بكره أحلى

إلى العلم والأخلاق نسعى .......... يلا نخلي بكره أحلى
 
الرئيسيةمكتبة الصورس .و .جبحـثقائمة الاعضاءالمجموعاتالتسجيلدخول

شاطر | 
 

 مشكلة تؤرقنى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
true man
عضو ممتاز
عضو ممتاز


عدد المساهمات : 316
تاريخ التسجيل : 26/02/2009
العمر : 28

مُساهمةموضوع: مشكلة تؤرقنى   الجمعة مارس 13, 2009 8:06 pm

سلامو عليكو....
انا قلت ادخل زى ما انا لا زائر ولا حاجة لان ببساطة محدش يعرف انا مين
انا مشكلتى هى الغضب ..لا مش باغضب بسرعة ولا حاجة...بالعكس بيقولو عليا هادىوصبور.
بس المشكلة انى لما باغضب باتحول لشخص تانى خاااااالص يعنى لا هادى ولا مؤدب ولا اى حاجة وصوتى الواطى زى البنات-زى ما اصحابى بيقولو يعنى-بيسمع اللى فى اسوان وممكن اضرب واشتم وازعق...انا عارف ان كل انسان ساعات بيغضب بس المشكلة انى احيانا باغضب من حاجات لما اهدى القاها هايفة وبسيطة.....مثلا امبارح كنت باعمل البحث ولما لقيته معصلج اتخنقت ويا ويله اللى كان يسألنى مالك بابا وماما واخواتى باختصار مكنتش طايق نفسى مع انى لما عملته لقيت الموضوع هايف وماحبكتش انى اعمله فى نفس اليوم يعنى...ومشيت زى الاهبل فى الشقة وعمال اقول انا مبسوط مبسوط مبسوط bounce bounce
نرجع لموضوعنا انا باخاف من اوقات غضبى لانها مش بتعدى على خير..مثلا يعنى فتحت دماغ واحد وخد 5غرز وكان عنده هيموفيليا كمان ومرة كسرت ايد واحد..ومرة وانا فى ثانوى ضربت مدرس فى الطابور وكنت هاضرب المدير لما جه يقولى سيبه وما سبتوش غير لما هديت والمدير قالى سيبه وانا هاخدلك حقك _مع ملاحظة انى عمرى ما شاغبت فى حصة اساسا دايما معايا كتبى واسمع الشرح واكتب اللى يعجبنى_ومرة اتخانقت مع واحد رحت جايب قطر وسلك وخلتهم معايا فى الشنطة عشان اعوره واللى نجاه انه مجاش المدرسه لمدة اسبوع تقريبا
على فكرة دى كل المرات اللى اتخانقت فيها فى حياتى تقريبا ...اللى مضايقنى انى شخصيتى على النقيض يعنى ساعات حد يشتمنى اقول ولا اكنك سامعه ...مش عارف ايه اللى بيخلينى كده يعنى انا مش عصبى ومش متهور فيه حد عنده حل لمشكلتى بس يكون قابل للتطبيق

_________________
احب مكارم الاخلاق جهدى واكره ان اعيب وان اعابا
واصفح عن سباب الناس حلما وشر الناس من يهوى السبابا
ومن هاب الرجال تهيبوه ومن حقر الرجال فلن يهابا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
dr.no
عضو ممتاز
عضو ممتاز


عدد المساهمات : 205
تاريخ التسجيل : 24/01/2009
العمر : 28

مُساهمةموضوع: رد: مشكلة تؤرقنى   الجمعة مارس 13, 2009 11:12 pm

بص يا عم ترو

اللى عندك ده مرض بس متخافش انت مش مجنون ولا حاجة

بناء على كلام اكبر دكتور فى مصر الدكتور احمد عكاشة

اللى عندك ده تلت الشعب المصرى بيعانوا منه

انك هادى خالص وبتسمع الكلام لكن اللى يضايقك او يعصبك ما تبقاش شايف ادامك

والدكتور احمد عكاشة بيقول ان ده بيبقى مخزون عند الشخص الهادى او طاقة

بيفرغها فى الوقت المناسب والمكان المناسب

والدكتور احمد بيقول انه للاسف مالوش علاج لان ده يعتبر من الطباع انت للاسف زى ما بيقولوا الحلو ما يكملش
انت هادى وكويس ومؤدب ولكن لما تتعصب تبقى مشكلة

ومن شب على شئ شاب عليه

واللى فيه عادة لا يمكن يغيرها ابدا

وكل اللى هقولهولك فين تعاليمنا تعاليم الدين الاسلامى

اسمع كلام ربك

والكاظمين الغيظ
والعافين عن الناس
والله يحب المحسنين

عايز ربنا يحبك ولا لا

لو انت مسلم صح هتسمع كلام اللى خلقك وتنفذه
شكرا شكرا شكرا شكرا شكرا شكرا شكرا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
true man
عضو ممتاز
عضو ممتاز


عدد المساهمات : 316
تاريخ التسجيل : 26/02/2009
العمر : 28

مُساهمةموضوع: رد: مشكلة تؤرقنى   الجمعة مارس 13, 2009 11:17 pm

يا دكتور صعب قوى تقولى خليك هادى وما تتعصبش ابدا انا عارف ان الغضب غلط بس صعب اكون بارد قوى
وبالنسبه لكلام د.عكاشة معناه ان هاعيش ولا لا قولى ربنا يخليك

_________________
احب مكارم الاخلاق جهدى واكره ان اعيب وان اعابا
واصفح عن سباب الناس حلما وشر الناس من يهوى السبابا
ومن هاب الرجال تهيبوه ومن حقر الرجال فلن يهابا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
asd alaqsa
عضو ممتاز
عضو ممتاز


عدد المساهمات : 314
تاريخ التسجيل : 23/12/2008

مُساهمةموضوع: رد: مشكلة تؤرقنى   الجمعة مارس 13, 2009 11:40 pm

لله
الحليم
الشديد
ركانة
الاخر


عدل سابقا من قبل asd alaqsa في السبت مارس 14, 2009 6:16 am عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
fatota
Admin


عدد المساهمات : 481
تاريخ التسجيل : 05/09/2008
العمر : 28

مُساهمةموضوع: رد: مشكلة تؤرقنى   السبت مارس 14, 2009 2:57 am

اولا احب اشكر حضرتك جدا على شجاعتك دى
لأن اعتراف الإنسان بخطأه وعيوبه فده شئ صعب جدااااااا
سلام سلام

المهم انا مش مع كلام د/نو لأن ربنا لايمكن يكلفنا بحاجة فوق طاقتنا ممكن تكون صعبة بس مش مستحيلة Evil or Very Mad
يعنى اقصد اننا اكيد ممكن نتغير والا نروح نموت بقى!!!!!!!!!!!!!!!
ان الله لايغير ما بقوم حتى يغيروا ما بانفسهم
ومن تصبر يصبره الله


يعنى المقصود ان لو واحد عصبى ممكن انه يتغير لو استعان بالله

واعتقد ان علاج اى تغير محتاج
1- تكتب انت عايز تتغير ليه( مش عاجباك الصفة دى-بتضايق الناس - بتغضب ربنا............) زى ما انت شايف

2- انك تاخد القرار وتلزم نفسك بتنفيذه ( الموضوع محتاج قوة ارادة)

3- لما تتضايق حاول تفكر فى اللى انت كنت كاتبه وعايز تتغير عشانه

4- تستعين بالله وده طبعا اول حاجة وتدعى فى صلاتك
5- حاول تدور على حاجات تساعدك زى انك تتوضأ او تستغفر او تستعيذ من الشيطان وكدة يعنى
الموضوع مش هيجى من اول مرة المهم انك لا تياس وتفضل تحاول

متفضلش تقول مش هعرف والموضوع صعب-وانا مصدقاك انه كدة فعلا- بس اكيد انت اقوى صدقنى لو حطيت الموضوع فى دماغك هتقدر وربنا هيعينك

واحنا ان شاء هندعيلك لأن انت كدة هتودى نفسك فى داهية -بعد الشر يعنى- واحنا محتاجينك فى المنتدى
وبصراحة مش فاضين نجيبلك عيش وحلاوة
Very Happy
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
true man
عضو ممتاز
عضو ممتاز


عدد المساهمات : 316
تاريخ التسجيل : 26/02/2009
العمر : 28

مُساهمةموضوع: رد: مشكلة تؤرقنى   السبت مارس 14, 2009 3:30 am

كلامك جميل يا ست فطوطة هاحاول اطبقه وربنا يسهل
اما عن العيش والحلاوة فانا مش محتاجهم اولا لانى مبحبش الحلاوة وثانيا لان المرة الجاية هيكون التعامل مع المفتى مباشرة من غير سجن ولا كلام من ده
واما عن الشجاعة فانا شايف العكس لان ببساطة انا باتكلم من ورا قناع ترو ومحدش عارف انا مين يبقى شجاعة ايه بقى

_________________
احب مكارم الاخلاق جهدى واكره ان اعيب وان اعابا
واصفح عن سباب الناس حلما وشر الناس من يهوى السبابا
ومن هاب الرجال تهيبوه ومن حقر الرجال فلن يهابا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Snow_white
Admin


عدد المساهمات : 764
تاريخ التسجيل : 01/09/2008
العمر : 27

مُساهمةموضوع: رد: مشكلة تؤرقنى   السبت مارس 14, 2009 5:57 am

طبعا أنا اتأخرت
والأعضاء جزاهم الله خيرا قاموا بالواجب

بس تسمحلي أقول لحضرتك كلمتين كده على قد ماقسم؟؟؟

أنا مؤمنه أن الإنسان ده(اللي حضرتك واحد منهم) اللي ربنا فضله على كل المخلوقات ... يقدر يعمل أي حاجه هو عايزها
وإلا ماكنش ربنا فضله....فهو عنده قوة عجيبه بس دفنها جواه ... محتاج بس يآخد القرار الصادق انه يخرجها bounce bounce

يعني لو حضرتك عايز تتغير بجد ..هتتغير
ممكن لما حد ينرفزك وتبقى عايز تشيله من على الأرض شيل...علشان تضربه يعني...
تسكت وتآخد نفس وتطلعه من فمك...تنفخ يعني ....بس بلاش تنفخ في وشه Neutral
لأن ساعاتها هو اللي هيشيلك من على الأرض شيل

أصل الصراحه انا برده ساعات بتنرفز وطريقة النفخ دي ريحتني كتير flower
flower flower
وابقى استعيذ بالله وادعي دايما ان ربنا يجعلك من الصابرين ويخلقك بخلق الإسلام

آه فيه حاجه كمان جت في بالي
خلي حد من أصحابك يساعدك في التغلب على المشكله سرا...
يعني تتفق معاه لما يلقيق اتنرفزت وهتبدي تفقد اعصابك يعمل أي حاجه تنبهك scratch scratch scratch
يمسك ايدك ....يعمل أي حاجه تخرجك من الحاله اللي انت بتكون فيها دي
واول حاجه في طريق التغير ان الواحد يعترف بالمشكله وحضرتك اعترفت سلام
وربنا معك ويقدرك ويقدرنا على التغيير
flower flower flower
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bokra-ahla.ahlamontada.net
true man
عضو ممتاز
عضو ممتاز


عدد المساهمات : 316
تاريخ التسجيل : 26/02/2009
العمر : 28

مُساهمةموضوع: رد: مشكلة تؤرقنى   الخميس مارس 19, 2009 2:27 am

شوفى يا ست سنو انا جربت طريقة النفخ وجابت نتيجة هايلة بس مش معقل هفضل انفخ طول عمرى وبعدين مين ده اللى يقدر يشلنى شيل
انتى شكلك كده تعرفينيش ...... انا ياستى محدش يقدر اولا لانى هاطلع يلا عينه وخلاص خلينى محترم ..انيا لانى90 كيلو يعنى هاقسم وسطه
وحكايه حد يمسك ايدك ويمسك رجلك بيتهيألى مش عملية خالص
عموما الف شكر يا ستى ونردهالك فى الافراح ترحيب ترحيب ترحيب

_________________
احب مكارم الاخلاق جهدى واكره ان اعيب وان اعابا
واصفح عن سباب الناس حلما وشر الناس من يهوى السبابا
ومن هاب الرجال تهيبوه ومن حقر الرجال فلن يهابا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
firing_dragon
عضو ممتاز
عضو ممتاز


عدد المساهمات : 661
تاريخ التسجيل : 07/01/2009
العمر : 28

مُساهمةموضوع: رد: مشكلة تؤرقنى   الخميس مارس 19, 2009 8:27 pm

بص يا سيدي ،
انا عندي العلاج السحري الرهيب.........
ايوه انا............

لان انت كده غلبان فعلا بالمشكلة دي........
بصلي بقي........واسمع المجنون للاخر......،


صلي علي رسول الله .........( ما تخافش مش هاحضرلك ارواح )

يابني انت تعبان بطبعك ده لان مفيش حد كده خالص منين انت غلبان ومنين لما حد بيقولك كلمة تزعلك وتديليه فين يوجعك (زي ما بتقول؟)

سيبك من فكرة النفخ دي او التخطيط او حتي العلاج النفسي لان كل ده مش هيجيب نتيجة معاك ....
يبقي العمل ايه؟؟؟؟

د asd قالهالك بس انت ما وصلتكش .....
انت ان ذكرت الله واستعذت بالله من الشيطان الرجيم ....كده وسميت وسيبت الموقف كله ورحت تتوضا وتصلي ركعتين...
صدقني كان شئ لم يكن......
وفيه وسيلة مساعدة تانية انا مجربها بنفسي ما تجادلش فيها هي ان الانسان بيذكر موقف مشابه قديم زيه او اصعب منه ، المهم يفتكر ، ويفكر ايه اللي حصل ، انت عديت من الموقف ده ازاي؟؟؟

اما بقي سعادتك لو قلتلي ان ده مش بيحوق معاك يبقي انت مش غلبان ولا حاجة زي ما بتقول وزيك زي التمانين مليون مصري اللي لما بيتعصب ما بيشوفش قدامه حتي لو اضرب.....

وانت ممكن تفتكر في نفسك مثلا انك جامد ولا حاجة ، طبعا ده لما بتشوف بس واحد غلبان اضعف منك ، طب بتعمل ايه لو اللي ضايقك واحد اكبر منك جسدا وعقلا ، هتعيط.؟؟؟؟ ولا هتجري وتخلع ؟؟؟؟ وما تعمليش فيها صوبر مان ( الله يخليك)


يبقي الحل زي ما قلتلك وبس.............،
وربنا يعينك ده لو انت صادق ونيتك صادقة......
affraid

_________________

نـتــواصــــــــل..... لأنـنـــا بالخـــير دومــــاً نــرتــــقـي




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
true man
عضو ممتاز
عضو ممتاز


عدد المساهمات : 316
تاريخ التسجيل : 26/02/2009
العمر : 28

مُساهمةموضوع: رد: مشكلة تؤرقنى   الخميس مارس 19, 2009 11:06 pm

انا زعلان انك مش مصدقنى
انا يا سيدى الحليم اذا غضب باختصار...يعنى نادرا ما باغضب وعندى برود اعصاب وباعرف اطنش بس احيانا اغضب وممكن يكون سبب تافه استحملت اصعب منه قبل كده ...وسؤالى اللى محدش فهمه هل ده طبيعى اولا
ازاى اتغلب عليه انا شخصيا باحاول ابعد عن اشخص اللى بيضايقنى وانزل اتمشى لحد ما اهدى ساعتين ثلاثة المهم اهدى وكنت عاوز حل احسن وجربت النفخ
معاك ان الصح ان اتوضا واصى بس احيانا باكون مش قادر افكر ولا اعمل حاجة
يلا هى موتة ولا اكتر
سلام

_________________
احب مكارم الاخلاق جهدى واكره ان اعيب وان اعابا
واصفح عن سباب الناس حلما وشر الناس من يهوى السبابا
ومن هاب الرجال تهيبوه ومن حقر الرجال فلن يهابا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
firing_dragon
عضو ممتاز
عضو ممتاز


عدد المساهمات : 661
تاريخ التسجيل : 07/01/2009
العمر : 28

مُساهمةموضوع: رد: مشكلة تؤرقنى   الجمعة مارس 20, 2009 6:18 am

يا سيدي مصدقك ، انا بس بقنعك بفكرتي يعني انت لو كنت زي ما بتقول يبقي الطريقة دي هتنفعك وهتجيب معاك نتيجة ،
والا فانت هتصبح شخص عادي وده لا يعكس سبب استفسارك من الاساس ،
ياريت تكون انت اللي فهمتني ،



أخ أخ أخ

_________________

نـتــواصــــــــل..... لأنـنـــا بالخـــير دومــــاً نــرتــــقـي




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مشكلة تؤرقنى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
بكره أحلى :: يلا نخلي بكره أحلى :: منتدى بكره أحلى................................... :: همك همنا-
انتقل الى: