بريد الخميس

انا يا جماعة عندى اقتراح هايل


ايه رايكم لو نعرض مشكلة أو قصة واقعية حدثت بالفعل فى حياتنا


مش لازم احنا نكون ابطالها

القصة ممكن تكون سمعتها من حد او قراتها فى جريدة او حدثت لاحد من افراد عائلتك

ونناقشها ونعلق عليها ونطلع منها الدروس المستفادة وممكن ناخذ منها عبرة او عظة

وهنسمى الموضوع او الملتقى ده بريد الخميس


هتسالونى اشمعنى الاسم ده


الاسم اخترته من اسم بريد الجمعة اللى بينزل فى جريدة الاهرام كل يوم جمعة
وفيه الناس بتعرض مشاكلها وده للصحفى اللامع خيرى رمضان


وبما ان هيكون الموضوع يوم الخميس ف انا سميته (بريد الخميس)

لاننا طبعا بيكون عندنا ملتقى الجمعة الساعة عشرة ومش هنقدر نكلم فى موضوعين فى نفس الوقت










لو عجبتكم الفكرة نتفق على ميعاد معين


وكل عضو هيبقى عليه الدور فى عرض مشكلة كل اسبوع

وباقى الاعضاء يعلقوا على المشكلة


ولو في اقتراحات تانية ياريت نعرفها علشان كلنا نستفيد



مستنى ردودكم

اقتراح جميل dr.no

أنا كان نفسي في الموضوع ده من زمان
لما عملنا (همك همنا)
كان في دمغنا أن لوأي واحد واجه مشكله أو ضيق يكلمنا عنه
وكلنا نحاول نساعده في حلها

بس فكرة حضرتك أشمل لأن زي ما حضرتك قولت مش لازم تكون حصلتلنا احنا
ودي حاجه رائعة

علشان نتبادل الآراء في الموضوع ....ونوصل لحلول كتيرة
بقترح أن المشكله تنزل يوم الخميس بس الحل يكون على مدار الأسبوع
ده للي مش هيلحق يعلق live
متهيئلي الساعه 10 برده
ولا إيه؟

جزاك الله خيرا عالإقتراح

الله عليك يا dr. no
فكرة هايلة ( انا معاك) بس ياريت نتفق علي وضع نظام ليها
وبالنسبة للميعاد انت اقترحت يوم الخميس كويس
والساعة 10 كويس برضه زي ما سنو قالت
يلا بسرعة ننفذ
اكثر من رائع

فكرة هااااااااااااااااايلة
انا بحب النوع ده جدا
ان معاكم ان شاء الله
واحسن حاجة ان كل واحد هيعملها اسبوع عشان نجيب حاجات مؤثرة
وانا مع سنو ان ارآنا تكون على مدار الأسبوع عشان تكون كويسة ونقدر نركز فى المشكلة
جزاك الله خيرا

انا سعيد جدا بان فكرتى نالت اعجابكم

بالنسبة للميعاد فانا حددته بما انى صاحب الفكرة

عارفين ايه هو




الخميس الساعة العاشرة


وعلى فكرة هنبدا من الخميس ده بما انى صاحب الفكرة

وعايز مشاركة اكتر من كدة علشان كلنا نستفيد

وبسأل عن بقية الاعضاء هما فين


وهتسألونى مين اول عضو هيبدأ بطرح المشكلة اللى طبعا هتكون الاسبوع ده






وطبعا انا اللى ها قول مين اللى هيبدأ بما انى صاحب الفكرة


العضو الاول



هو





هو





هو



انا من رايى نخليها عن طرق التصويت اللى هيبدا من بكرة يوم الاثنين الموافق2/2/2009


وسنعلن عن الفائز بعرض المشكلة الاولى يوم الاربعاء

وطبعا هيكون الترشيح هنا فى نفس الموضوع مؤقتا



وبالنسبة للمكان باطلب من admin

انه يعمل لبريد الخميس ملتقى خاص

وطبعا الحل هيبقى على مدار الاسبوع ولكن اتمنى اننا نكون كلنا موجودينlive

اثناء عرض المشكلة

يا جماعة ان شاء الله

الترشيح هيبقى فى ملتقى بريد الخميس

مش هنا
شكرا

جميلة الفكرة

جزاك الله خيرا

اروح ارشح هناك بقى