقالها انا الرجل ذو الايدي الملوثة بالدماء انا هاجي لك بعد 11 شهر الست بردو قالت ده واحدبيعاكس وقفلت السكة المهم اتصل بيها تاني بعد شهر وقالها انا الرجل ذو الايدي الملوثة بالدماء انا هاجي لك بعد 10 شهور الست بردو قالت ده واحدبيعاكس وقفلت السكة المهم اتصل بيها تاني بعد شهر وقالها انا الرجل ذو الايدي الملوثة بالدماء انا هاجي لك بعد 9شهور المهم فضلو كده كل شهر يتصل بيها لغاية ما في يوم اتصل وقالها انا هاجي لك بكرة الست خافت ليكون بيتكلم بجد تاني يوم اتصل بيها وقالها انا الرجل ذو الايدي الملوثة بالدماء انا هاجي لك دلوقتي الست خافت اوي اوي وفكرت تعمل ايه تعمل ايه وفجأة جرس الباب ضرب فتحت لقت راجل شكله وحش اوي وايديه كلها دم وقالها انا الرجل ذو الايدي الملوثة بالدماء ممكن اغسل ايدي ؟؟


واحد بلدياتنا اشتري راديو حط فيه حجرين المذيع اتسطل


واحد حب يصطاد ارنب - قلد صوت جزرة


مره كان في اتنين مساطيل قاعدين بيحششوا فا واحد بيقول للتاني انا شايفك اتنين فالتاني بيقولوا لا انا الي شايفك تلاته فقالوا الاول لا انا الي شايفك اتنين المهم قالوا خلاص احنا نروح لشيح المساطيل فقال خلاص نروح لشيخ المساطيل فراحوا وعرضوا عليه المشكله. فقالهم خلاص اصحاب المشكله يقعدوا على جنب والباقي ده كولوا يروح
مضيفة طيارة بتسأل راكب ... تحب انزل لك عشاء كامل ؟؟؟؟ رد عليها : ليه هو كامل
مش حيتعشى!!!
مرة واحد بيقولوا له .... مراتك ماشيه مع كهربائي المنطقه .... قال لهم ده ولا
كهربائي ولا بيفهم حاجه في الكهربه !!!

***

واحد حانوتي ربنا فتحها عليه و فتح محل فكهاني..كل يوم في المحل يقعد ينادي :المووووووز علينا حق
حشاش بيقول لصاحبه:
انا حلمت امبارح أننا بقينا فنانين .. أنت فنان تشكيلي ..... وأنا فنان أشكيلك
اثنين من الصاعيده هاجموا الناس الي بتطلع عليهم نكت وطلبوا من أي شخص بحراوي يعملهم أختبار لذكائهم فدخل الصعيدي
الأول وسأله البحراوي:حاجه بنلبسها لونها أسود وليها رباط
فجاوب الصاعيدي:جزمه طبعآ
فرد البحراوي عليه:شكلك هتخلينا نغير تفكيرنا في الصاعيده نادي على ذميلك ألي بره
الصعيدي وهو خارج همس في ودان ذميله وقال له:هيسألك عن الجزمه
سأل البحراوي الصاعيدي الثاني حاجه لونها أسود بتتألي في الزيت وبتتاكل أه هيه؟
رد الصاعيدي:برباط يا بيه!!!
قاله البحراوي:لأ
رد الصاعيدي:تبجى بلغه يا بيه
=====
واحد بخيل عنده اربع حيطان دهن واحده منهم باللون
الاصفر والباقى كتب عليهم نفس اللون
محشش بيحل الكلمات المتقاطعة
مثنى صخرة : ح ج ر ي ن
من اجزاء الجسم : د م ا غ
رتّب : ر ص
من ابراج الحظ : ا ل ج و ز ة
يجيدها الترزى : غ ر ز ة
لمعس مبعثرة : م ع س ل
اداة استفهام : ك ي ف
تجدها فى سمبوكسة : ك ب س ة
ملقاط كبير : م ا ش ة
من اوصاف الدنيا : غ ا ب ة
يجذب : ي ش د
جمع شهيق : ا ن ف ا س

_________________
احب مكارم الاخلاق جهدى واكره ان اعيب وان اعابا
واصفح عن سباب الناس حلما وشر الناس من يهوى السبابا
ومن هاب الرجال تهيبوه ومن حقر الرجال فلن يهابا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
firing_dragon
عضو ممتاز
عضو ممتاز
avatar

المساهمات : 661
تاريخ التسجيل : 07/01/2009
العمر : 28

مُساهمةموضوع: رد: شويه نكت يا رب تعجبكو   الجمعة أبريل 03, 2009 8:25 pm

حلوة اوي يا واد
تسلم ايدك

Very Happy Very Happy Very Happy Very Happy Very Happy Very Happy Very Happy Very Happy

_________________

نـتــواصــــــــل..... لأنـنـــا بالخـــير دومــــاً نــرتــــقـي




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
asd alaqsa
عضو ممتاز
عضو ممتاز


المساهمات : 314
تاريخ التسجيل : 23/12/2008

مُساهمةموضوع: رد: شويه نكت يا رب تعجبكو   الجمعة أبريل 03, 2009 8:55 pm

أضـــــــحــــك
الله
ســـــــــــــــنك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Snow_white
Admin
avatar

المساهمات : 764
تاريخ التسجيل : 01/09/2008
العمر : 28

مُساهمةموضوع: رد: شويه نكت يا رب تعجبكو   الإثنين أبريل 20, 2009 6:25 pm

Laughing Laughing Laughing Laughing Laughing Laughing Laughing Laughing

جميلة جدا
جزاك الله خيرا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bokra-ahla.ahlamontada.net
 
شويه نكت يا رب تعجبكو
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
بكره أحلى :: يلا نخلي بكره أحلى :: منتدى المنوعات ...................................... :: بتضحك على إيه؟-
انتقل الى: