بكره أحلى

إلى العلم والأخلاق نسعى .......... يلا نخلي بكره أحلى
 
الرئيسيةمكتبة الصورس .و .جبحـثقائمة الاعضاءالمجموعاتالتسجيلدخول

شاطر | 
 

 قصيدة .... (حي......مقتول )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
firing_dragon
عضو ممتاز
عضو ممتاز


عدد المساهمات : 661
تاريخ التسجيل : 07/01/2009
العمر : 27

مُساهمةموضوع: قصيدة .... (حي......مقتول )   السبت مارس 07, 2009 7:17 am

ردا علي الاكاذيب والوقاحة التي حلت بالعالم والتعرض الدنيئ الي شخصية الرسول صلي الله عليه وسلم
كانت هذه الكلمات البسيطة
ارجو ان تنول اعجابكم وتستشعرون معي مدي صمتنا المهين

القصيدة بعنوان حي.....مقتول



لا تبــــكِ ثري البرية ولا تثـــــورُ
أنسيت أن محمداً من الله رسولٌ؟


أنسيت كم خطي عليك؟ وكيــــف
كان بفرسه في المعارك يصولٌ؟


فأمسك عليه دمعـــك ودعــه لــي
فإن الدمع علينا لا عليه مقبـــولٌ


أم تبكي لأمتِه حسرة؟ أم تبكــــي
علي هواننا؟ أم ماذا عنا تقــــولٌ؟

أتشكو حظك أنك رأيتنا للكـــلاب
نخور؟ أم أنك بالهموم مثقـــولٌ؟


أم تندم أنك رأيتنا من البشرخلقــاً
أتـراني من هواني حــي مقتـولٌ؟


أتبكي وأنت علي الأرض ثـري؟
فماذا تنتظر مني والجراح تهولٌ؟

أم ماذا أفعل؟وحق الحبيب يضيـع
حتـي صوتي في الأعناق مغلـولٌ


أم لم تعد تراني بعدما نفــــذت في
السهام؛فإني إليك بالكفن منقـــــولٌ


فمالي أراك بوجهك هائماً؟ أماكفـ
ـاك أنه محمدٌ نجم في علاه يجولٌ


أم أنك في بكائك تحتضروتسألني:
صارحني أماكفانا نحن له خذولٌ؟


أما آن الوقت أن نسد أفواه الكلاب
أما آن لدمائنا للأرض أن تطـولٌ؟


أما آن لها للقبور من الجراح تسيل
علها تـوقظ قلوب للحبيب تـــؤولٌ!

بل إني في الحياة لا أستحـــــق إن
مُسســت فإني في هواك لمسئــولٌ


فبأي شئ يصيبك نبح الكـــــلاب؟
وإنـي في الحســـن إليــك مدلـــولٌ

فلا لن يُمـس محمدٌ فالسماء عنـــ
ـــه من ذئاب الأرض تعلووتحولٌ


وسيبقي رسولنا نوراً في فـضـــاه
أفرأيتم الذئاب من النجوم تنــــولٌ؟


_________________

نـتــواصــــــــل..... لأنـنـــا بالخـــير دومــــاً نــرتــــقـي




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زمردة
عضو ممتاز
عضو ممتاز


عدد المساهمات : 110
تاريخ التسجيل : 06/09/2008
العمر : 27

مُساهمةموضوع: رد: قصيدة .... (حي......مقتول )   السبت مارس 07, 2009 7:28 am

جامدة جدا اوى خاالص و آخر حاجة طبعا سلام سلام
cheers Laughing cheers
وعجبتنى أوى الأبيات دى وحسيت انها لمست قلبى بجد ....
Laughing Cool Laughing
فأمسك عليه دمعـــك ودعــه لــي
فإن الدمع علينا لا عليه مقبـــولٌ


بل إني في الحياة لا أستحـــــق إن
مُسســت فإني في هواك لمسئــولٌ


وسيبقي رسولنا نوراً في فـضـــاه
أفرأيتم الذئاب من النجوم تنــــولٌ؟



طبعا وباقى الأبيات روعة ....
ترحيب ترحيب ترحيب ترحيب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
fatota
Admin


عدد المساهمات : 481
تاريخ التسجيل : 05/09/2008
العمر : 28

مُساهمةموضوع: رد: قصيدة .... (حي......مقتول )   الأحد مارس 08, 2009 12:58 am

حلوة جدااااااااااااااااااااا بجد هايلة bounce bounce
ومعبرة اوى
وياريت يكون لنا دور فعلا فى نصرة الحبيب فالدموع كما تقول
المفروض تسيل على ضعفنا وهواننا نحن Crying or Very sad لان الرسول مهما قيل عنه فسيبقى

وسيبقي رسولنا نوراً في فـضـــاه
أفرأيتم الذئاب من النجوم تنــــولٌ؟


جزاك الله خيرا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Snow_white
Admin


عدد المساهمات : 764
تاريخ التسجيل : 01/09/2008
العمر : 27

مُساهمةموضوع: رد: قصيدة .... (حي......مقتول )   الأحد مارس 08, 2009 3:30 am

جميلة ...جميلة ....جميله
وكلماتها معبرة وأحسنت في الختام فكان أجمل كلام
Very Happy وسيبقي رسولنا نوراً في فـضـــاه
أفرأيتم الذئاب من النجوم تنــــولٌ؟

جزاك الله عنا خيرا ترحيب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bokra-ahla.ahlamontada.net
dr.no
عضو ممتاز
عضو ممتاز


عدد المساهمات : 205
تاريخ التسجيل : 24/01/2009
العمر : 28

مُساهمةموضوع: رد: قصيدة .... (حي......مقتول )   الإثنين مارس 09, 2009 3:53 am

جزاك الله خيرا يا فيرينج

بص يا دكتور اولا موهبة الشعر دى من الله سبحانه وتعالى

وربنا وهب لك النعمة دى فامانة عليك دايما توظفها لخدمة الاسلام

وللدفاع عن امة الاسلام

وربنا يباركلك فى الموهبة دى


ثانيا القصيدة اكثر من رائعة انا صحيح مش خبير فى الشعر

بس كلماتها والصور الجمالية اللى فيها مؤثرة جدا

وبعدين انت كنت قاسى اوى لما قلت


أم تبكي لأمتِه حسرة؟ أم تبكــــي
علي هواننا؟ أم ماذا عنا تقــــولٌ؟

م تندم أنك رأيتنا من البشرخلقــاً
أتـراني من هواني حــي مقتـولٌ؟


أتشكو حظك أنك رأيتنا للكـــلاب
نخور؟ أم أنك بالهموم مثقـــولٌ؟

يعنى يا فيرنج الثرى والارض تبكى
واحنا العرب المسلمين اللى هما بشر لم نتاثر


وبعدين احنا ضعاف اوى للدرجة دى
انا خايف تكون دى الحقيقة

وبعدين يا راجل تقول على اللى شتموا الرسول كلاب

حرام عليك

ليه تشتم الكلاب

عموما القصيدة اكثر من رائعة
وجزاك الله خيرا

يا فنان ياكبير

ترحيب ترحيب ترحيب ترحيب ترحيب ترحيب ترحيب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
firing_dragon
عضو ممتاز
عضو ممتاز


عدد المساهمات : 661
تاريخ التسجيل : 07/01/2009
العمر : 27

مُساهمةموضوع: رد: قصيدة .... (حي......مقتول )   الإثنين مارس 09, 2009 5:57 pm

متشكر اوي لردودكم الحلوة اوي دي
وياااااااااارب ما نكونش زي ما قايل في القصيدة اننا نفضل مذلولين للكلاب

وعلي راي د no انا كده بشتم الكلاب لانها علي الاقل بتسبح وعارفة نعمة ربنا عليها
بس انا مش عارف اوصفهم بوصف تاني الخنازير دول

وعلي اي حال دايما لازم يكون فيه تفاؤل

زي ما قال الرسول صلي الله عليه وسلم : الخير في وفي امتي الي يوم الدين

يااااااااااااااااااااااارب
وجزاكم الله خيرا


شكرا شكرا شكرا شكرا

_________________

نـتــواصــــــــل..... لأنـنـــا بالخـــير دومــــاً نــرتــــقـي




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
true man
عضو ممتاز
عضو ممتاز


عدد المساهمات : 316
تاريخ التسجيل : 26/02/2009
العمر : 28

مُساهمةموضوع: رد: قصيدة .... (حي......مقتول )   الجمعة مارس 13, 2009 10:24 pm

السلام عليكم ورحمة الله وبركاته
يا دكتور فايرنج المعانى اكثر من رائعة والعاطفة صادقة موحيةولكن-وما ادراك ما بعد لكن-قالبها الذى وضعت فيه اقل مما رأيته منك من قبل ....ارجو ان يتسع صدرك لما اكتب وتقبله من باب النصح فانى لك من الناصحين
اولا القصيدة على جمالها فقدت الوزن فى اكثر ابياتها ولعل عذرك انك لم تدرس علم العروض او درسته ونسيته وهى علة وقع فيها كثير من الشعراء من اشهرهم شاعرك المفضل ايليا ابو ماضى
ثانيا بعض التراكيب اراها خاطئة -وارجو ان كنت مخطئاان تصحح لى-منها
فأمسك عليه دمعـــك ودعــه لــي
فإن الدمع علينا لا عليه مقبـــولٌ:هل تطلب من الثرى ان يترك لك البكا ام تطلب منه ان يدمع اظن ان الاصح فدع الدمع على
أم تبكي لأمتِه حسرة؟ أم تبكــــي
علي هواننا؟ أم ماذا عنا تقــــولٌ؟
المفروض ان ام تفيد التنويع لكنى ارى ان البكاء حسرة على هواننا فأين هذا التنويع
للكلاب نخور:اعرف خارت عزيمته مثلا لكنى لم اسمع خار الرجل لعدوه ابدا
حــي مقتـولٌ؟ المفروض انها منصوبة حيا مقتولا
مثقول لانها من ثقل وانت تقصد أثقلته الهموم وعلى ذلك فاسم المفعول منها مثقل
بوجهك هائماً؟ اعتقد انها تقال على وجهك هائما..لاننا نقول هام على وجهه ولا اعتقد اننا قد نقول هام بوجهه
خذولٌ؟ لو انك تقصد المصدر فهو خذلانا
أما آن لها للقبور من الجراح تسيل لم افهمها وغمضت على فعلى ماذا يعود الضمير
فالسماء عنــــــه من ذئاب الأرض تعلووتحولٌ اظن ان الصواب بينه لا عنه
تنــــولٌ؟ اعتقد ان الصواب تنال ...نال ينال ..نيلا
معلش يل دكتور فايرنج لو كنت شديت عليك شوية بس القصسدة حلوة ولو اتظبطت شوية هتبقى احلى واحلى وكما يقول الشاعر كفى بالمرء نبلا ان تعد معايبه

_________________
احب مكارم الاخلاق جهدى واكره ان اعيب وان اعابا
واصفح عن سباب الناس حلما وشر الناس من يهوى السبابا
ومن هاب الرجال تهيبوه ومن حقر الرجال فلن يهابا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
firing_dragon
عضو ممتاز
عضو ممتاز


عدد المساهمات : 661
تاريخ التسجيل : 07/01/2009
العمر : 27

مُساهمةموضوع: رد: قصيدة .... (حي......مقتول )   الأحد مارس 15, 2009 4:45 am

متشكر اوي يا د true لي اهتمامك ده ،
وبص يا كتكوت :
اولا بالنسبة لحكاية الوزن دي فانا بقولك اقرا القصيدة تاني وانت صاحي شوية ماشي؟
وانا ما قلتش ان ايليا ابو ماضي شاعري المفضل ،لكن قلت انا بحب شعره وتصويراته ( وياريت تقرا كويس ماشي ؟ 2 مرة)
ده غير ان ايليا ابو ماضي وقع فيه لكن برضه بحساب يعني ماكانش علي طول ومفيش شاعر ماوقعش في حاجة زي دي والا ما كانش اتعلم ،
المهم نيجي بقي للرد علي وقفاتك :

فأمسك عليه دمعـــك ودعــه لــي
فإن الدمع علينا لا عليه مقبـــولٌ


انا مش شايف اي خطا في العبارة او الصياغة تماما واتحداك فيها لان انا اقصد ان تدع الدموع لي انا كي ابكي ، لان لي تعني الملكية والدمع بالتالي ملكي انا وانا من يستحوذ عليه ، اما اذا ذكرت مثلما تقول ( علي ) فان الدمع سيفهم علي انه دين او واجب وهذا ليس ما اردته والا فاين اعمال عقل القارئ وانا طبعا حر في اختيار تصويراتي ما دام في صياغة صحيحة ،




2- أم تبكي لأمتِه حسرة؟ أم تبكــــي
علي هواننا؟ أم ماذا عنا تقــــولٌ؟



انا حاسس لغاية دلوقت ان انت كنت نايم في سابع نومة ، لاتك بتعترض علي حاجة انت مجاوبها اساسا
بمعني : انا فعلا اريد التنويع في سبب البكاء والغرض منه فانا اسال التراب عن سبب دموعه وبكاءه وانا متاكد ان ده واضح جدا من الابيات ،


3-للكلاب نخور

هنا الخوار بمعني الضعف وممكن تيجي مع العزيمة او الهمة وده طبعا بيجي للانسان او حتي الجماد لاي سبب وانا اقصد هنا اننا اصابنا الضعف امامهم وليس لهم ( ركز شوية في الغرض ولا تتسرع في النقد والتمس سبب اخر ربما يريده الشاعر فانت ليس من الواجب ان يكون تفكيركما واحد )


4-حــي مقتـولٌ؟

منصوبة ؟؟؟؟؟
طب ليه مش خبر لمبتدا تقديره انا ولاجملة الاسمية في محل نصب مفعول به ( وطبعا مقتول نعت مرفوع برضه)


5-مثقول

هنا انا افصد انه مثقول بالهموم لاني اقصد ان عاتقه هو المثقول وبالتالي ممكن تيجي اسم مفعول من ثقل مباشرة ولا داعي ل مثقل فهنا حرية اختيار


6-بوجهك هائماً؟

بص بفي دي بجد زعلتني منك اوي انت كده نايم رسمي ، انا كل اللي عملته تقديم وتاخير لم يغير المعني اطلاقا اما اذا كنت متعود تسمعها او تفراها زي الاول فانا بسمعهالك بطريقة تانية عشان ماتتحرمش من حاجة ،


7-خذول ؟انا بصراحة متفق معاك ان الاصل خذلان بس انا فاكر اني سمعتها في قصيدة قبل كده ، لكن طبعا ده مش مقياس وانا هتاكد منها ان شاء الله ودي هاعتبرها اول نقد بناء ليك ، متشكر كتير جدا ( وانا ماحاولتش اجادلك لاني كنت شاكك فيها من ساعة ما كتبتها )



8-أما آن لها للقبور من الجراح تسيل

بص يا سيدي دي اسمها من الصور البلاغية المعقدة ( انا مش بسكر في نفسي ) بس هي اصلها فيها كذا صورة في بعض ومبنية علي بعض وللاسف انا قلت ان محدش ممكن يفهمها اوي زيك لانك شاعر برضه ولغوي جيد
المهم ، انا اقصد ان لما نحارب ......هيبقي في جراح.....وبرضه موتي.....وهيبقي في دم ....الدم هينزل من الجراح ....طب هينزل فين ؟...علي الارض....طب الارض فيها ايه من اللي انا عايزه....موتي وقبور من استشهد من قبل....طب الدم هينزل عليهم ويصحيهم لان احنا ماعدش في رجالة تحارب خلاص وكلهم ماتوا ...ومفيش حل تاني الا نصحيهم ويحاربوا هما





9-تنول


كلامك سليم بس خد بالك تنفع برضه تنول يعني الاتنين وياريت تتاكد ،



10-انا مش عارف اشكرك اد ايه علي اهتمامك ده بس اللي بينقد اوي كده لازم برضه يذكر المحاسن ولا انت بقي مش بتخش الا عشان تنقد وبس ،
ده بما انك كويس يعني وبتجيب اللي ماحدش بيجيبه ،،،،

وشكرااااااااا وانا اللي يهمني هو ان شعوري يكون وصل وفي مكانه وان احنا نصحي الناس ،،

وبعدين انا زعلان منكم كلكم انا ما شفتش حد ( رغم وجود شعراء قادرين) بيكتب حاجة عن الرسول ليه؟؟فين دفاعكم وشعوركم
والا احنا بقي مش بنهتم الا بالرومانسية والنفسية بس ( وانا اولكم بس انا بطلت من زمان)
الحمد لله

_________________

نـتــواصــــــــل..... لأنـنـــا بالخـــير دومــــاً نــرتــــقـي




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
true man
عضو ممتاز
عضو ممتاز


عدد المساهمات : 316
تاريخ التسجيل : 26/02/2009
العمر : 28

مُساهمةموضوع: رد: قصيدة .... (حي......مقتول )   الخميس مارس 19, 2009 3:16 am

كتكوت ونايم ماشى ياعم استهمل بقى غضب
اولا الوزن مكسورولولا انى مش فاضى كنت وزنتلك القصيدة بيت بيت ولو مش مصدق انا هاسالك سؤال محرج قصيدتك من بحر ايه؟؟ جاوب بقى يا ريس
ثانيا انتىا بتقول الدمع لك كى تبكى بس ده مش ماشى مع الشطر الثانى فإن الدمع علينا لا عليه مقبـــولٌ يعنى لو المعنى لا تبك ودع البكا لى يبقى تقول فان الدمع منى لا منك مقبول انما انت تقول الدمع علينا مقبول يبقى بطلب منه ان يبكى عليك او تكون انت غلطت لما حطيت الفاء التى تفيد التعليل ....فهمت حاجة
ثالثا شكلك انتى اللى نايم انتى مقولتش فين التنويع ده وانا مش شايفه حد يا جماعة يدور لى عليه
رابعا للكلاب نخور الصح امام الكلاب نخور زى ما انتا عارف امال ليه ماغيرتهاش؟؟؟
خامسا ايه يا ابنى انتا مكونتش فى ابتدائى ولا جيت الكلية على طول ايه الهبل الى انتى بتقوله ده موضة سنه كام دى ؟؟ ترانى حيا مقتولا من هوانى مفعول به ..... ليه التقدير ووجع الدماغ
سادسا مثقل مش مثقول ولو مش مصدق شيل اسم المفعول من القصيده وحاول تحط مكانه ثقل المبنى للمجهول وشوف كده ينفع ولا لا يا بيضة

سابعا شكلك كده انتا اللى نايم يا بابا هام لوجهه او على وجهه مفيش بوجهه وصلت ولا لسه يا بلدينا
ثامنا ده اسمه التعقيد اللغوى وليس الصورة المعقدة ان الصورة المعقدة تعتمد على تداخل الصور وتشابكها مثلا زى ما انا قلت ان بنزف ؤلؤ عينيها صورت الدمع بالؤلؤ ووصورت الؤلؤ دما اما ما قصدت فيسمى الغموووووض على انك تخطأت في بنيته لان المفروض ان ان تسيل وليس تسيل كده حاف
تاسعا تنول لا متنفعش نال ينال نيلا ونولا المصدر يائي وواوى مش الفعل زى مثلا قال يقول قولا وقيلا ينفع اخلى المضارع يقول اة يقيل ...جاوب انتا بقى

فى الخر احب اقولك انك انتا اللى نرفزتنى بكلامك ....انا متعود ارد بهدوء واحترام بس انتا تستاهل اللى جراك والبادى اظلم

_________________
احب مكارم الاخلاق جهدى واكره ان اعيب وان اعابا
واصفح عن سباب الناس حلما وشر الناس من يهوى السبابا
ومن هاب الرجال تهيبوه ومن حقر الرجال فلن يهابا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
firing_dragon
عضو ممتاز
عضو ممتاز


عدد المساهمات : 661
تاريخ التسجيل : 07/01/2009
العمر : 27

مُساهمةموضوع: رد: قصيدة .... (حي......مقتول )   الجمعة مارس 20, 2009 7:04 am

بصراحة كده انا ما كنتش ناوي ارد عليك زي ما قلتلك في الرسالة الخاصة اللي انت بعتهالي،
لكن بما انك بتقول ان انا نرفزتك فياريت بقي تمسك اعصابك شوية ورد عليا يا سي.......ياسي الافندي......

بتقول سعادتك ان البحر ايه؟ ( ده علي اساس انك بتفهم اوي في البحور) طيب ده يا سيدي في البحر المتقارب وابقي اوزن براحتك صحيح هتلاقي وزن مش مظبوط ( انا ما قلتش اني انا المتنبي ) وبعدين ده اساسا مش نقد يا....يا باشا ،

وبتقول انك مش فاهم الصورة في الدمع ، انا بقولك اشرب كوب شاي وارجع اقرا ردي من تاني وزود دي لو ما وصلتش برضه
(الشطر الاول انا بقول ان من سيبكي هو انا وليس انت ايها التراب فهو ملكي ، والشطر الثاني فانا اقول ان البكاء جوازه ان يكون علينا وكاني نسيت نفسي واتحدث عن الجميع وانا منهم بالطبع ) والصورة دي فيها قدرة بلاغية مش نقد زي ما انت يا......باشا بتغني وتقول ،

وبتقول مفيش تنويع ، يابني يا حبيبي استعين بصديق او حتي احذف اجابتين وانت تلاقي التنويع ،

وبتقول ان انا ماكنتش في ابتدائي ، طب انت باين عليك كنت في منازلهم او وقف قيد ، رد عليا في دي!!

اتراني ......... ني تعربها ايه سعادتك لما حي مفعول به؟؟؟؟( شفت ازاي) انت اللي وجعت دماغك

وبتقول اشيل اسم المفعول ، لا شيله انت يا بيضتين ي بعض وقولي رايك (هههههههههه)
وكمان انا عايز اعرف منك رد هو كلمة هائم يعني ايه؟؟؟؟؟ ( افتح القاموس وبص) يا ....ياافندي بيه
وبتقول تعقيد لغوي طب لما تكبر تعالي وانا اديك درس فيه ،

اه اما بقي بخصوص تنول (((فانا بقولكك بقي انت معاك حق لو فتحت المعجم الوسيط ومالقتش الكلمة دي ومعناه زي ما مكتوب بالحرف فلان بالخير فعله واعطاه اياه والشئ اخذه ))) انت اللي وصلتها للقاموس لدرجة اني شكيت فعلا ...

وبرضه في الاخر انا ااقولك اهدي وامسك اعصابك دي مش شكلة ، ده حوار ادبي ولا انت عايزها تبقي فضيحة؟؟؟؟

_________________

نـتــواصــــــــل..... لأنـنـــا بالخـــير دومــــاً نــرتــــقـي




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
dr.no
عضو ممتاز
عضو ممتاز


عدد المساهمات : 205
تاريخ التسجيل : 24/01/2009
العمر : 28

مُساهمةموضوع: رد: قصيدة .... (حي......مقتول )   الجمعة مارس 20, 2009 5:59 pm

يا جماعة عيب كدة تقطعوا فى بعضكوا

وبعدين انا حاسس انها خناقة مش شعر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
true man
عضو ممتاز
عضو ممتاز


عدد المساهمات : 316
تاريخ التسجيل : 26/02/2009
العمر : 28

مُساهمةموضوع: رد: قصيدة .... (حي......مقتول )   الجمعة مارس 20, 2009 7:57 pm

انا با جماعة قررت ابطل جدال خلاص لقول النبى(ص) انا زعيم ببيت فى ربض الجنة لمن ترك المراء ولو على حق
وقررت احتفظ باى نقد لنفسى ومش هانشر نقد لاى حاجة عشان محدش يزعل
سلاااااااااااااام

_________________
احب مكارم الاخلاق جهدى واكره ان اعيب وان اعابا
واصفح عن سباب الناس حلما وشر الناس من يهوى السبابا
ومن هاب الرجال تهيبوه ومن حقر الرجال فلن يهابا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
firing_dragon
عضو ممتاز
عضو ممتاز


عدد المساهمات : 661
تاريخ التسجيل : 07/01/2009
العمر : 27

مُساهمةموضوع: رد: قصيدة .... (حي......مقتول )   الجمعة مارس 20, 2009 9:00 pm

والله احرجتوني بكلامكم ، بس ده انا مش بجادل ، انا بدافع عن اللي انا كاتبه وبس وده من حق اي حد خصوصا لما يكون صح ،
وبقول علي الغلط غلط برضه وبعترف بيه ،

وعلي العموم انا عمري ما زعلت من اي تحاور واعتقد ان د true متفق معايا ،
ده مجرد توضيح وبس،
وربنا ما يجيب زعل خالص ،
واعتقد ان باقي الاعضاء محدش منهم زعلان ، بس ياريت نخف علي الناس شوية ....
وجزاكم الله خيراااااا





سلام سلام سلام سلام

_________________

نـتــواصــــــــل..... لأنـنـــا بالخـــير دومــــاً نــرتــــقـي




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصيدة .... (حي......مقتول )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
بكره أحلى :: يلا نخلي بكره أحلى :: منتدى بكره أحلى................................... :: اللجنة الفنية-
انتقل الى: