الكلمة الطيبة.....الإنطلاقة الرابعة

موعدنا الآن مع الانطلاقة 4
الكلمة الطيبة
كل واحد فينا يحاول يبدأ بنفسه.....مايستناش حد يقوله كلمه حلوة
يلحق هو يقولها لأي حد يعرفه
اهله وأقاربه....أصحابه.....التعاملات اليوميه
ممكن برسالة موبيل الواحد يبعتها لصديق قديم مثلا مبقاش معاه في الكلية.....يرجع بيها الحب والصداقه
ويجددها مع أصدقائه الحالين
عايزين مانبخلش بالكلمة الحلوة
ونبقى كرماء في مشاعرنا واحسيسنا.........الكرم مش بس في الفلوس
......................
أنا سمعت حلقه في برنامج عن الموضوع ده
وكان بيقول حاجه أثرت فيا أوي
فيما معنا........(عبر عن مشاعرك لمن تحبهم وهم أحياء....ولاتدخرها حتى يصبحوا من الأموات....فتكتبها على قبورهم)
وقال كمان اننا نكتب في ورقه أسماء الناس اللي المفروض نشكرهم أو نقولهم كلمات طيبه ونبعتهالهم أو نقولهالهم
.........................
هنتهز الفرصة ....وأبدأ بنفسي
أحب أقول لأبي وأمي......ربنا يخليكو ليا ويحفظكو ويرحمكم كما ربيتاني صغيره
ولأصحابي اللي أنا بموت فيهم ومش عارفة كنت هعمل إيه من غيرهم
(أنا بحبكو جدا واتمني اننا نظل أصدقاء إلى الأبد)
وبشكر كل أعضاء المنتدى اللي من غيرهم المنتدى ماكنش هيبقى منتدى......واللي جبروا بخاطرنا وبخاطر الأسرة

جزاكم الله خيرا
والصراحة في قائمه طويلة من الناس محتاجه مني شكر....هحاول أوصلهم واشكرهم بإذن الله

فعلا موضوع هايل يا سنو

والشكر ده يعتبر اعتراف بالجميل

وانا بعديك ببدا بالشكر لبابا وماما اللى من غيرهم ما اساويش اى حاجة ومهما قلت مش هاوفى حقهم عليا


واصحابى اللى عملوا كتير علشانى وخاصة انتيمى اللى هو صاحبى واخويا وحبيبى

واخيرا وليس اخرا اعضاء منتدى بكرة احلى اللى اتمنلهم الصحة والسعادةوالنجاح

احب اقول شكراااااااااا وربنا يخليكو لبابا وماما لانهم سبب وجودى ولاخواتى محمد واسامة اللى مقدرش اعيش من غيرهم ولاعضاء المنتدى كلهم ماعدا الحرامى اللى عارف نفسه

شكرآ جدآ يا د: سنو علي الموضوع الرائع ده
و أحب افكركم ( الكلمة الطيبة صدقة )
وفي القران (ادفع باللتي هي احسن)
ومن المؤكد ان الواحد مننا هيلاقي ان اقرب الناس الي قلبه ( سواء من اصحابه في الكلية او بره الكلية او اقربائه او حتي داخل اسرته )
هم الاشخاص اللي كلامهم ودود
فالشخص العصبي حاد الطباع قليل الاصدقاء وديه حاجة كلنا ممكن نلا حظها
وقد قيل (من لا يشكر الناس لا يشكر الله)
فلازم الواحد يعرف فضل والديه عليه ( في رعايته وتربيته .........ألخ)
وفضل اساتذته ودكاترته
وفضل اصدقائه عليه
وقبل هذا كله فضل ربه عليه وقد قال عز وجل في كتابه(وكان فضل الله عليك عظيمآ)
ومننساش نذكر فضل سنو في تذكيرنا بالموضوع ده
مشكورة يا د؛ سنو علي الموضوع الجميل ده