إيه المشكله؟

80 مليون بحالهم مش عارفييين يبنوا البلد دي

كل واحد مننا نفسه يشوف مصر أم الدنيا زي ما بيقولوا
نفسه يشوفها من أحسن البلاد اللي في الدنيا

في رأيك إيه المشكلة بالظبط؟ازاي تتحل؟
وايه أكتر حاجه بتحبها واكتر حاجهمابتحبهاش ف البلد دي ؟؟؟

من وجهة نظرى يا snow أن المشكلة مكلكعة، طبعا هتسألى أزاى؟
أقولك: كلنا عايزين نخلى البلد بتعاتنا أحسن بس:-
1- مش شايفين أن الحاجات الصغيرة اللى بتتعمل كفاية ومش عارفين ننظمها عشان تبقى كفاية.
2-وكمان عندنا عقدة أسمها "الحكومة هى السبب" بصراحة مش كل مرة بتبقى هى اللى غلطانة على سبيل المثال موضوع (الزبالة) لما الحكومة بتبعت ناس تنظف الناس بترجع ترمى تانى، مع الاعتراف بأنها بتغلط فى حاجات تانية.
3-مش بنساعد بعض ولا بنساعد الحكومة على التنظيم؛أعتقد ده لأن الناس لا بتحب ولا بتثق فى الحكومة.
4-مش فاهمين الأولويات بتاعتنا صح ومدخلين المشاكل فى بعض؛ يعنى تقول لواحد ألتزم بقوانين المرور الجديدة يقولك طيب ورغيف العيش كأنها مقايضة هتجيبوا العيش هنلتزم.. المهم أن القوانين دى عشانه نحن.
5-الشباب بنوعيه يا متكاسل وعايز الشغل يجيلوه لحد عنده وهو مكبر لكل حاجة حواليه وكل اللى فى دماغة المطربة الفلانية ولا....ولا.....ولا.................أو أنه متبع تيار معين يحددله مساره أو عايز يسافر ويجرى بعيد عن البلد(بس مش كلهم كده).

صحيح عندنا سلبيات كتير لكن فى كمان ايجابيات هتكلم عنها قريب باذن الله.

السلام عليكم ورحمة الله وبركاته
انا متفقة معاكى تماما يا زمردة فى كل اللى قلتيه فعلا احنا حياتنا بقيت منحصرة فى حاجات معينة بس يعنى كلنا عايزيين شقة وعربية وفلوس مبدأ انا ومن بعدى الطوفان مثلا كتير من الناس تقول يعنى انا اللى هفرق او فى الجامعة الكل يقولك يعنى اللى اتخرجوا عملوا ايه او احسن منى وقاعدين ع القهاوى هشتغل انا
بصراحة المشكلة فى مصر هى السلبية فى كل حاجة
والاتكال المعظم مستنى حد يعمل شغله بداله حتى نوعا ما بحس اننا فى الكلية عايزيين رئيس القسم ينزل يقول لنا ذاكرو صفحة ولو ينفع كلمة عشان منتعبش ونخلص محدش عايز يتعب كلنا بنستسهل وعايزيين الدنيا ممهدة
الحل هو احنا جيلنا والاجيال اللى قبلنا والى بعدنا كلنا المفروض نبص للدنيا من وجهة نظر ايجابية ونؤمن اننا لو تعبنا هنلاقى ولو تعبك مظهرش فى حاجة ربنا هيعوضك فى حاجة تانية
فيه مقولة جميلة بتقول علمت ان عملى لن يقوم به غيرى فعملت به وحدى
علمت ان رزقى لن ياخذه غيرى فاطمئن قلبى
بالنسبة لفكرة ان الحكومة هى السبب ان مش معاها لان الحكومة نظام حاكم ومشرف على شئون البلد مفتكرش ان لو مجموعة شباب قرروا يعملوا مشروع انها هتقول لهم لاء والله ما انتو عاملين انا معاكوا ان فيه قيود وروتين بس المثابرة بينتج اثرها واللى يتعب فى الاول يرتاح فى الاخر
اكيد وجعت دماغكو كفاية كده
يلا سلاااااااااااااااااااام